Yer. 48:41 - Ebaibul

⁴¹ Ikamaryo ŋitaunio, ikamaryo tari ŋaduketa ŋunajiet. Akoloŋit ŋin ikokinete ŋitai a ŋikajiok a Moab ŋulu ka aberu a ŋina eryeba aŋuna ka akidoun.

Yer. 48:41 Iomraidhean Croise

Isa. 13:8

ka ekadakini ikes. Eyakaun ikes napipilu ka naryeba, eryebakinosi ikes nooi ikwa aberu ŋina eapi akidoun. Itekinosi ikes make eumokinito, eyakaun ŋileec loreetin kec.

Isa. 21:3

Aŋun, eryeba akuwan kaŋ, akanomo ayoŋ aryeba ŋina ikoni aryeba a aberu a ŋina eapi akidoun, apapanu ayoŋ nyeriŋa apupi ŋakiro, akakadaki ayoŋ nyeriŋa ete ibore.

Yer. 30:6

Kiŋitae ayoŋ, iŋolikinete iyes, epedori mono ekile akidoun ikoku a? Kaanukiro nai eteo ayoŋ ŋikilyok daadaŋ idokokinito ŋakan kec nakookyes, esibito ŋaberu ŋuna eryebasi aŋuna ka akidoun? Kaanukiro esiliyoritotor ŋireetin a ŋituŋa a daadaŋ?

Yer. 4:31

Abu ayoŋ eira akigworo ŋina esibit akigworo ka aberu a ŋina eryeba aŋuna ka akidoun, abu ayoŋ eira akigworo ŋina ka aryeba a ŋina ikwaan ka ŋina a aberu a ŋina eapi akidoun ikoku keŋ ŋini kiyae. Arae ŋin akigworo a ŋituŋa a Sion, a ŋulu eŋaamete ieŋasi, topetarito ŋakan kec ebasi, ‘Oitakoi! Adaunoi isua eriŋa ŋikaarak nyedoluno.’ ”

Yer. 4:9

Irworo Ekapolon ŋakiro nu ebe, “Akoloŋit ŋin edaun ainakina aneni a erwosit ka aneni a ŋulu ipukato ka iŋes, ekadakini ŋisacaradotin ka eumokinete ŋikadwarak.

Yer. 48:24

Kirios, Bosira ka ŋitaunio a akwap a Moab daadaŋ ŋulu alwanak ka ŋulu eapiyete.

Yer. 49:22

Ipumakin ŋimoe akirem Bosira lopite ŋolo ipumakinor egole ibore epetarit ŋabebenuk keŋ. Akoloŋit ŋin ebuli ŋikajiok a Edom lopite ŋolo ebulyo aberu ŋina eryeba aŋuna ka akidoun.”

Yer. 49:24

Apalagagiasi ŋituŋa a Damasko aema aŋuna ke ekabule, ekamu ikes amaran, einaiya ikes aryeba ka akiyaloloŋ ikwa aberu ŋina eryeba aŋuna ka akidoun.

Yer. 50:37

Earyo a ekileŋ ŋaŋolei keŋ ka emunaaryo ŋagaari keŋ ŋuna iritae a ŋaŋolei ta ŋasigarya ŋunagelae ŋuna eyakasi kidiŋ keŋ, ikotere epalagagiata ikwa ŋaberu. Eŋatunio a ekileŋ ebari keŋ daadaŋ, ikotere eŋataryo.

Yer. 50:43

“Eira erwosit a Babilon atemar eponito ŋimoe ŋul, alilimiyosi ŋakan keŋ, ebwaliya iŋes aryeba ŋakiro ŋun, aryeba ŋina ikoni ŋina ka aberu a ŋina eapi akidoun.

Yer. 51:30

Emyekis ŋikajiok a Babilon ajiore arubakis iboiyete anaduketa a ŋunajiet adaun agogoŋu kec ekwaanikin ikes ka ŋaberu, ecunyakin ŋakais a Babilon, abilibilaar ŋakito ŋuna egolitere ŋipukei keŋ.

Yer. 6:24

“Irworosi ŋituŋa a Yerusalem ebasi, ‘Eirar isua ŋakiro a ŋimoe kosi a ŋulu eponito, alilimiyosi ŋakan kosi; ikikamu ekabule isua, aryebakinoi isua lopite ŋolo eryabakinor aberu ŋina eapi akidoun.

Amos 2:2

Aŋun, emyekini ayoŋ akim tonom Moab, enomiyari akim ŋaduketa a etaun Kerios ŋunajiet, etwakete ŋituŋa a Moab ŋulu alalak apaki ŋina eyakaunor aruruma, ecelet ka eruye a abureryaŋ a emesek.

1 Ŋites. 5:3

Erae apaki ŋina etemaryata ŋituŋa ebe, “Eyai ekisil ka emam awasya,” iŋes atipei eŋesunor akinyasuno neni kec! Eŋesun iŋes lopite ŋolo eŋesunor aryebo neni ka aberu a ŋina eapi akidoun, ka emam ŋituŋa ebucarosi.