Yer. 48:37 - Ebaibul

³⁷ “Abanyasi ikes daadaŋ ŋakyes kec ka ŋipeneka kec, eyakasi ŋajemei nakan kec a daadaŋ ka anapa ikes daadaŋ ŋiguniyae anacirin kec.

Yer. 48:37 Iomraidhean Croise

Akisy. 37:29

Ani eboŋori Ruben kare ŋin, kiŋolik emam Yosepu alotooma akare, tocil ŋilowi keŋ.

Akisy. 37:34

Apaki ŋin, tocilicili Yakob ŋilowi keŋ, tonap ŋiguniyae anacir keŋ, kigwor ŋirwa ŋulu alalak aŋuna alokoku keŋ.

1 Ŋirw. 18:28

Aŋun, apotu ikes tocelut nooi, toduŋuduŋos make a ŋileŋia ka ŋakwaaras, ikwapei araakar epite kec, akitodol ŋina aleleyaryata ŋaokot anawat kec.

1 Ŋirw. 21:27

Ani iirari Aab ŋakiro ke Eliya, tocil Aab ŋilowi keŋ, tolaca, tonap ŋiguniyae; toŋer akimuj, ido toper loguniae, tolomak akilat esiliyorit itubulito ŋakiro etau.

2 Ŋirw. 6:30

Ani iirari erwosit ŋakiro ŋuna erworo aberu ŋin, tocilicili ŋilowi keŋ a elope; aŋuna nai ametor erwosit kidiama arwatata ŋina adukitoe iryamit etaun, toanyuwasi ŋituŋa ŋulu aapiyete anarwatata atemar anapit iŋes ŋiguniyae alotooma ŋilowi keŋ.

1 Ŋakiro a ŋirwa 19:4

Aŋun, abu Anun kikama ŋituŋa ŋulu eyakit Daudi, tobanya ŋipeneka kec, totub ŋilowi kec alokidiŋ anacirin, ido kirita ikes toloto nariet;

Isa. 20:2

abu Ekapolon apaki ŋin kirwor neni a Isaya alokoku ka Amos. Tolimok Ekapolon Isaya tema, “Ape tolaca ŋiguniyae anakuwan kon ka ŋamuk anakejen kon.” Abu Isaya kitiya ŋun, tolot irimit eleri ka pa enapit ŋamuk.

Isa. 3:24

Eyakaun nen abosis meere eure a akimyet a ŋina akukunyon, enapi ŋinituŋanan auno meere ausi, edaun anakyes kec ŋitim ŋulu sek eoitoe ejok, enapete ikes ŋiguniyae meere ŋilowi ŋulu ajokak, edaun akibuses aneni kec ka irumete ŋileec ikes.

Isa. 37:1

Ani iirari Esekia ŋakiro ŋun, abu tocilicili ŋilowi keŋ, tonap ŋiguniyae, tolot Kai a Ekapolon.

Yer. 16:6

Etwakete ŋituŋa daadaŋ a akwap a na, ŋikapolok ka ŋulucaryo. Nyenukyo ikes, mam ituŋanan iwololoe aŋuna kec, mam ŋini egeri akuwan, mam akibany ŋitim aŋuna kec.

Yer. 41:5

todolut ŋikilyok ŋatomonikanikauni alo Sekem, Silo ka Samaria ebanyaritae ŋipeneka kec, tonapito ŋilowi ŋulu acilicilya toduŋuduŋo ŋawat kec, ayaunito ikes ŋainakineta ŋuna a ŋikinyom ka ekinyate ainakin neni ke Ekapolon alo Kai ka Akuj.

Yer. 47:5

Abanyete ŋituŋa a Gasa ŋakyes aŋuna ka atwanare, ililiŋi Asikelon cek. Okoe ŋipiya a ŋituŋa a Pilistia! Tari ori igworosi iyes?

Yer. 49:3

Okoe ŋituŋa a Esibon, kiwololoto, anerae aruwor Ai ereŋorot! Okoe ŋituŋa a Raba, kigworo icelasi! Tonapa ŋiguniyae, kiwololoto, kibuŋata ŋawat kus a ŋadase, anerae eyaaryo akuj kus Milikom nakwap ace kaapei ka ŋisacaradotin ka ŋiketiyak keŋ.

Esek. 27:31

Ebanyete ikes ŋakyes kec aŋuna kon ka enapete ŋilowi ŋulukigworet. Ikalounete ikes aŋuna kon enomorito ŋakiro ŋitai nooi, erae akigworo ŋina apipilan.

Esek. 29:18

“Lokoku a ituŋanan, abu erwosit Nebukadinesar ŋolo a Babilon ya ŋasigarya keŋ akirem Tiro aŋuna acamitor nooi akikamar; abu iŋes kisiwok ka kitoryoŋ ŋasigarya keŋ daadaŋ ŋiboro ŋulu apotyok, tolemar ŋitim anakyes kec ka tobuluciar ŋiseketa. Nai mam ibore apotu iŋes ka ŋasigarya keŋ toryamut anakimanit ka anacamit nooi akikamar Tiro.

Esek. 7:18

Enapete ikes ŋiguniyae, ilopiyari ekabule ikes. Ilelebun ŋileec neni a ŋinituŋanan, ebanyaryo ŋitim anakou a ŋinituŋanan.

Ŋilep. 19:28

Nyiduŋuduŋoto ŋawat kus etwani ituŋanan, kori nyigera ŋawat kus. Arae ayoŋ Ekapolon.

Amos 8:10

Eturuwori ayoŋ ŋasuban kus ŋuna igworore ka ŋieosyo kus daadaŋ eruworosi ŋulu ka akiwolol. Eketanapi ayoŋ iyes daadaŋ ŋiguniyae anacirin, eketabanyari ayoŋ iyes ŋitim anakyes kus; ekesigwori ayoŋ iyes lopite ŋolo igworore ikoku ŋinikiyae; eruwor akoloŋit ŋin daadaŋ ŋina aronon nooi.’

Mika 1:16

Iyes ŋituŋa a Yudaya, tobanya ŋitim kus aŋuna a ŋidwe kus a ŋulu iminasi, tobanya ŋakyes kus toŋolyaakiata ikwa ŋuna a ŋataruk, anerae eyayio ŋidwe kus aneni kus, toruwor ŋulu a ŋakwapin a ŋace.

Mar. 5:5

Erimit iŋes ŋalyalin ka ŋimoru akuwar ka apaaran, kiworoe, toduŋuduŋo bon a ŋamoru.

Akis. 11:3

Eyakuuni ayoŋ ŋikadwarak kaŋ ŋuluarei enapito ŋiguniyae, elimonokinete ikes ŋakiro ŋuna ka Akuj alorwa a ŋulu ka apeiliput a ŋamiae ŋaarei ka ŋatomonikanikapei.”