Yer. 48:26 - Ebaibul

²⁶ “Kitemerakisi ŋituŋa keŋ, anerae apotu kitopoloor make kimana Ekapolon, kimyekisi ŋituŋa a Moab kibelibelo analyakan kec pei, eruwor ikes daŋ ŋulu ekyenare.

Yer. 48:26 Iomraidhean Croise

Yob 15:25

Itiyakinosi ŋun neni kec, anerae apotu ikes kiniŋiniŋo ŋakan kec eremokino Akuj, ido apotu kitiyata esibito ŋikelounak Akuj ŋina etiron;

Yob 9:4

Eos Akuj nooi ka erae agogoŋu keŋ ŋina etiron, ŋae mono abu kitiji Akuj, ido kilou?

Ŋikiru. 2:4

Ejamuwarit Ekapolon ŋolo eyai kidiama ikes, isicoŋakini Ekapolon ikes anakiro a ŋuna etukete ikes a ŋunacaryo.

Ŋikiru. 59:8

Nai okoe Ekapolon ijamuwarit iyoŋ ŋakiro kec; ijamuwarit iyoŋ ŋituŋa a ŋakwapin a daadaŋ ŋulu nyenupito neni kon.

Ŋikiru. 60:3

Iteryamu iyoŋ ŋituŋa kon ŋican ŋulu atyonok; ikiinak iyoŋ isua akiteritero esibit ikirae ŋikamerak.

Ŋikiru. 75:8

Eŋoit Ekapolon, eŋoit iŋes nooi, eakik iŋes anyunyura keŋ neni a ŋulu aronok; esunyuak iŋes aŋoit keŋ daadaŋ neni kec.

Awos. 5:2

Nai abu Parao kiŋit ikes tema, “Ŋae erae Ekapolon, ŋolo emaikina ayoŋ ewuap ŋakiro keŋ emyek Ŋisirael toloto? Nyayeni ayoŋ Ekapolon ŋol, ido nyemyekini ayoŋ Ŋisirael toloto.”

Awos. 9:17

Nai eriŋa bo iyoŋ itopolooro imanit ŋituŋa kaŋ, ido nyicamit akimyekin ikes toloto.

Isa. 10:15

Nai irworo Ekapolon ebala, “Epedori mono aep atemar apol iŋes akilo ituŋanan ŋini isitiyae iŋes a? Kori epedori erigi atemar eloit iŋes ituŋanan ŋini isitiyae iŋes? Nyepedori adaset akikyaar ituŋanan ŋini etiŋit iŋes, kori ebala akikeun ituŋanan ŋini iceunit iŋes!”

Isa. 19:14

Esiguryak Ekapolon ŋatameta kec, esirimirimokis ikes Ŋijipitian aloticisyo a daadaŋ, lopite ŋolo irimirimyo ekameran analyakan keŋ.

Isa. 28:8

Ibwaliyarito ŋalekan ŋuna ka asiilyo ŋimesae kec, mam akibois ŋina eseg.

Isa. 29:9

Tobaŋaaniyasi toruwor ŋulu ibaŋaaka, tomudukaniyasi toruwor ŋulu imudukaka. Tomerakinos, nai meere a epiini, kiteriterokinos, nai meere aŋuna a ŋagwe aŋuna adwarak!

Isa. 51:17

Okoe ŋituŋa a Yerusalem, tonyoutu, tonyoutu! Iyes ŋulu adau Ekapolon akisican anaŋoit keŋ, iyes ŋulu idaut alomar nooi locan ŋulu einakinete ituŋanan akiteritero.

Isa. 63:6

Abu ayoŋ epudaa ŋituŋa anaŋoit kaŋ, abu ayoŋ elou ikes ananyunyura kaŋ, obukok ŋaokot kec nalup.”

Yer. 48:39

Erono nooi akielar a Moab! Erono nooi epite ŋolo iwololoto ikes! Erono nooi epite ŋolo alemarere ajokis alo Moab, epite ŋolo edoŋio erae ŋileec bon. Aŋun, edoŋ Moab erae akwap ŋina ejamuwaritae ŋina a ŋinyas aneni a ŋikidunyet keŋ a daadaŋ.”

Yer. 48:42

Emunyaryo ŋituŋa a Moab, anerae apotu ikes kitopoloorosi make toŋero Ekapolon.

Yer. 50:29

“Tonyarautu ŋulu isitiyaete ŋakawo a ŋikaleŋeleŋe ka ŋikaleŋeleŋe potu akitijiore Babilon. Kirikautu iŋes, nyimyekis ituŋanan ipei daŋ tosi. Totacakisi ikes ikwapei etiyatotor ikes, kitiyata neni kec ŋunapei apotu ikes kitiyata, anerae apotu ikes toŋero Ekapolon ŋolo asegan ŋolo a Isirael.

