Yer. 48:2 - Ebaibul

² adaun arwon a Moab. Apotu ikes toyeta ŋuna aronok aŋuna a Moab alo Esibon ebasi, ‘Potu, olemasi iŋes anaraakau akwap!’ Okoe iyes daŋ ŋituŋa ŋulu a ŋikerep, ikisililiŋio, ikiwuapakini iyes daŋ ejie.

Yer. 48:2 Iomraidhean Croise

Isa. 15:1

Erae nu ŋakiro ŋuna etoroniyarete Moab: Aŋuna eturuworere Ar ereŋorot alotooma akuwar apei, eteryamun akwap a Moab ŋican, aŋuna eturuworere Kir ereŋorot alotooma akuwar apei, eteryamun akwap a Moab ŋican.

Isa. 15:5

Iyaloloŋi etau kaŋ a ŋuna a Moab, aema ŋikadokinok keŋ Soar ka aema Egilas-Selisiya. Etipeiyosi ikes alorot a ŋolo elosi Luis, itipeete ikes igworosi; elosete ikes alorot a ŋolo Oronaim igworosi aŋuna ka akinyasuno.

Isa. 16:14

Nai tokona irworo Ekapolon ebala; “Alotooma ŋikaru ŋiuni, ŋikaru ŋulu eriyan ka ŋulu aminae akipaŋga ituŋanan akitiya etic, ejamuwaryo apolou a Moab tari kelalak nooi ŋituŋa keŋ, eruwor ŋidikudyo bon ŋulupalag idoŋete Moab.”

Isa. 25:10

Ebuni apedor a Ekapolon ayakaun lomukura lo. “Ipudaaryo ŋituŋa a Moab anakibois kec, lopite ŋolo ipudaere ŋanya anakipany a ŋina ka aoret.

Yer. 25:15

Abu Ekapolon Akuj a Ŋisirael okolimok ayoŋ tema, “Tolema anakan kaŋ ekopo lo ŋolo ileleba epiini ŋolo ka anyunyura kaŋ, inak ŋituŋa a ŋakwapin a daadaŋ a ŋuna ekeyakiyari ayoŋ iyoŋ neni kec tomata epiini ŋol.

Yer. 25:17

“Aŋun, abu ayoŋ ejau ekopo anakan a Ekapolon, oinak ŋituŋa daadaŋ a ŋakwapin a ŋuna abu Ekapolon ekeyakiya ayoŋ neni kec, apotu ikes tomata epiini ŋolo ayai lokopo ŋol.

Yer. 31:36

Ani ca kerubakinito ŋisubuna ŋul eyakasi, erubakinete ŋituŋa a Isirael daŋ eyakasi nakwap kec ŋikaru ka ŋikaru.

Yer. 33:24

“Nyeyenuna iyoŋ atemar irworosi ŋituŋa lu ebasi, ‘Aŋer Ekapolon ŋikalya ŋuluarei ŋulu abu iŋes toseu,’ nyeyenuna iyoŋ epite ŋolo ejamuwaritotor ŋituŋa ikes, ido nyeriŋa ikes iteete ikes ikwapei ŋituŋa ka akwap kec a?

Yer. 46:28

Ŋituŋa kaŋ ŋiletok a Yakob, nyikuryaketa, anerae ikirukit ayoŋ ka iyes amunyari ayoŋ ŋituŋa a ŋakwapin a ŋuna abu ayoŋ ekeelak iyes, nai nyakamunyari ayoŋ iyes. Ekesicani ayoŋ iyes alotooma akiyookino, nai nyekemyekini ayoŋ iyes nyisicana.”

Yer. 48:17

Iyes ŋikidunyet a Moab, kigworo aŋuna keŋ ka iyes daadaŋ ŋulu iyenete ekiro keŋ, temasi iyes, ‘Enyasun bare ca apukan keŋ ŋina agogoŋon, adaun bare ca akibuses a apukan keŋ!’

Yer. 48:42

Emunyaryo ŋituŋa a Moab, anerae apotu ikes kitopoloorosi make toŋero Ekapolon.

Yer. 48:45

“Ieŋunete ŋituŋa ŋulu irimito alotolimon a Esibon eupit, anerae anepu akim alo Esibon, anepu arira alokai a Sikon, anomiya ŋaitae a ŋimoru a akwap a ŋituŋa a Moab a ŋulu sek eminasi ejie.

Yer. 49:3

Okoe ŋituŋa a Esibon, kiwololoto, anerae aruwor Ai ereŋorot! Okoe ŋituŋa a Raba, kigworo icelasi! Tonapa ŋiguniyae, kiwololoto, kibuŋata ŋawat kus a ŋadase, anerae eyaaryo akuj kus Milikom nakwap ace kaapei ka ŋisacaradotin ka ŋiketiyak keŋ.

Yer. 49:37

Etubuli ayoŋ ŋituŋa a Elam alokiŋaren ŋimoe kec ka alokiŋaren ŋulu imanito akiyar kec, ayauni ayoŋ ŋican neni a ŋituŋa a Elam, aryenyanikini ayoŋ ikes anaŋoit kaŋ, eyakiyari ayoŋ ŋikaarak neni kec toara ikes tari ŋina emunyaryata ŋikaarak ikes daadaŋ,

Ekim. 32:37

Tosodi toduko nabo ŋituŋa a ekabila a Ruben Eleale Esibon, Kiriasaim,