Yer. 49:16 - Ebaibul

¹⁶ Ikimodik iyes ekabule ŋolo iinakinito iyes lotuŋa ka akituro a ŋitai kus. Iyes lu ŋulu iboiyete alokidiama ŋatabab ka alokidiama emukura. Tari kiboiyete iyes alokidiama ŋimoru ikwa ŋigolei, akacakuni ayoŋ iyes a ina.

Yer. 49:16 Iomraidhean Croise

2 Ŋirw. 14:7

Toar Amasia ŋasigarya a Edom ŋalipyo ŋatomon anakadipaalat a ŋina ka acumbi ka torem etaun Sela, kikama. Tolimok Sela ekiro ece ebe “Yokiseel”, ekiro ŋolo eriŋa enyaritere tari tokona.

Yob 39:27

Iyoŋ mono ilimonokini ŋigolei aporor kidiama, ido toduko ŋakais kec kidiama ŋimoru a?

Ŋakit. 16:18

Erikori akituro ituŋanan nakinyasuno, ido erikori ajamuwarit ŋuluce ituŋanan nacaryonut.

Ŋakit. 18:21

Epedorete ŋakiro ŋuna irworo ituŋanan aiun akiyar keŋ kori amunaar akiyar keŋ, aŋun, emaikina ituŋanan tocamu ŋatyokisyo ŋuna epote neni keŋ aŋuna a erwor keŋ.

Ŋakit. 29:23

Epedori akituro a ituŋanan aun ŋileec neni keŋ ekaku, nai iŋes ŋini itiditeuna alotau keŋ, eryamuni akitopolooro.

Eete a Ŋie. 2:14

Okoe ŋolominat kaŋ, ani iyai iyoŋ naŋici a ŋatabab ka nagoloi a ŋatabab, kimyekinae ayoŋ eŋolik ereet kon, kimyekinae ayoŋ eira etoil kon, anerae akabobokinit ayoŋ akiirar etoil kon ka akajoikinit ayoŋ akiŋolikin ereet kon.

Isa. 10:14

Adau ayoŋ alemun ebari a ŋituŋa a ŋakwapin lopite ŋolo elemunia ituŋanan ŋabeyei alokai a ikyenyit, ikwapei ecunakiniata ŋituŋa ŋabeyei ŋuna imyekinitae, acunak ayoŋ ŋakwapin daadaŋ; mam apei ŋina abu eketijik ayoŋ, kori toramak eli.”

Isa. 2:21

Elomarete ŋituŋa nakabaae a ŋatabab ka naŋici a ŋatabab aŋuna ka anyunyura a Ekapolon ka aŋuna a akica keŋ a ŋina ailiilon apaki ŋina ebunio iŋes akiteryairyakin akwap.

Isa. 49:25

Nai alimu Ekapolon atemar, epedoryo ademun aneni a ekadedeŋan ŋituŋa ŋulu ekamaritae ka epedoryo ademun ituŋanan ibore ŋini eŋatunit, anerae etiji ayoŋ ŋulu ikitijiyete iyes, ido aiuni ayoŋ ŋidwe kus.

Yer. 48:14

Ikokinete iyes ibasi, ‘Ikirae isua ŋikelounak ka ŋikajiok ŋulu etirok’?

Yer. 49:15

Eketiditeuni ayoŋ iyes alotooma ŋakwapin, ikijamuwarete ŋituŋa iyes.

Yer. 50:29

“Tonyarautu ŋulu isitiyaete ŋakawo a ŋikaleŋeleŋe ka ŋikaleŋeleŋe potu akitijiore Babilon. Kirikautu iŋes, nyimyekis ituŋanan ipei daŋ tosi. Totacakisi ikes ikwapei etiyatotor ikes, kitiyata neni kec ŋunapei apotu ikes kitiyata, anerae apotu ikes toŋero Ekapolon ŋolo asegan ŋolo a Isirael.

Yer. 51:53

Tari kedokasi ŋituŋa a Babilon neni aoyan, tari keduko ikes ŋaduketa ŋunajiet neni eyakasi ikes alokidiama, eyakuuni ayoŋ ŋikenyasak ŋulu epote amunaar iŋes.

Amos 9:2

Tari daŋ kitiŋaar ikes kiboiyosi nakibois a ŋikatwak, ekamuni ayoŋ ikes ka akan kaŋ eriu ikes a nen, tari daŋ kedokasi ikes kidiama, atiyauni ayoŋ ikes kwap.

Abak. 2:9

Ekaŋ iyes ŋulu ipotu kitabara ŋikalya kus aloboro a ŋulu idemete ŋituŋa. Idaut iyes akiduk ŋirerya kus kidiama ŋimoru, itamete atemar mam ibore ikitapi.

Mal. 1:3

ido oŋer Esau; adau ayoŋ akituruwor akwap keŋ ŋina a ŋikamukumukui ŋireŋoroto ka aloŋisat ŋina iboiyoto ŋikweei.