Yer. 44:8 - Ebaibul

⁸ Kaanukiro ikitoŋoeta iyes ayoŋ a ŋiticisyo a ŋulu itiyaete iyes a ŋakan kus, inanakinete ŋainanakineta neni a ŋakujo a ŋace anakwap a Ijipit aneni ipotu iyes akiboi? Icamito iyes ikimunyar, ido toruworos ŋituŋa ŋulu icenere ŋuluce ka inyasere ŋituŋa ŋulu a ŋakwapin a daadaŋ a?

Yer. 44:8 Iomraidhean Croise

2 Ŋakiro a ŋirwa 7:20

ŋun nai akalemarya ayoŋ iyes anakwap a ŋina adau ainakin iyes ka Akai daŋ na ŋina etaleu ayoŋ aŋuna a ekiro kaŋ, alemari ayoŋ, ojoŋo akitere, toruwor ibore ŋini nyeriŋa eyai, ŋini edoŋ erae akitadapet bon, ibore ŋini ekyenatar ŋituŋa a ŋakwapin a daadaŋ.

Isa. 19:1

Ŋakiro ŋuna adwarit Ekapolon aŋuna a Ijipit ikes nu: “Kiirasi, ebunit Ekapolon eyai kidiama edou ŋolo apiranan, ebunit iŋes Ijipit; emaranikinete ŋakujo a Ijipit alokiŋaren keŋ ka iyalaar ŋitai a ŋituŋa a Ijipit.

Isa. 3:8

Kire, iteriterosi ŋituŋa a Yerusalem ka ebusokin ŋituŋa a Yudaya, anerae ŋakiro ŋuna irworosi ka ŋuna itiyaete ikes, erae aŋuna ka aŋeryo ka aremokinor apolou ŋina a Ekapolon!

Isa. 65:15

Imyekinete iyes ŋirorwa kus aneni a ŋuluseuna kaŋ erae ŋulu ilamare; ido ikimunyari Ekapolon Akuj iyes; nai einakini iŋes ŋiketiyak keŋ ekiro ŋolo egelaana.

Yer. 11:12

Elosete nai ŋituŋa ŋulu iboiyete alotaunio a Yudaya ka ŋulu iboiyete alo Yerusalem neni a ŋakujo a ŋuna einanarete ikes ŋainanakineta, nai nyeiunete ŋakujo ŋun ikes apaki ŋina eyakatar ikes locan,

Yer. 11:17

Atubu Ekapolon ŋolo a ŋajoresyo akisicanio kus aŋuna a ŋakiro a ŋuna aronok aŋuna etiyata ŋituŋa a Isirael ka ŋituŋa a Yudaya, apotu ikes eketoŋoa ayoŋ aŋuna ainanakiniata ŋainanakineta neni a Baal.”

Yer. 18:16

Aŋun, eturuwosi ikes akwap kec ŋina a ŋinyas, ibore ŋini epedori ituŋanan ajamuwar ŋikaru ka ŋikaru. Ŋituŋa daadaŋ ŋulu itorete nen, ebulit ka imuŋumuŋete ŋakyes kec aŋuna a ŋinyas keŋ.

Yer. 24:9

Eturuwori ayoŋ ikes ŋulu inyasuna, ibore ŋini aronon alotuŋa a ŋakwapin a daadaŋ, ŋulu nyejokak, ŋulu irworore, ŋulu eŋoito ka ŋulu icenen anakiboisyo a daadaŋ a ŋuna eritari ayoŋ ikes,

Yer. 26:6

esikwaanikini nai ayoŋ Akai na ka Silo ka eturuwori ayoŋ etaun lo ŋolo icenen aŋuna a ŋituŋa a ŋakwapin a daadaŋ anakwap.’ ”

Yer. 29:18

Ewuapakini ayoŋ ikes a ejie, a eron ka edeke, eturuwori ayoŋ ikes ŋulu nyejokak aneni a ŋituŋa a ŋakwapin a daadaŋ anakwap, eruworosi ikes ŋulu ilamitae, ŋulu nyejokak aneni a ŋulu iŋolikinete ikes, ŋulu ejamuwaritae,

Yer. 32:30

Mam ŋakiro ŋuna ajokak ŋuna etiyata ŋituŋa a Isirael ka ŋulu a Yudaya, nai ŋakiro ŋuna aronok bon etiyata ikes alokiŋaren kaŋ, ameun ŋina pei erae ikes ŋisorok, mam ŋakiro ŋuna ajokak ŋuna etiyata ŋituŋa a Isirael, nai eketoŋoa ayoŋ a ŋiboro a ŋulu itiyaete ikes a ŋakan kec.

