Yer. 46:2 - Ebaibul

² Tolimu Ekapolon aŋuna a Ijipit, aŋuna ka asigar a Parao Neko a erwosit a ŋolo a Ijipit, asigar ŋina ayai Karikemis diyete aŋolol Eupurate ŋuna a asigar a ŋina abu erwosit Nebukadinesar ŋolo a Babilon kilou alokaru a ŋolo a ŋiomwon ipukat Yeoakim lokoku a Yosia a ŋolo a Yudaya. Tema Ekapolon,

Yer. 46:2 Iomraidhean Croise

2 Ŋirw. 18:21

Kiira! Imecakinit iyoŋ neni ka akwap a Ijipit a ŋina ikwaan ka akasirimaete ŋina igitar torem ituŋanan akan ebala ecogekinia! Ŋulu emecakinito neni a Parao, icogekinito ikes akasirimaete.

2 Ŋirw. 23:29

Apaki ŋina epukator Yosia abu Parao ŋolo anyaritae Neko bu anakwap keŋ alo Ijipit, tolot neni ke erwosit a ŋolo ka Asiriya anaŋolol Eupurate. Acamit Neko akiŋarakin erwosit ŋolo ka Asiriya akitijiore Yosia, tolot neni keŋ pa eyeni ŋakiro ŋadi, nai ani iryamete ikes lorot aneni enyaritae Megido, abu Parao Neko toar Yosia.

2 Ŋirw. 23:33

Abu Parao Neko toen iŋes aneni anyaritae Ribila anakwap ka Amas, todaun Yeoas epite ŋolo iboikinor Yerusalem akipuka. Toreik Parao ŋituŋa a Yudaya akitac ocur neni keŋ, totacae neni keŋ ŋatalantae amiat ŋulu ke esilipa ka etalantait ŋolo ke egolid.

2 Ŋirw. 24:7

Abu erwosit a Ijipit nyeboŋu nabo nakwap keŋ, anerae abu erwosit ŋolo a Babilon todema iŋes akwap ŋina sek arae ŋina keŋ daadaŋ, ameun anayonae a Ijipit akitodol naŋolol Eupurate.

Isa. 10:9

Nyikwaan mono Calino ka Carikemis a? Nyikwaan mono Amas ka Aripad a? Nyikwaan mono Samaria ka Damasko a?

Isa. 19:1

Ŋakiro ŋuna adwarit Ekapolon aŋuna a Ijipit ikes nu: “Kiirasi, ebunit Ekapolon eyai kidiama edou ŋolo apiranan, ebunit iŋes Ijipit; emaranikinete ŋakujo a Ijipit alokiŋaren keŋ ka iyalaar ŋitai a ŋituŋa a Ijipit.

Isa. 19:19

Akoloŋit ŋin, eyakaun namuroet ŋina ke Ekapolon kidiŋ akwap a Ijipit ka eyakaun epir ŋolo edukitoe aŋuna ka Ekapolon lokukoru a Ijipit.

Yer. 25:1

Alokaru a ŋolo a ŋiomwon ipukat erwosit Yeoiakim lokoku a Yosia a ŋolo a Yudaya (Torae ŋol ekaru ŋolo esyaunan ipukat erwosit Nebukadinesar ŋolo a Babilob) kirwor Ekapolon neni a Yeremia aŋuna a ŋituŋa a Yudaya a daadaŋ,

Yer. 25:19

Eryamunete ŋituŋa lu daŋ ŋican ŋul: Parao erwosit a Ijipit, ŋiketiyak keŋ, ŋikapolok ŋulu ipukatotor iŋes ka ŋituŋa keŋ daadaŋ,

Yer. 25:9

Anyarauni ayoŋ ŋituŋa a ŋikabilae a ŋulu a lo Kuju ka a eketiyan kaŋ Nebukadinesar ŋolo a Babilon, ayauni ayoŋ ikes kitijioto akwap na anyarauni ayoŋ ikes kitijioto ŋituŋa a Yudaya ka ŋituŋa a ŋakwapin a daadaŋ a ŋuna idunyatar ikes. Amunyari ayoŋ ikes jik, eturuwo ikes ŋulu ebulit ka ŋulu irumito ŋileec ta ŋulu inyasuna ŋikaru ka ŋikaru.

Yer. 36:1

Alokaru a ŋolo a ŋiomwon ipukat Yeoiakim lokoku a Yosia a ŋolo a Yudaya, kirwor Ekapolon neni a Yeremia ŋakiro nu tema,

Yer. 43:11

Ebuni iŋes akinyasun akwap a Ijipit, inak ŋulu etubokinitae atwanare a edeke toryamut edeke, ŋulu etubokinitae arikor erae ŋirikon torikoroe ka ŋulu etubokinitae atwanare a ekileŋ toarae a ekileŋ.

Yer. 45:1

Alokaru a ŋolo a ŋiomwon ipukat Yeoiakim lokoku a Yosia a ŋolo a Yudaya, kirwor ekadwaran Yeremia neni a Baruk a lokoku a Neria apaki ŋina egiria Baruk lokitaabo ŋakiro ŋuna alimonokini Yeremia iŋes.

Yer. 46:14

“Tolimo ŋakiro nu alo Ijipit, kiserau ikes alo Migidol, kiserau ikes alo Mempis ka alo Tapanes ebe, ‘Tolemutu ŋaŋolei kus, ido totena, anerae emunyaryo a ekileŋ ŋikidunyet kus.’