Yer. 46:11 - Ebaibul

¹¹ Ŋituŋa a Ijipit toloto Gilead toryamut ekitoe ŋolokimadet ŋajemei, isitiyata iyes ŋikito ŋulu a akwap kus nai nyeŋaleuno iyes; nyiŋaleunete iyes.

Yer. 46:11 Iomraidhean Croise

Akisy. 37:25

Kedaut ŋun, kiboikinos kimuja; ani eŋoleŋolekinete, kiŋolikis ŋituŋa ŋulu alalak ŋulu anyaritae Ŋisimael eponito alo Gilead, emeto ŋikaala ŋulu ewokito ŋiboro lu: Ŋikito ŋulu itoboboete akimuj ka ekitoe ŋolo a ŋajemei ta eminae ŋolo elemyo anakwii a ŋikito, ŋolo ekukuny icunyakinio. Aayete ŋituŋa ŋul ŋiboro kec Ijipit.

Akisy. 43:11

Tema nai papa kec Isirael neni kec, “Ani kemaikina kikokis nen, kitiyata nai nu: Tosekisi ŋaraito ŋadi ŋuna ka akwap a na locweei kus yaasi erae ainakinet kus neni a ekile a ŋol; yaasi: Ekitoe ŋolo a ŋajemei edio, ao adio, ŋikito ŋulu itoboboete akimuj, ŋimina ŋulu ekukuny icunyio ka ŋaraito ŋuna esibit ŋakamurya ta ŋuna esibit emaide ŋuna enyaritae alimond.

Isa. 47:1

Iyes ŋituŋa a Babilon, totiyaunos anakitopolooro kus, potu kiboikinos napuwa, ŋituŋa a Babilon, kiboikinos kwap emam akitopolooro, anerae nyeriŋa nabo iyes ikinyarao ŋulu idisyak ŋulu epatana akiŋo.

Yer. 14:17

Okolimok nai Ekapolon ayoŋ tema, “Tolimok ŋituŋa ŋul ŋakiro ŋuna iyaloloŋio iyoŋ nu: Elipi toleleta ŋakiyo anakonyen kaŋ apaaran ka akuwar, kerae nyajoŋo ayoŋ akigworo, anerae awani ŋituŋa kaŋ nooi, epol nooi awananu kec.

Yer. 31:21

Toryamutu aŋuna kus ŋakitoodyanakineta ŋuna ikitenarete neni icamit alosit, kiwuakisi aŋuna kus ŋakitoodyanakineta lorotin, toanyutu erot ŋolo ipotu iyes kiwuapa apaki ŋina irotokinioto iyes. Okoe Ŋisirael, toboŋutu, toboŋutu nege lotaunio kus.

Yer. 31:4

Okoe ŋituŋa a Isirael, eketogogoŋi ayoŋ iyes nabo iruworosi nabo ŋulu igogoŋ. Ilemunete nabo iyes ŋiburin kus, tolomasi kiŋa kidoŋata ka alakara.

Yer. 51:8

Alotooma apaki ŋina euruwuana, amunaar Babilon ka enyasun jik, kiwololoto aŋuna keŋ, yautu ekitoe ŋolo enyaritae Balam kiwuakis najemei keŋ, acepaki epedori iŋes aŋaleun.

Yer. 8:22

Emam mono alo Gilead ekitoe ŋolo kitojokunet ituŋanan ŋini edyak a? Emam mono eketaŋaleunon eyai ina a? Kaanukiro nai pa ajokuniata ŋituŋa kaŋ ŋulu a ŋican anadyaka kec?

Esek. 27:17

Apotu ŋituŋa a Yudaya ka ŋulu a Isirael kicurutata ka iyoŋ; apotu ikes yaasi ŋiboro kon, ikiinakis iyoŋ ŋaganoi ŋuna alo Minisis, ŋakima, ao, akimyet ka ekitoe ŋolo a ŋajemei.

Mika 1:9

Ikwaan ŋakiro a Samaria ka etoku; adolut ŋakiro ŋun tari Yudaya. adolut tari lokek a ŋituŋa kaŋ, Yerusalem elope.

Naum 3:19

Mam epite ŋolo ikitojokunere iyoŋ anawananu kon, erae awananu kon ŋina ikiari iyoŋ. Ŋituŋa daadaŋ ŋulu iirarete atemar enyasun Ninepe, eramakinete ŋakan elakara, anerae mam ituŋanan ibu iyoŋ nyisican anadedeŋu kon a ŋina nyesaluni.

Mat. 5:26

Akalimokini ayoŋ iyoŋ kire atemar, nyilomuni iyoŋ alomabus, mati kitac daadaŋ tari nikaput.