Yer. 49:22 - Ebaibul

²² Ipumakin ŋimoe akirem Bosira lopite ŋolo ipumakinor egole ibore epetarit ŋabebenuk keŋ. Akoloŋit ŋin ebuli ŋikajiok a Edom lopite ŋolo ebulyo aberu ŋina eryeba aŋuna ka akidoun.”

Yer. 49:22 Iomraidhean Croise

Ŋikiru. 18:5

apotu ŋirotin ŋulu ka akibois a ŋina a ŋikatwak okoena ayoŋ, apotu ŋirotin ŋulu ka atwanare ekerikaut ayoŋ.

Ŋakit. 30:19

Epite ŋolo eporyo egole alokidiama, epite ŋolo elosyo emun anataaba, epite ŋolo iyooror ameeli ananamio neni elosi ka epite ŋolo eminakinotor edya ka apese.

Isa. 11:14

Nai iuwuarosi ikes kwap lowae ŋolo alo To toremo Ŋipilistin, eŋatarete ikes kaapei ŋiboro a ŋituŋa a ŋulu alo Kide. Eremete ikes ka kilout ŋituŋa a Edom ka Moab, iwuapete ŋituŋa ka Amon ŋakiro kec

Isa. 13:8

ka ekadakini ikes. Eyakaun ikes napipilu ka naryeba, eryebakinosi ikes nooi ikwa aberu ŋina eapi akidoun. Itekinosi ikes make eumokinito, eyakaun ŋileec loreetin kec.

Isa. 21:3

Aŋun, eryeba akuwan kaŋ, akanomo ayoŋ aryeba ŋina ikoni aryeba a aberu a ŋina eapi akidoun, apapanu ayoŋ nyeriŋa apupi ŋakiro, akakadaki ayoŋ nyeriŋa ete ibore.

Isa. 26:17

Okoe Ekapolon, aponi isua kibelibeloi ka kigworoi alokiŋaren kon eryabae lopite ŋolo eryabar aberu ŋina eapi akidoun.

Yer. 13:21

Anukiro ilimunete iyes apaki ŋina eponiata ŋituŋa ŋulusek iriito ka iyes? Nyiryabakinosi iyes lopite ŋolo eryabar aberu ŋina eapi akidoun a?

Yer. 22:23

Okoe iyes ŋituŋa ŋulu iboiyete alo Lebanon, ŋulu iboiyete anakais a ŋuna edukitoe a ŋakito a Cedar! Ipote iyes aumen apaki ŋina ebunio aryeba neni kus, aryeba ŋina ikwaan ka ŋina a aberu a ŋina eapi akidoun.”

Yer. 30:6

Kiŋitae ayoŋ, iŋolikinete iyes, epedori mono ekile akidoun ikoku a? Kaanukiro nai eteo ayoŋ ŋikilyok daadaŋ idokokinito ŋakan kec nakookyes, esibito ŋaberu ŋuna eryebasi aŋuna ka akidoun? Kaanukiro esiliyoritotor ŋireetin a ŋituŋa a daadaŋ?

Yer. 4:13

Topupokisi! Ebunit Ekapolon lopite ŋolo eponiata ŋidouwon, eponito ŋagaari keŋ ekerete ikwa ekuwuam ŋolo ipiripiri ekusi, epiraka ŋaŋolei keŋ akilo ŋigolei. Utukui iwon! Enyasunoi iwon!

Yer. 4:31

Abu ayoŋ eira akigworo ŋina esibit akigworo ka aberu a ŋina eryeba aŋuna ka akidoun, abu ayoŋ eira akigworo ŋina ka aryeba a ŋina ikwaan ka ŋina a aberu a ŋina eapi akidoun ikoku keŋ ŋini kiyae. Arae ŋin akigworo a ŋituŋa a Sion, a ŋulu eŋaamete ieŋasi, topetarito ŋakan kec ebasi, ‘Oitakoi! Adaunoi isua eriŋa ŋikaarak nyedoluno.’ ”

Yer. 49:24

Apalagagiasi ŋituŋa a Damasko aema aŋuna ke ekabule, ekamu ikes amaran, einaiya ikes aryeba ka akiyaloloŋ ikwa aberu ŋina eryeba aŋuna ka akidoun.

Yer. 50:36

Earyo a ekileŋ ŋikerujak keŋ, earyo a ekileŋ ŋikajiok a Babilon, ikotere eruworotor ikes ŋibaŋaanotin, ikotere emunyaryo ikes.

Yer. 50:43

“Eira erwosit a Babilon atemar eponito ŋimoe ŋul, alilimiyosi ŋakan keŋ, ebwaliya iŋes aryeba ŋakiro ŋun, aryeba ŋina ikoni ŋina ka aberu a ŋina eapi akidoun.

Yer. 6:24

“Irworosi ŋituŋa a Yerusalem ebasi, ‘Eirar isua ŋakiro a ŋimoe kosi a ŋulu eponito, alilimiyosi ŋakan kosi; ikikamu ekabule isua, aryebakinoi isua lopite ŋolo eryabakinor aberu ŋina eapi akidoun.

Dan. 7:4

Ekwaan ŋolo esyaunan ka eŋatuny nai ayakar ŋabebenuk ŋuna ekwaan ka ŋuna a egole, ani eriŋa ayoŋ etee iŋes, eŋolik ŋabebenuk keŋ edotoryo anakuwan keŋ, kitonyounoe etyaŋ alokwap ido kimyekinae towo a ŋakejen a ŋaarei esibit ituŋanan ka aponi inakinae iŋes ŋatameta ŋuna a ituŋanan.

Osea 8:1

Iyes ŋulu iyokiyete ŋituŋa a Ekapolon, tokutakisi ŋabureryaŋae. Abu emoit lotuŋa ŋulu ke Ekapolon iuwuauna esibit egole, anerae nyiwuapa ikes Acamunet kaŋ ka ikes, ka abila ŋikisila kaŋ.

Obad. 1:9

“Ekuryakiata ŋikajiok kon ŋulu etirok ŋulu a Teman, ido earyo ŋolokile daadaŋ ŋolo eyai lomoru ŋulu ke Esau.”

Ŋikis. 28:49

Eyauni Ekapolon ŋituŋa ŋulu ikitijikinete iyes ŋulu ka akwap a ŋina alwanan a ŋina eyai lokisal a akwap, eyauni Ekapolon ŋituŋa ŋulu nyipupete iyes aŋajep kec, iuwaun ikes neni kus lopite ŋolo iuwaunor egole kwap.

1 Ŋites. 5:3

Erae apaki ŋina etemaryata ŋituŋa ebe, “Eyai ekisil ka emam awasya,” iŋes atipei eŋesunor akinyasuno neni kec! Eŋesun iŋes lopite ŋolo eŋesunor aryebo neni ka aberu a ŋina eapi akidoun, ka emam ŋituŋa ebucarosi.