Yer. 48:28 - Ebaibul

²⁸ Kimyekisi ŋitaunio, kiboiyosi natabab, okoe iyes ŋituŋa a Moab! Kitiyata ikwa akuri ŋina eduki akai keŋ nakituk a akabaat ataaba.

Yer. 48:28 Iomraidhean Croise

Akisy. 8:12

Kidaridarak nabo ŋirwa ŋikanikaarei, tosodi kiyakiya nabo akuri kwap, ido abu akuri ŋin nyeboŋo neni keŋ jik.

Eete a Ŋie. 2:14

Okoe ŋolominat kaŋ, ani iyai iyoŋ naŋici a ŋatabab ka nagoloi a ŋatabab, kimyekinae ayoŋ eŋolik ereet kon, kimyekinae ayoŋ eira etoil kon, anerae akabobokinit ayoŋ akiirar etoil kon ka akajoikinit ayoŋ akiŋolikin ereet kon.

Isa. 2:19

Elomarete ŋituŋa naturukanin a ŋatabab ka elomarete ŋituŋa naduyon aŋuna ka anyunyura a Ekapolon ka aŋuna a akica keŋ a ŋina ailiilon, apaki ŋina ebunio iŋes akiteryairyakin akwap.

Yer. 48:9

“Tosubakisi ŋamoru ŋuna idokokinio nalyalin a ŋituŋa a Moab, anerae eapi akinyasuno a Moab, eruwor ŋitaunio a Moab ŋireŋoroto, ŋulu emam ŋituŋa iboiyete alotooma kec.

Yer. 49:16

Ikimodik iyes ekabule ŋolo iinakinito iyes lotuŋa ka akituro a ŋitai kus. Iyes lu ŋulu iboiyete alokidiama ŋatabab ka alokidiama emukura. Tari kiboiyete iyes alokidiama ŋimoru ikwa ŋigolei, akacakuni ayoŋ iyes a ina.

Yer. 49:8

Okoe ŋituŋa ŋulu iboiyete alo Dedan! Toema, toboŋutu, todokutu kwap toŋopa anaturukanin, anerae abuni ayoŋ ayaun ŋican neni a ŋituŋa a Esau, anerae adolu apaki ŋina esicania ayoŋ ikes.

Ŋikat. 6:2

Aŋuna aponiata Ŋimidian kisicana Ŋisirael nooi, apotu Ŋisirael toduko aŋuna kec ŋakiboisyo ŋunaŋopet lomoru, naturukanin ka toduko ŋaduketa ŋunajiet.

1 Sam. 13:6

Ani eanyunete Ŋisirael atemar kelomasi ikes locan ka kerookin ikes kidiŋ, apotu toŋopa alokuco, anaturukanin a ŋuna aya natabab, analyalin ka anakaumeumei.