Yer. 46:10 - Ebaibul

¹⁰ Erae akoloŋit ŋin ŋina ke Ekapolon Akuj ŋina a ŋajoresyo, akoloŋit ŋina ka akinyaŋar ŋakiro a ŋimoe keŋ. Eari ekileŋ ikes tari ŋina eupya, tari ŋina eronikiniata ŋaokot a ŋimoe ikes. Eari Ekapolon Akuj ŋina a ŋajoresyo ŋimoe keŋ erae amuronot anakwap a ŋina alo Kuju alodiyete aŋolol Eupurate.

Yer. 46:10 Iomraidhean Croise

2 Ŋirw. 24:7

Abu erwosit a Ijipit nyeboŋu nabo nakwap keŋ, anerae abu erwosit ŋolo a Babilon todema iŋes akwap ŋina sek arae ŋina keŋ daadaŋ, ameun anayonae a Ijipit akitodol naŋolol Eupurate.

Yob 24:1

“Kirworik nai Yob tema, Kaanukiro nyiwuakinitor Akuj ŋina etiron apaki ŋina etubio ŋakiro a ŋituŋa? Kaanukiro nyiteoto ŋulu eyenete Akuj ŋirwa ŋul?

Isa. 13:6

Kiwololoto, anerae aapuu akoloŋit ke Ekapolon, ebuni akoloŋit ŋin erae akoloŋit ŋina emunyarya Ekapolon akwap.

Isa. 2:12

Eyakar Ekapolon ŋolo etiron akoloŋit aŋuna a ŋulu iturosi ka aŋuna a ŋulu itopolooro; ta aŋuna a ŋinibore a daadaŋ ituritoe,

Isa. 31:8

Emunyaryo ŋituŋa ka Asiriya alojie nai meere ŋituŋa itiyakinete ŋun; earyo ikes a ekileŋ, nai meere a ŋolo a ituŋanan, emunyari ekileŋ ikes, eemete ikes alokileŋ ka itiŋakinio ŋisorok kec akitiya ŋiticisyo.

Isa. 61:2

akiseraun atemar adol ekaru ŋolo itiyakinia Ekapolon ŋuna ajokak ka akiseraun akoloŋit ŋina inyaŋarya Akuj yok ŋakiro a ŋimoe keŋ; akisirworiun daadaŋ ŋulu iyaloloŋete;

Isa. 63:4

Aris apaki ŋinakinyaŋaret keyakaun lotau kaŋ ka aris ekaru ŋolo ka alakun ikes kedolu.

Yer. 12:12

Aponito ŋituŋa ŋulu enyasut akwap kaŋ alokamukumukui a ŋulu ka aloŋisat, anerae ikimunyari ekileŋ a Ekapolon ameun alowae ka akwap ke epei tari ŋoloce; mam ituŋanan eiun.

Yer. 46:14

“Tolimo ŋakiro nu alo Ijipit, kiserau ikes alo Migidol, kiserau ikes alo Mempis ka alo Tapanes ebe, ‘Tolemutu ŋaŋolei kus, ido totena, anerae emunyaryo a ekileŋ ŋikidunyet kus.’

Yer. 46:2

Tolimu Ekapolon aŋuna a Ijipit, aŋuna ka asigar a Parao Neko a erwosit a ŋolo a Ijipit, asigar ŋina ayai Karikemis diyete aŋolol Eupurate ŋuna a asigar a ŋina abu erwosit Nebukadinesar ŋolo a Babilon kilou alokaru a ŋolo a ŋiomwon ipukat Yeoakim lokoku a Yosia a ŋolo a Yudaya. Tema Ekapolon,

Yer. 46:6

Nyepedorito tari ŋulu apiranak akiem toekasi, nyepedorito tari ŋikajiok akisi, emasakinosi daadaŋ Kuju diyete aŋolol Eupurate.

Yer. 50:15

Tocelutu neni keŋ alowaetin a daadaŋ ibasi, ‘Nyeriŋa iŋes ecamit ejie, aritakin ŋaduketa a Babilon ŋuna aoyak kwap, aritakin ŋarwatatain keŋ kwap, erae ŋun akinyaŋar ŋina ke Ekapolon. Kitiyata neni keŋ lopite ŋolo etiyator iŋes.

Yer. 50:18

Aŋun, alimu Ekapolon ŋolo a ŋajoresyo, Akuj a Ŋisirael atemar, alosi ayoŋ akisican erwosit a Babilon, akwap keŋ lopite ŋolo abunio ayoŋ esicania erwosit ka Asiriya.

Yer. 51:6

“Toema alokidiŋ Babilon, iyoŋ ŋinituŋanan, toiu akiyar kon, nyimunyarosi aŋuna ka asecit a ŋituŋa a Babilon, anerae erae na apaki ŋina inyaŋarya Ekapolon ŋakiro kec, inyaŋi Ekapolon ŋakiro ŋuna itiyato ŋituŋa a Babilon.

Esek. 21:28

“Iyoŋ lokoku a ituŋanan, todwar ebe, ‘Alimu Ekapolon Akuj ŋakiro nu aŋuna a Ŋiamoni ka Ŋiyany kec, Ekileŋ! Ekileŋ! Etemokin ekileŋ aŋuna ka aarya, apwasi aŋuna ka amunyarya ka ipareo ikwa akimilyaunet.

Yoel 1:15

Okoe etya ŋican ka akoloŋit a ŋin ai! Anerae aapuu akoloŋit ŋina ke Ekapolon; ebuni akoloŋit ŋin ikwaan ka ŋina ikimunaarya ŋolo Etiron.

Yoel 2:1

Tokutakisi arupepe alo Sion; toramakisi eli alomukura kaŋ a ŋolo asegan a ŋolo ke Ekapolon. Kimyekisi ŋituŋa daadaŋ ŋulu iboiyete anakwap a Yudaya tomarana, anerae ebunit akoloŋit ŋina ke Ekapolon, aapuu nooi,

Sakar 6:6

Ŋolo eyakar ŋaŋolei ŋunakiryonok, elosi nakwap ŋina alo Kuju, ŋolo eyakar ŋaŋolei ŋuna akwaŋak, elosi nakwap ŋina alo To, ido ŋolo eyakar ŋaŋolei ŋunameriyek-pusiyek, elosi nakwap ŋina alokwap.”

Luk. 21:22

Anerae erae ŋul ŋirwa ŋulu ka anyaŋan, kiyookinotor ŋuna igiritae Nakigireta daadaŋ.

Ŋikis. 32:42

Elelearete ŋaokot alokaleŋeleŋe kaŋ, ido eari ekileŋ kaŋ ŋimoe kaŋ, nyemyekini ayoŋ tari epei a ŋulu eketijiete ayoŋ etwakete tari ŋulu ewanan ka ŋulu eenitae.’