Yer. 48:47 - Ebaibul

⁴⁷ Kikote neni daŋ alorwa a ŋulu esidyok, enyakakini ayoŋ ŋituŋa a Moab ŋarereŋisyo kec.” Atubokino a Moab iŋes ŋin.

Yer. 48:47 Iomraidhean Croise

Yob 19:25

“Anerae ayeni ayoŋ atemar eyari ekalakunan kaŋ ka ayeni ayoŋ atemar apaki ŋina esidyon ebuni iŋes nakwap akitub ŋakiro kaŋ akaikinit ayoŋ.

Isa. 18:7

“Apaki ŋin eyaunio ŋainakineta neni ke Ekapolon a ŋolo a ŋajoresyo, eyaunio aneni a ŋituŋa a ŋulu aoyak tosulut ŋawat aneni a ŋituŋa a ŋulu ekeritae alodiye kec ka aneni alwanan, aneni a ŋituŋa a akwap a ŋina agogoŋ ka a ŋina iloununui ŋimoe keŋ, nakwap ŋina etyakito ŋaŋololin. Epote ŋituŋa ŋul lomukura Sion neni enyaritere ekiro a Ekapolon a ŋolo a ŋajoresyo.”

Isa. 23:18

Italeikinio neni ke Ekapolon ŋiboro keŋ ŋulu egyelanari iŋes ka ŋisiliŋa ŋulu eryamununui iŋes anagyelanar, nyiŋadaaryo ŋiboro ŋulu eryamuni iŋes anagyelanar, kori nyituruworete ikes ŋulu kec, nai eryamunete ŋulu itopoloorito Ekapolon akimuj kec ŋina alalan ka ŋilowi kec aloboro a ŋulu a Tiro.

Isa. 25:11

Tari kikeut ikes ŋakan kec anakipany lopite ŋolo epetaritotor ŋikekwaŋak ŋakan kec anakipi ikwaŋete; elemaryo akituro kec tari kikatakinito ikes aiun a ŋakan kec.

Isa. 45:20

Tocunakinos, ido potu kaapei, tocunakinos, ido potu iyes ŋituŋa kaŋ ŋulu irae ŋipiya anakwapin. Emamukatar ŋituŋa ŋulu iwokito ŋakujo aosou, ŋituŋa ŋulu iwokito ŋakujo ŋuna erae ŋakito, ido erubakinito ikes ilipete neni a akuj a ŋina nyepedori aiun.

Yer. 12:14

Irworo Ekapolon aŋuna a ŋikidunyet a Ŋisirael aŋuna amunaaryata ikes akwap ŋina abu iŋes inak Ŋisirael toruwor ŋina kec ebe, “Eapi ayoŋ alemar ikes anakwap kec ka alemari ayoŋ ŋituŋa a Yudaya alokidiŋ kec.

Yer. 12:15

Ekaku kadau ayoŋ alemun ikes a nen, esyonikini nabo ayoŋ ikes ka enyaku ikes nabo nakwap ŋina abu ayoŋ oinak ikes toruwor ŋina kec, enyakuni ayoŋ ikes daadaŋ nakwap kec.

Yer. 23:20

Nyimyekini Ekapolon anaŋoit keŋ akisican, akitodol ŋina isiyookinio ka itiyakinia ŋakiro ŋuna eya natameta keŋ. Alorwa a ŋulu esidyok, iyenunete iyes ŋakiro ŋun ejok.

Yer. 30:24

Nyedaun aŋoit ke Ekapolon ŋina aryenyaanan, akitodol ŋina edaunia iŋes akitiya ŋuna ecamit iŋes akitiyakin. Alorwa a ŋulu eponito, iyenunete iyes ŋakiro ŋun.

Yer. 46:26

Epotokini ayoŋ ikes neni a ŋulu imanito akiyar kec, neni a erwosit Nebukadinesar a ŋolo a Babilon ka neni a ŋikapolok a ŋulu ipukatotor iŋes. Ekaku, epote ŋituŋa akiboi alo Ijipit lopite ŋolo ayakatar alorwa a ŋulu a koloŋ.”

Yer. 49:39

Nai ekaku enyakakini ayoŋ ŋarereŋisyo neni a ŋituŋa ka Elam.”

Yer. 49:6

“Nai ekaku enyakakini ayoŋ ŋarereŋisyo neni a Ŋiamoni.” Ekapolon alimu ŋun.

Esek. 38:8

Eponio aruwor ŋipeyok aneni kon kelunyar ŋirwa ŋulu alalak. Ekaku a ŋikaru a ŋulu alalak, iremi iyoŋ akwap ŋina ariŋa ieŋuni alojie, ŋina ariŋa ecununio ŋituŋa keŋ anakwapin aŋuna alalak potu lokamukumukui ŋulu a Isirael, ŋulu apotu toruwor ŋikoŋinae apaki ŋina aoyan. Ariŋa inyakunio ŋituŋa a akwap a ŋin anakwapin ka iboiyete tokona ikes daadaŋ anakwap kec emam awasya.

Dan. 10:14

ido abu ayoŋ neni kon akiŋarakin iyoŋ toyenu ŋakiro ŋuna epote akitiyakin neni a ŋituŋa kon alorwa a ŋulu esidyok, anerae eyai akisileerekinet ace aŋuna a ŋirwa a ŋul.”

Dan. 11:41

Ebuni iŋes tari nakwap ŋina ebusan ka toar ŋituŋa ŋalipyo ka ŋalipyo, nai epuun ŋakwapin nu anapedor keŋ: Edom, Moab ka akwap ŋina a Ŋiamoni neni alalan neni idoŋit.

Dan. 2:28

nai eyai Akuj ŋina eyai nakuj ŋina isileereuni ŋakiro ŋuna imunono ka adau iŋes akiteyenikin erwosit Nebukadinesar ŋakiro ŋuna itiyakinosi alorwa a ŋulu eponito. Ŋakiro ŋuna ibu iyoŋ kiruja ka ibu iyoŋ kiŋolik anakiruja apaki ŋina iperyo iyoŋ alokitaada kon ikes nu:

Osea 3:5

Ekaku, eboŋunete Ŋisirael, kiwara Ekapolon Akuj kec ka Daudi erwosit kec; epote ikes anakuryanu neni ke Ekapolon ka epote ikes najokis keŋ ŋirwa ŋulu esidyok.

Ekim. 24:14

Aŋun tokona, aboŋori ayoŋ lotuŋa kaŋ, kimyek okolimok iyoŋ ŋuna moi epote ŋituŋa lu akitiya neni a ŋituŋa kon alorwa a ŋulu eponito.”

Ŋikis. 31:29

Ayeni ayoŋ atemar ekaku katwana ayoŋ, isyakinete iyes akitiya ŋuna aronok, iŋerete iyes ŋakiro ŋuna ekecik ayoŋ iyes akiwuap. Alorwa a ŋulu epote iryamunete iyes ŋican, anerae itiyaete iyes ŋuna aronok alokiŋaren Ekapolon, tosodi itoŋoyete iyes iŋes aloticisyo a ŋulu itiyaete iyes.”

Ŋikis. 4:30

Apaki ŋina iyakaunotor iyes locan, ŋina itiyakinotor ŋakiro ŋun daadaŋ neni kus alorwa a ŋulu eponito, iboŋunete iyes neni ke Ekapolon kiwuapa ŋakiro keŋ.