Yer. 47:6 - Ebaibul

⁶ Igworosi iyes ibasi, ‘Okoe kitoron ekileŋ ke Ekapolon,’ Tari ori ieŋunia iyoŋ akiar isua? Toloma nakuraro kieŋ a nen ekililiŋat.

Yer. 47:6 Iomraidhean Croise

2 Sam. 2:26

Tonyara nai Abiner Yoab, kiŋit tema, “Emaikina mono ekileŋ torubak eari ŋituŋa jik a? Nyiyeni iyoŋ atemar erokyata ŋakiro ekaku a? Ori mono ilimokinia iyoŋ ŋirukitos kon tojoŋoto akiwuapit ŋiyeneta kec?”

1 Ŋakiro a ŋirwa 21:27

Abu nai Ekapolon tolimok emalaika akinyakakin ekileŋ keŋ nakuraro, ido abu emalaika kinyakak ekileŋ nakuraro.

Ŋikiru. 17:13

Tonyou okoe Ekapolon, kitijik ikes, kilou ikes, toiunae ayoŋ a ekileŋ kon aneni a ŋulu aronok.

Isa. 10:15

Nai irworo Ekapolon ebala, “Epedori mono aep atemar apol iŋes akilo ituŋanan ŋini isitiyae iŋes a? Kori epedori erigi atemar eloit iŋes ituŋanan ŋini isitiyae iŋes? Nyepedori adaset akikyaar ituŋanan ŋini etiŋit iŋes, kori ebala akikeun ituŋanan ŋini iceunit iŋes!”

Isa. 10:5

Okoe iyes ŋituŋa ka Asiriya! Anaŋoit kaŋ, ekesitiyae ayoŋ iyes, napedor kus eyai ebela ŋolo ka anyunyura kaŋ.

Yer. 12:12

Aponito ŋituŋa ŋulu enyasut akwap kaŋ alokamukumukui a ŋulu ka aloŋisat, anerae ikimunyari ekileŋ a Ekapolon ameun alowae ka akwap ke epei tari ŋoloce; mam ituŋanan eiun.

Yer. 12:4

Tari ori eonit akwap ka einito ŋinya anakwap? Aŋuna ka aronis a ŋina itiyaete ŋituŋa ŋulu iboiyete anakwap, adaun ŋityaŋ ka ŋikyeny, alimut ŋituŋa ebe, “Nyite Akuj ŋuna ikitiyae iwon.”

Yer. 15:3

“Aseuni ayoŋ aŋuna kec ŋirotin lu ŋiomwon ŋulu emunyarere ikes: Earyo ikes a ekileŋ, iriyarete ŋiŋokwo ikes nariet ka irikarete ŋikyeny ka ŋityaŋ ŋulu ka ariet ikes.

Yer. 25:27

“Ilimokini nai iyoŋ ikes ebe, ‘Alimu Ekapolon ŋolo a ŋajoresyo, Akuj a Ŋisirael atemar tomata, tomerakinos, toleka, ido kibusokinos nyinyout nabo aŋuna a ejie a ŋolo eyakuunit ayoŋ neni kus.’

Yer. 4:21

Tari ori ete ayoŋ abendera ka apupi eruye amomwara a emesek?

Yer. 48:10

“Ilamam ituŋanan ŋini ekalanyana akitiya etic a Ekapolon ka ilamam ituŋanan ŋini nyisitiyae ekileŋ keŋ aarya ŋituŋa.

Yer. 50:35

Alimu Ekapolon ebe, “Earyo a ekileŋ Ŋibabiloniyae ka ŋituŋa ŋulu iboiyete alo Babilon, earyo a ekileŋ ŋikapolok ka ŋikaosok a Babilon.

Esek. 14:17

Kori ani kayau ayoŋ ŋimoe toremo akwap ŋin, otema ayoŋ, ‘Emaikina ŋimoe kikamasi akwap ŋin daadaŋ,’ ido oar ayoŋ anakwap a ŋin ŋituŋa ka ŋibaren,

Esek. 21:30

Kirepakisi ŋileŋia nakuraroi kec. Akatubokini ayoŋ iyes anakibois aŋina kikisubunere iyes, anakwap atapapaa kus.

Sakar 13:7

Ebala Ekapolon ŋolo Etiron ebe, “Okoe ekileŋ toten kicum ekeyokon kaŋ, kicum ekile ŋolo itiyae etic kaŋ! Toar iŋes, ikotere kielar ŋamesekin; etijikini ayoŋ ŋamesekin keŋ ŋuna adaun ekeyokon ŋolo iyoki,

Yoa. 18:11

Tolimok Yesu Petero tema, “Kinyakak atum kon nakuraro! Itami iyoŋ atemar nyamasi ayoŋ ekopo ŋolo a ŋican ŋolo akainaki ayoŋ Papa kaŋ lo a?”

Ŋikat. 7:20

Aŋun, tokutakis ŋajorei ŋunauni daadaŋ ŋamomwar a ŋimesekin ka tobwaŋabwaŋasi ŋitwol; atiŋito ikes daadaŋ ŋagilae a ŋakan a ŋuna alokedyeny ka atiŋito ŋamomwar a ŋimesekin a ŋakan a ŋuna aloteten, ikotere ekusete tosodi tocelut temasi, “Toara a ekileŋ aŋuna ke Ekapolon ka aŋuna a Gideon!”