Yer. 46:16 - Ebaibul

¹⁶ Adau akigukin ŋasigarya kus ŋuna alalak, amunyarosi, abu ipei tema neni a ŋinice, ‘Bua, oboŋosi lotuŋa yok ka nakwap ŋina ikidounere iwon, osiwa alokileŋ a ŋimoe.’

Yer. 46:16 Iomraidhean Croise

Yer. 46:21

Tari ŋikajiok keŋ ŋulu ipaŋgaunitae, ikwaan ka ŋitak ŋulu atumak, ikes daŋ ibelekin toema kaapei, nyewoikinete ŋimoe, anerae adolu akoloŋit ŋina isicanere ikes, adolu apaki ŋina ka amunyaro kec.

Yer. 46:6

Nyepedorito tari ŋulu apiranak akiem toekasi, nyepedorito tari ŋikajiok akisi, emasakinosi daadaŋ Kuju diyete aŋolol Eupurate.

Yer. 50:16

Tolemasi ŋiketak alo Babilon, tolemasi ŋikalemak kaapei ka ŋileŋia ŋulu elemere; aŋuna ke ejie a ŋolo a ŋikesicanak, emaikina ŋinituŋanan toboŋo lotuŋa keŋ, emaikina ŋinituŋanan toboŋo nakwap keŋ.’

Yer. 51:9

Aponi isua kikatakinae akitaŋaleun Babilon, nai nyeŋaleuno iŋes. Emaikina iŋes kimuryakin aneni yok, emaikina iwon oloto, torotok ŋinituŋanan nakwap keŋ, anerae esican Ekapolon Babilon a apedor keŋ a daadaŋ, amunya iŋes ikes jik.