Yer. 49:29 - Ebaibul

²⁹ Toŋatasi ŋiemae kec ka ŋamesekin kec, toŋatasi ŋanaŋgae kec ka ŋiboro kec daadaŋ; yaasi aŋuna kus ŋikaala kec, ido iiraryo akigworo a ŋituŋa a ŋul ebasi, ‘Eyai ekabule ŋiwaetin daadaŋ.’

Yer. 49:29 Iomraidhean Croise

Akisy. 37:25

Kedaut ŋun, kiboikinos kimuja; ani eŋoleŋolekinete, kiŋolikis ŋituŋa ŋulu alalak ŋulu anyaritae Ŋisimael eponito alo Gilead, emeto ŋikaala ŋulu ewokito ŋiboro lu: Ŋikito ŋulu itoboboete akimuj ka ekitoe ŋolo a ŋajemei ta eminae ŋolo elemyo anakwii a ŋikito, ŋolo ekukuny icunyakinio. Aayete ŋituŋa ŋul ŋiboro kec Ijipit.

Yob 1:3

Ayakar iŋes ŋamesekin ŋalipyo ŋakanikaarei, ŋikaala ŋalipyo ŋauni, ŋimoŋin aliput, ŋisigirya ŋamiae ŋakan ka ŋiketiyak ŋulu alalak nooi. Aŋun arae Yob ekile ŋolo abarit nooi akilo ŋituŋa daadaŋ ŋulu a ŋakwapin a ŋuna alo Kide Yorodan.

Ŋikiru. 120:5

Oi acakar bare ca ayoŋ aŋuna eboiyo alo Mecek! Acakar bare ca aŋuna eboiyo alokidiŋ ŋituŋa ŋulu a Kedar!

Ŋikiru. 31:13

anerae apupi ayoŋ ŋituŋa ŋulu alalak iŋaiŋaasi; eyai ekabule lowaetin kaŋ daadaŋ; Eyeete ikes ŋakiro ŋuna aaret ayoŋ, ido totukut akiar ayoŋ.

Isa. 13:20

Mam ituŋanan iboikin nabo Babilon, kori eyakaun nabo nen tari ananyameta a daadaŋ. Nyedukokinete Ŋimarabui ŋiemae kec nen, nyimyekinete ŋikeyokok ŋamesekin kec euryanete a nen.

Isa. 60:7

Iudunio ŋamesekin a Kedar daadaŋ neni kus, eyaunio neni kus ŋimesekin a Nebaiyos ikwapei ŋamuronisya ŋuna epeyo, acamuni ayoŋ ikes anamuroet kaŋ, esibusi ayoŋ Akai kaŋ ŋina ka apolou.

Yer. 10:20

Enyasun ŋiemae kosi, atubutuboor ŋaunoi kosi, aloto ŋidwe kosi aneni kosi, a ŋopiyasi jik, mam ituŋanan ikiŋarakini adukokin nabo ŋiemae kosi, mam ituŋanan epedori akinenekin ŋanaŋgae loemae kosi,

Yer. 4:20

Ikirika akinyasuno, enyasunoi, aruwor akwap daadaŋ acaryoit. Enyasun ŋiemae a ŋituŋa kaŋ atipei enyasun alotooma apaki ŋina euruwuana ŋanaŋgae ŋuna inenetoe tooma ŋiemae.

Yer. 46:5

Kaanukiro eteo ayoŋ ikes ebulit? Aema ikes, aboŋosi ebulit, eloun ŋikajiok kec, ido ikirikasi ekerete, iŋoliununeete kaku, eyai ekabule lowaetin kec daadaŋ.

Yer. 49:24

Apalagagiasi ŋituŋa a Damasko aema aŋuna ke ekabule, ekamu ikes amaran, einaiya ikes aryeba ka akiyaloloŋ ikwa aberu ŋina eryeba aŋuna ka akidoun.

Yer. 49:5

Alosi ayoŋ ayauni neni kus ekabule aneni a ŋikidunyet kus a daadaŋ, ido ikielaryo iyes daadaŋ ŋinituŋanan eemi bon, tomamukaun ituŋanan ecunakini ŋulu irimito car.

Yer. 6:25

Nyilot lomanikorin, kori nyilot alorotin, anerae eyakatar ŋimoe yok ŋiboro ŋulujiet, eyai ekabule lowaetin yok daadaŋ.’

Abak. 3:7

Abu ayoŋ eŋolik ŋituŋa a Kuc eyakatar akuryanu, abu eŋolik Ŋimidian ebulit emaranete.

2 Ŋikor. 4:8

Ikisilekio isua alowaetin a daadaŋ, nai nyibusokina ikes isua, nyikiyeni isua ŋuna kitiya, nai nyesaluni akigeno kosi.

2 Ŋikor. 7:5

Tari ŋina adolunere isua Makedonia, nyieŋuna isua. Ayakasi ŋatyokisyo ŋiwaetin daadaŋ, ikirikaunito isua ŋiburasyo alowaetin a daadaŋ ka ayai ekabule lotai kosi.

Ŋikat. 6:5

anerae awotununeete ŋimoe a Ŋisirael ŋul ka ŋibaren kec ka iwokito ŋiemae kec, arimaete ikes esibito emaase, pa apedoryo akimarun ŋituŋa ka ŋikaala kec, apotu ikes kinyasut akwap a Ŋisirael.

Ŋikat. 7:12

Alalak nooi Ŋimidian, Ŋiamaleki ka ŋituŋa a ŋikabilae a ŋulu a lo Kide, apetakina akadipaalat daadaŋ esibit emaase, pa apedoryo akimarun ŋikaala kec, alalak nooi asibit asinyon alodiyete anam.

Ŋikat. 8:21

Temasi nai Salimuna ka Seba neni a Gideon “Bua toarae isua, anerae iyakar iyoŋ agogoŋu ŋina a ekile.” Aŋun abu Gideon toar Salimuna ka Seba, ido tolema ŋiboro ŋulu etanapikinitae lomosiriŋin a ŋikaala kec.

Ŋikat. 8:26

Arae apotis a egolid a ŋolo etiyaunitere ŋinapito a ŋaki a ŋulu abu Gideon kirirau alotuŋa ŋakiloi ŋuna aapikinito ŋatomoniarei, (Pa emaritae ŋinapen a ŋidokolei, a ŋaki ka ŋilowi ŋulu kipura-Areŋak ŋulu enapeneneete ŋirwosi a Ŋimidian ka ŋulu anapito ŋikaala kec.)