Yer. 48:7 - Ebaibul

⁷ “Kire jik, aŋuna iponiata iyes kikinyoma ŋaduketa kus ŋunajiet ka abaru kus, iyes daŋ ikikamaryo. Eyaaryo akuj kus Kemos nakwap ace kaapei ka ŋisacaradotin keŋ ka ŋiketiyak keŋ.

Yer. 48:7 Iomraidhean Croise

2 Sam. 5:21

Apotu Ŋipilistin kimyekis ŋitorubei a ŋakujo kec a nen, ido apotu Daudi ka ŋirukitos keŋ kidepasi ikes yaa.

1 Ŋirw. 11:33

Etiyae ayoŋ ŋun, anerae ekemyek ayoŋ, ido ilipi neni ka Asitores a akuj a ŋisidonianineni a Cemes a akuj a Ŋimoabi ka neni a Milikom a akuj a Ŋiamoni. Awou iŋes akiwuap ŋuna abala ayoŋ, nyitiya daŋ ŋuna iyookino alokiŋaren kaŋ, nyiwuapa daŋ ŋikisila kaŋ ka ŋuna atubunit ayoŋ kitiya iŋes lopite ŋolo etiyator Daudi ŋolo arae papa a Solomon.

1 Ŋirw. 11:7

Abu nai Solomon todukok akai a Cemes akuj a Ŋimoabi ka todukok akai a Milikom a akuj a Ŋiamoni kidiama emukura ŋolo eyai Kide Yerusalem.

Ŋikiru. 40:4

Erereŋ ŋulu ikinyomito Ekapolon ŋulu nyemisito ŋakiro a ŋiketurok, ŋulu nyiwuapito ŋuna koŋinae.

Ŋikiru. 52:7

“Kiŋolikisi ituŋanan ŋini abu nyikinyom neni ka Akuj, nai abu kikinyom ebari keŋ ŋolo alalan, ido abu iŋes tobarak nakiar ŋuluce.”

Yer. 13:25

Erae ŋun ŋakiro ŋuna itiyakin neni kus anerae ekemuryak ayoŋ iyes, ido igyenokinosi amodiyo.

Yer. 43:12

Inokakini iŋes akim nakais a ŋakujo a Ijipit, icunyakini iŋes ŋakais ŋun toriko ŋituŋa erae ŋulu ikamaritae, epyaari iŋes akwap a Ijipit lopite ŋolo elemarya ekeyokon ŋilac alolou keŋ, toboŋo a nen emam ŋace.

Yer. 48:13

Irumete nai ŋituŋa a Moab ŋileec aŋuna a akuj kec Kemos lopite ŋolo erumyata ŋituŋa a Isirael ŋileec aŋuna a akuj Besel a ŋina ekinyomito ikes.

Yer. 48:46

Ekaŋ iyes, okoe iyes ŋituŋa a Moab! Amunyar ŋituŋa a akuj Kemos anerae ekamar ŋidwe kus ŋulusapa ka arikor ŋidwe kus ŋulupesur.

Yer. 49:3

Okoe ŋituŋa a Esibon, kiwololoto, anerae aruwor Ai ereŋorot! Okoe ŋituŋa a Raba, kigworo icelasi! Tonapa ŋiguniyae, kiwololoto, kibuŋata ŋawat kus a ŋadase, anerae eyaaryo akuj kus Milikom nakwap ace kaapei ka ŋisacaradotin ka ŋiketiyak keŋ.

Yer. 49:4

Kaanukiro iturotor iyes aŋuna ka agogoŋu kus? adaun agogoŋu kus okoe ŋituŋa ŋulu emam akikinyoma. Ipotu iyes kikinyoma ebari kus ibasi, ‘Ŋae epedori akitijikin iwon?’

Yer. 9:23

“Alimu Ekapolon atemar, nyicamakis ŋikaosok iturotor aosou kec, nyicamakis ŋikagogoŋ iturotor agogoŋu kec, ka nyicamakis ŋulu ebarito iturotor abaru kec,

Osea 10:13

Ipotu iyes kiwuakis lotai kus aronis, ido ipotu iyes toryamut ŋuna nyiyookino, idaut iyes aryamun akisicanet aŋuna ka alyokonu kus. Aŋuna iponiata iyes kikinyoma agogoŋu kus a ŋikulepek ka neni a ŋasigarya kus a ŋuna alalak,

Ekim. 21:29

Ekaŋ iyoŋ, okoe Moab! Ikimunyar iyes, okoe ŋituŋa a akuj Kemos! Eturuwo akuj ŋin ŋikilyok ŋulu ikinyomito iŋes ŋikayarak anakwapin ka aruworosi ŋaberu ŋuna ikinyomito iŋes ŋarikon a erwosit Sikon, erwosit a Ŋiamori.

1 Tim. 6:17

Tolimok ŋituŋa ŋulu ebarito a ŋiboro a ŋulu ka akiyar a na nyiturokinosi, nyiwuakis akigeno kec lobari ŋolo nyeropari, nai kigenos neni ka Akuj, a ŋina ikiinanakini iwon ibore daadaŋ anarimao, ikotere ikilakara iwon.

Akis. 18:7

Inakisi iŋes ŋican ka akiyaloloŋ iriyan ka akituro ta eleilei ŋolo ayakar iŋes. Anerae erubakinit iŋes ebala, ‘Eboi ayoŋ a ne, arae arwosit! Meere ayoŋ apuserut, nyikiryamakin jik ayoŋ ka akiyaloloŋ!’

Ŋikat. 11:24

Nyemaikina mono iyes kituruwosi akwap ŋina ikiinakini iyes akuj kus Kemos ŋina kus a? Tosodi, nyemaikina mono isua eturuwosi akwap daadaŋ ŋina abu Ekapolon Akuj kosi kikama aŋuna kosi ŋina kosi a?