Yer. 47:7 - Ebaibul

⁷ Epedori mono iŋes akililiŋ ikwaani, torae bo Ekapolon alimoki iŋes akitiya ŋun? Ainakin iŋes akirem Asikelon ka ŋituŋa ŋulu iboiyete alodiyete anam.”

Yer. 47:7 Iomraidhean Croise

Isa. 10:6

Eyakiyari ayoŋ ŋituŋa ka Asiriya akirem ŋituŋa ŋulu nyiwuapito ŋakiro ŋuna ka Akuj. Alimokini ayoŋ ikes toremo ŋituŋa ŋulu anyunyurikina ayoŋ, kiwoko ŋiboro kec ka toŋatasi ŋiboro kec ka kipudata ikes lopite ŋolo ipudaere aoret alorotin a etaun.

Isa. 13:3

Adau ayoŋ akicik ŋasigarya kaŋ ŋunaseuna, adau ayoŋ anyaraun ŋikajiok kaŋ kisiyookis anyunyura kaŋ, ŋikajiok kaŋ ŋulu elelyanete aŋuna ka akiloun.

Isa. 37:26

“Nyiirara iyoŋ atemar abu ayoŋ oyeu koloŋ sek atemar kitiyakin ŋun a? Aberakin koloŋ sek ayoŋ ayeun ŋuna tokona emaikina kitiyakin; kituruwo iyoŋ ŋitaunio ŋulu eya ŋaduketa ŋunajiet ŋatukon a ŋamoru koŋin,

Yer. 48:10

“Ilamam ituŋanan ŋini ekalanyana akitiya etic a Ekapolon ka ilamam ituŋanan ŋini nyisitiyae ekileŋ keŋ aarya ŋituŋa.

Esek. 14:17

Kori ani kayau ayoŋ ŋimoe toremo akwap ŋin, otema ayoŋ, ‘Emaikina ŋimoe kikamasi akwap ŋin daadaŋ,’ ido oar ayoŋ anakwap a ŋin ŋituŋa ka ŋibaren,

Esek. 21:14

Aŋun lokoku a ituŋanan, todwar, kibapibap ŋakan kon. kimyek ekileŋ toar ŋituŋa ŋaaret ŋaarei, kori ŋauni; erae ŋol ekileŋ ŋolo earere ikes, erae ŋol ekileŋ ŋolo earere ŋulu alalak, erae ŋol ekileŋ ŋolo irikaunere ikes alowaetin a daadaŋ.

Esek. 21:30

Kirepakisi ŋileŋia nakuraroi kec. Akatubokini ayoŋ iyes anakibois aŋina kikisubunere iyes, anakwap atapapaa kus.

Esek. 21:9

“Lokoku a ituŋanan, todwar ŋakiro nu ebe, ‘Alimu Ekapolon atemar, Ekileŋ! Epenar ekileŋ ka apwasi amilimiliar;

Esek. 25:16

alimu tokona Ekapolon Akuj atemar esicani ayoŋ Ŋipilistin emanit, aari ayoŋ Ŋikeresi ka amunyari ŋituŋa daadaŋ ŋulu elomito diyete Anam Mediteranian.

Amos 3:6

Ani mono keruu abureryaŋ a emesek alotaun, nyetiŋi mono ekabule ŋituŋa a? Epedorete mono ŋican adolokin etaun pa kecamaki Ekapolon a?

Mika 6:9

Erae ibore ŋini ejok akitopoloorit Ekapolon. Enyarit iŋes ŋituŋa ŋulu ke etaun ebala, “Topupokisi, iyes ŋituŋa ŋulu itukokina lotaun.

1 Sam. 15:3

Ape tokona kisiiryak Ŋiamaleki, tomunya jik ibore daadaŋ ŋini eyakatar ikes, nyimyek ikes, toar ŋikilyok, ŋaberu, ŋidwe, ŋaatuk, ŋakinei, ŋikaala ka ŋisigirya.’ ”