Yer. 48:27 - Ebaibul

²⁷ Apotu ŋituŋa a Isirael toruwor ŋulu ikyenatar iyes, tari ŋina pa aryamunitere ikes erukito ka ŋikokolak, nai apaki daadaŋ ŋina irworotor iyes aŋuna kec imuŋimuŋite iyes ŋakyes.

Yer. 48:27 Iomraidhean Croise

Yob 16:4

Emaikina ayoŋ daŋ erworik ikwapei irworor iyoŋ; ani kerae toyakas iyes lopite ŋolo ayakar ayoŋ, kerwor ayoŋ ŋakiro ŋuna alalak etoropiunit akaremokino iyes, kemuŋumuŋu akou kaŋ aŋuna kus.

Ŋikiru. 44:13

Ikituruwo iyoŋ isua ŋulu ikikyenatar ŋikidunyet kosi, ikituruwo iyoŋ isua ŋulu ikijamuwarito ka ikikyenatar ŋikidunyet kosi.

Ŋikiru. 64:8

Aŋuna a ŋakiro a ŋuna aronok a ŋuna irworosi ikes emunaari Akuj ikes; imuŋumuŋakinete ŋituŋa daadaŋ ŋulu iŋolikinete ikes ŋakyes ebulit.

Ŋikiru. 79:4

Ikiruwor isua ŋulu ikibolyatar ŋikidunyet kosi, ikiruwor isua ŋulu ikijamuwarito ka ŋulu ikikyenatar ŋikidunyet kosi.

Yer. 18:16

Aŋun, eturuwosi ikes akwap kec ŋina a ŋinyas, ibore ŋini epedori ituŋanan ajamuwar ŋikaru ka ŋikaru. Ŋituŋa daadaŋ ŋulu itorete nen, ebulit ka imuŋumuŋete ŋakyes kec aŋuna a ŋinyas keŋ.

Yer. 2:26

“Lopite ŋolo irumyata ekokolan ŋileec ikamunio, Irumete ŋituŋa a Isirael daŋ ŋileec, irumete ŋileec ŋituŋa a Isirael, ŋirwosi kec, ŋikapolok kec, ŋisacaradotin kec ka ŋikadwarak kec,

Aum. 1:12

Ebasi ŋituŋa a Yerusalem, “Erae mono ŋican lu ŋikoŋinae aneni kus iyes ŋituŋa daadaŋ ŋulu itoreneneete Yerusalem a? Kiŋolikisi mono iyes ŋakwapin ŋunace, eyakasi ŋican ŋulu eryamunito ikes ŋulu ikote ŋulu eryamunitae isua a? Eyakasi mono nakwapin ŋican ŋulu ikote ŋulu eyaunit Ekapolon neni kosi anapaki a ŋina ka aŋoit keŋ nooi a?

Aum. 1:7

Alorwa a ŋulu a ŋican ka akirimit, apotu ŋituŋa a Yerusalem totamut ŋiboro kec daadaŋ ŋulu apol egyelit ŋulu ayakatar ikes ekiŋaren. Ani eyakaun ŋituŋa a Yerusalem napedor a ŋimoe kec, abu todaun ituŋanan iŋarakini ikes. Apotu ŋimoe a Yerusalem kitekis Yerusalem, ido ekyenatar aŋuna ka akinyasuno keŋ.

Esek. 25:8

“Alimu Ekapolon Akuj atemar, aŋuna aponiata ŋituŋa a Moab tolimut ebe, ‘Kiŋolikisi, ekwaanikin ŋituŋa a Yudaya ka ŋulu a ŋakwapin a ŋunace,’

Esek. 35:15

lopite ŋolopei ibunio iyoŋ tolelyan aŋuna abunio akwap a Ŋisirael toruwor akoŋinait, aŋun, etiyakini ayoŋ neni kon ŋuna ikitisilunete iyoŋ. Iruwor iyoŋ ekoŋinait, iyoŋ emoru Seir ka akwap a Edom daadaŋ. Eyenunete nai ŋituŋa daadaŋ atemar arae ayoŋ Ekapolon.”

Esek. 36:2

Alimu Ekapolon Akuj atemar aŋuna aponiata ŋimoe a Isirael temasi, ‘Ee ro ca! Aruwor tokona ŋikamukumukui ŋulu aoyak ŋuluŋorok ŋulu yok.’

Esek. 36:4

aŋun okoe ŋituŋa ŋulu iboiyete alokamukumukui a Isirael, alimu Ekapolon Akuj ŋakiro nu aŋuna a ŋimoru, a ŋikamukumukui, a ŋayona a ŋuna eyakasi ŋakipi ka a ŋuna a ŋakadipaalae ka ŋakiboisyo ŋuna asilok ka ŋunakoŋinae ta aŋuna a ŋitaunio a ŋulu emam ituŋanan eyai a ŋulu aruwor ŋikoŋinae a ŋulu aponi toŋatarae ŋiboro kec ka tojamuwasi ŋituŋa a ŋakwapin a ŋuna idunyatar ikes.

Sepan. 2:10

“Epite ŋol iŋes isicanere ŋituŋa a Moab ka ŋulu ka Amon aŋuna ka akituro kec ta ajamuwarit ŋituŋa ke Ekapolon a ŋolo Etiron.

Sepan. 2:8

“Adau ayoŋ akiirar ŋiyany a ŋituŋa a Moab ka ŋilam a Ŋiamoni, ŋulu alomakiniata akilam ŋituŋa kaŋ, ido itubulito ŋituŋa kaŋ anakwap kec.

Mat. 26:55

Apaki ŋin tolimok Yesu ŋituŋa tema, “Kan nyo iponitotor iyes akikamun ayoŋ itiŋito ŋatumio ka ŋabiroi esibit arae ayoŋ ekokolan? A ŋinakoloŋit abu ayoŋ oyakaun Kai ka Akuj etatami, ipotu iyes nyikikamut ayoŋ.

Mat. 27:38

Ekaku kibubukinoe ŋikokolak ŋice ŋiarei daŋ, epei teten keŋ ka ŋoloce kedyany.

Mat. 7:2

anerae ikitubonokinio iyes ikwaŋinapei itubonokiniata iyes ŋuluce ka etyae ŋolo iinakinete iyes, iŋes ikiinakinio iyes.