Yer. 49:17 - Ebaibul

¹⁷ “Aŋuna a ŋican a ŋulu epote Edom, eruwor Edom akwap ŋina einakini ŋituŋa ekabule, ituŋanan daadaŋ ŋini itori diyete keŋ ebuli ka ijutujutakini aŋuna a ŋican a ŋulu etiyakin nen.

Yer. 49:17 Iomraidhean Croise

1 Ŋirw. 9:8

Eruwor Akai na ŋina tokona iteete iyes eoya na ereŋorot ŋolo etukosi ŋakielet keŋ; ituŋanan daadaŋ ŋini itori nen, eumokini topodok tema, ‘Kaanukiro etiyaa Ekapolon ŋakiro nu nakwap na ka Kai na?’

Yer. 18:16

Aŋun, eturuwosi ikes akwap kec ŋina a ŋinyas, ibore ŋini epedori ituŋanan ajamuwar ŋikaru ka ŋikaru. Ŋituŋa daadaŋ ŋulu itorete nen, ebulit ka imuŋumuŋete ŋakyes kec aŋuna a ŋinyas keŋ.

Yer. 49:13

Adau ayoŋ elope akikoŋ atemar eruwor Bosira etaun ŋolo inyasuna ka ŋolo ejamuwaritae, eruwor ecaryoit ka ŋolo isitiyaete ŋituŋa akicenio ŋuluce, eruworosi ŋitaunio keŋ daadaŋ ŋicaryo ŋikaru ka ŋikaru.”

Yer. 50:13

Aŋuna ka anyunyura a ŋina ke Ekapolon, emamukaun ŋituŋa iboiyete anakwap kus, nai eruwor iŋes ereŋorot ŋolo asilon nooi, ebuli ituŋanan daadaŋ ŋini itori diyete Babilon, ijutujutakini aŋuna ka akinyasuno keŋ a daadaŋ.

Yer. 51:37

ido eruwor Babilon ŋatukon a ŋamoru a ŋuna eritakinitae kwap ka neni iboiyoto ŋikweei, akibois ŋina ikitubuli iŋolikini ka ŋina ejutuwanaryo, ŋina emam ŋituŋa iboikin tooma keŋ.

Esek. 25:13

alimu tokona Ekapolon Akuj atemar esicani ayoŋ Edom emanit, aari ayoŋ ŋituŋa ka ŋityaŋ ŋulu eya nen; emyek Edom erae ereŋorot koŋin. Emunyaryo a ekileŋ ŋituŋa a Edom akisyakin alo Teman akitodol Dedan.

Esek. 27:36

Ikijamuwasi iyoŋ ŋimucurus a ŋakwapin, isalu iyoŋ esalune ŋolo ikitubuli nooi; nyitakanuni nabo iyoŋ ŋikaru ka ŋikaru.’”

Esek. 35:15

lopite ŋolopei ibunio iyoŋ tolelyan aŋuna abunio akwap a Ŋisirael toruwor akoŋinait, aŋun, etiyakini ayoŋ neni kon ŋuna ikitisilunete iyoŋ. Iruwor iyoŋ ekoŋinait, iyoŋ emoru Seir ka akwap a Edom daadaŋ. Eyenunete nai ŋituŋa daadaŋ atemar arae ayoŋ Ekapolon.”

Esek. 35:3

tolimok atemar, alimu Ekapolon Akuj ŋakiro nu ebe, ‘Ekemanit ayoŋ iyoŋ, iyoŋ emoru Seir, eopeuni ayoŋ akan kaŋ neni kon ekemanit, eketuruwo iyoŋ akwap ŋina asilon ka akoŋinait.

Esek. 35:7

Eturuwori ayoŋ akwap ŋina a emoru a Seir ŋina asilon ŋina erae akoŋinait, aari ayoŋ alo Seir ŋituŋa daadaŋ ŋulu epote nen, kori ŋulu itorete nen.

Mika 6:16

anerae iwuapa iyes ŋakiro ke erwosit Omiri ka etiyata ŋituŋa kon ŋiticisyo daadaŋ ŋulu etiyaete ŋituŋa ke ekal ka Aab, iwuapa iyes ŋakiro ŋuna aronok ŋuna etiyaete ikes. Aŋun, ekepotokini ayoŋ iyoŋ namunaaro ka ŋituŋa kon najamuwaro; ikitekinete iyoŋ ŋituŋa a ŋakwapin irae koŋin.”

Sepan. 2:15

Arae sek Ninepe etaun ŋolo alakara ŋituŋa keŋ kiboiyete pa ekuryaka, ebasi make, ‘Iwon bon ikidedeŋ, mam ice?’ Kiŋolikisi tokona epite ŋolo aruworor iŋes ereŋorot, neni eperete ŋityaŋ ŋulu ka ariet! Eumokini ituŋanan daadaŋ ŋini itori nen iŋolikini Ninepe ikoni nen, ido kimuŋumuŋak akou.”

Ŋikis. 29:22

Iŋolikinete ŋidwe kus ŋulu ka anyamet a ŋina ebuni epite ŋolo kinyasunere akwap ŋin ka ŋican ŋulu kebu Ekapolon kisicania ŋituŋa ŋulu kiboiyete a nen, iŋolikinete ŋigelaanotin ŋulu epote anakwapin a ŋuna alwanak ŋakiro nu: