Yer. 49:12 - Ebaibul

¹² Ŋakiro ŋuna alimu Ekapolon ikes nu, “Ani kepedorete ŋituŋa ŋulu nyemaikina toryamut ŋican aryamun ŋican, kaanukiro ibucarotor iyes nyisicana? Nyikimyekinio iyes nyisicana, emaikina iyes ikisicani.

Yer. 49:12 Iomraidhean Croise

Ŋakit. 17:5

Ituŋanan ŋini ejamuwarit ŋikulyak, iyanyi Akuj ŋina asubuni ŋikulyak, ituŋanan ŋini elakara eryamunete ŋituŋa ŋican, emaikina kisicanae.

Yer. 25:15

Abu Ekapolon Akuj a Ŋisirael okolimok ayoŋ tema, “Tolema anakan kaŋ ekopo lo ŋolo ileleba epiini ŋolo ka anyunyura kaŋ, inak ŋituŋa a ŋakwapin a daadaŋ a ŋuna ekeyakiyari ayoŋ iyoŋ neni kec tomata epiini ŋol.

Yer. 30:11

Ikirukit ayoŋ ka iyes ikotere akaiuni iyes. Amunyari ayoŋ ŋituŋa a ŋakwapin a ŋuna abu ayoŋ ekeelak iyes, nai nyakamunyari ayoŋ iyes. Ekesicani ayoŋ iyes alotooma akiyookino, nai nyekemyekini ayoŋ iyes nyisicana.”

Yer. 46:27

“Nai ani eruwor iyes, nyikuryaketa iyes ŋiletok a Yakob, iyes ŋiletok a Ŋisirael nyikikadanak, anerae alosi ayoŋ aiun iyes anakwapin a ŋuna alwanak aiuni ayoŋ ŋiletok kus anakwap a ŋina aponi torikoroe ikes. Eboŋunete ŋiletok a Yakob kiboikinos a ekisil emam ŋace, ido mam ituŋanan itukuryani ikes.

Obad. 1:16

Ikwapei iponiata iyes ŋituŋa kaŋ toryamut ŋican, alomukura kaŋ a ŋolo asegan, erubakinete ŋakwapin daadaŋ eryamununeete ŋican; kire jik, eryamunete ikes ŋican ŋulu apolok nooi, ido etakanuni esibit pa keyakasi sek ikes nen.”

Mat. 20:22

Toboŋok Yesu ikes tema, “Nyiyenete iyes ŋuna iŋitasi. Ipedorete iyes akimat ekopo ŋolo a ŋican ŋolo alosi ayoŋ akimat a?” Toboŋokis ikes temasi, “Ikipedori.”