Yer. 51:39

Ani imuete ikes ŋagwe, ainakini ayoŋ ikes ŋagwe etemerak ikes, tari ŋina elakarator, tosodi tojotooros ŋajo ŋuna a jik, nyekyenyut nabo.

Yer. 51:57

Etemerakini ayoŋ ŋikapolok a Babilon ka ŋikasikou keŋ, kaapei ka ŋikepukak keŋ ka ŋulu iwuapito ŋul anapukan ta ŋikajiok keŋ; ejotoorosi ikes ŋajo ŋuna nyekyenyuniata nabo jik ŋikaru ka ŋikaru.” Erwosit, ŋolo erae ekiro keŋ Ekapolon ŋolo a ŋajoresyo, iŋes alimu ŋakiro ŋun.

Yer. 51:7

Ekwaan sek Babilon aneni kaŋ ka ekopo ŋolo eyai nakan kaŋ, ekopo ŋolo itiyaunitae a egolid, abu iŋes kitemerak ŋituŋa a akwap a daadaŋ apotu ŋituŋa a ŋakwapin tomata epiini keŋ aŋun, abu kimatimataa ŋituŋa a ŋakwapin nooi.

Aum. 1:21

“Adaut ŋituŋa akiirar aumen kosi, nai mam ŋini ebuni akisirworiun isua. Adaut ŋimoe kosi daadaŋ akiirar ŋican kosi; elelyanete ikes aŋuna idau iyoŋ akitiya. Kitodolu kareca akoloŋit ŋina sek ilimunit iyoŋ, ikotere ŋimoe kosi ekwaanikinos ka isua.

Aum. 3:15

Eketeryamu Akuj ayoŋ ŋican ŋulu apolok nooi, eketeryamu Akuj ayoŋ ŋican ŋulu nyapedorit akidaŋidaŋ.

Aum. 4:21

Tolelyana ka tolakaros iyes ŋituŋa ke Edom ka ŋituŋa ŋulu iboiyete alo Us. Imerakinosi iyes, ilosete ilerete iteriterosi.

Dan. 11:36

“Itiyae nai erwosit ŋolo alo Kuju ŋuna italakarito iŋes. Itopoloor iŋes bon kitusubun epol akilo ŋakujo daadaŋ ka irwori iŋes ŋakiro ŋuna aronok itoroniyarit Akuj a ŋakujo. Itiyae iŋes ŋakiro daadaŋ ejok akitodol apaki ŋina ebunio anyunyura ŋina ka Akuj neni keŋ, anerae ŋuna emaikina kitiyae, itiyakin.

Dan. 5:23

idau iyoŋ akitopoloor bon anaŋerit Ekapolon ŋolo eyai nakuj. Adaun ayaun ŋiboro ŋulu ka Akai keŋ neni kon, ido isitiyata iyoŋ ka ŋikapolok kon, ŋaberu kon ka ŋaberu kon ŋuna nyiisitae ŋiboro ŋul amasya epiini. Ipur iyoŋ ŋakujo ŋuna itiyaunitae a egolid, a esilipa, a eburonis, a ŋasuwa ka a akitoe ta a amoru, ŋakujo ŋuna nyiteete kori nyepupete, kori nyeyenete ŋakiro; nai nyitopolooro iyoŋ Akuj ŋina ikiinit iyoŋ ekieŋanu, Akuj ŋina ikidarit iyoŋ aloticisyo kon a daadaŋ.

Dan. 8:10

Abu amomwara ŋin tooyaar nooi todol kidiama neni a ŋimalaikan ka ŋikacer, tocaku ŋimalaikan ka ŋikacer ŋice kwap, kipuda ikes alokwap.

Naum 3:11

Ninepe, emerakin ŋituŋa kon daadaŋ, eemete ikes akiŋop iwarito aiuno alomoe kec.

Abak. 2:16

Iyes daŋ ekaku, ikiboŋokinete ŋileec akilo akitopolooro. Imasete iyes ŋikulepek ŋun kiteritereonor. Ikitamasi Ekapolon iyes aronis kus a ŋikulepek, ido kilocokinoe akitopolooro kus make toruworos ŋicaryo.

2 Ŋites. 2:4

Itepegi iŋes ibore daadaŋ ŋini enyaritae akuj kori ibore daadaŋ ŋini isitiyaete ŋituŋa akitopoloonorya ŋakujo ka itopoloori iŋes bon akilo ŋakujo daadaŋ. Iboikin tari Kai ka Akuj, ido kitusubun bon Akuj.

Akis. 16:19

Totyaka akwap, totyaka etaun ŋolo apolon ŋatyaket ŋauni, kinyasun ŋitaunio ŋulu apolok ŋulu a ŋakwapin a daadaŋ. Abu Akuj totamu Babilon ŋolo apolon nooi ka kitamat iŋes epiini ŋolo ke ekopo keŋ, epiini ŋolo ka anyunyura keŋ.