Yer. 42:18

“Erae nu ŋakiro ŋuna alimu Ekapolon ŋolo a ŋajoresyo, Akuj a Ŋisirael ebe, ‘Lopite ŋolo abunio aŋoit kaŋ ka anyunyura kaŋ toyakaun neni a ŋituŋa a ŋulu eboiyete alo Yerusalem, ikwaŋinapei, ebuni anyunyura kaŋ neni kus daŋ apaki ŋina ilosyoto iyes Ijipit, iruworosi iyes ŋituŋa ŋulu icenere ŋuluce ka ŋulu inyasere ŋuluce, ikijamuwarete ŋituŋa iyes ka iyanyio ŋituŋa isitiyao ekiro kus. Nyiŋolikinete iyes akibois na nabo.’

Yer. 44:12

Amunyari ayoŋ ŋipiya a Yudaya daadaŋ ŋulu imukekinito alosit nakwap a Ijipit, akiboi a ina, etwakete ikes daadaŋ anakwap a Ijipit a ekileŋ ka akoro, ameun a ŋulucaryo tari ŋulu itopolooritae etwakete ikes a ekileŋ ka a akoro, ejamuwarete ŋituŋa ikes ka iyanyio ŋituŋa isitiyao ekiro kec, ituruworyo ekiro kec ŋolo icenere ŋuluce ka ŋolo inyasere ŋuluce.

Yer. 44:3

anerae apotu ŋituŋa kec kitiyata aronis, eketoŋoa ayoŋ aŋuna aponiata toloto ainanakin ŋainakineta neni a ŋakujo a ŋace ka akitiyanakin ŋakujo ŋuna pa ayenete ikes, pa iyenete tari iyes; kori pa ayenete tari atapapaa kus.’

Yer. 44:7

Alimu tokona Ekapolon ŋolo a ŋajoresyo, Akuj ŋina a Ŋisirael atemar kaanukiro itiyaata iyes ŋakiro ŋuna eduporok iyes, ŋuna elemarete ŋikilyok, ŋaberu, ŋidwe ka ŋiŋwea anakwap a Yudaya, tomamukaun ŋipiya kus idoŋete?

Yer. 7:9

Irubakinete mono iyes ikokoyete, ilomete, ikoŋete alyokonu, iyaanarete ŋainakineta neni a Baal ka iwuapito ŋakiro a ŋakujo a ŋuna sek pa iyenete iyes,

Esek. 33:11

Tolimok Ŋisirael atemar, ebala Ekapolon Akuj ebe, Ikwapei ayarya ayoŋ, nyalakara ayoŋ etwani ituŋanan toriŋa eyai naronis, nai emaikina ŋini eyai naronis toŋer akiwuapit ŋuna aronok, ido toyar. Toŋero, toŋero akiwuapit ŋuna aronok! Okoe Ŋisirael, kaanukiro icamitotor iyes atwakare?

Esek. 9:6

Toara ŋikasikou, ŋisorok, ŋasorok ka ŋidwe ta ŋakimak, nai nyiar ituŋanan daadaŋ ŋini eyakar emacar loreet keŋ. Kisyakisi akiar anakibois kaŋ a ŋina asegan.” Aŋun, apotu ŋikilyok ŋul kisyakis akiar, alokasikou a ŋulu eboiyete alokiŋaren Akai ka Akuj.

Osea 4:13

Einanakinete ikes ŋamuronisya alokidiama ŋimoru ka einanakinete ŋainakineta alokidiama ŋikamukumukui, einanakinete ŋainakineta alokwap ŋikuyono, alokwap ŋikito ŋulu enyaritae popilari ka alokwap ŋimuturunyo, anerae ejokak ŋitolimon a ŋikito a ŋul. “Aŋun, itiyaete ŋidwe kus ŋulupesur amalao ka elomeneneete ŋaterak kus.

Abak. 1:16

Aŋun, einanakini iŋes ŋamuronisya neni a ŋiboro keŋ a ŋulujiet, anerae earanakinete ŋiboro ŋul iŋes ibore daadaŋ ŋini ajokan.

Ŋikis. 32:25

Emunyari ekileŋ ŋituŋa alorotin a ŋitaunio, eyakaun ekabule lorerya, earyo ŋisorok ka ŋasorok kaapei, earyo ŋiŋwea ka ŋituŋa ŋulu emojoŋito.

Ŋibur. 3:16

Ataŋae koloŋ ŋituŋa ŋulu apotu kiirasi etoil ka Akuj, ido kitoŋoa iŋes? Arae ŋituŋa ŋulu koloŋ arikori Moses alo Ijipit.