Yer. 44:7 - Ebaibul

⁷ Alimu tokona Ekapolon ŋolo a ŋajoresyo, Akuj ŋina a Ŋisirael atemar kaanukiro itiyaata iyes ŋakiro ŋuna eduporok iyes, ŋuna elemarete ŋikilyok, ŋaberu, ŋidwe ka ŋiŋwea anakwap a Yudaya, tomamukaun ŋipiya kus idoŋete?

Yer. 44:7 Iomraidhean Croise

Ŋakit. 1:18

Edapasi ŋikasecak aara make; edapasi ikes alemanar akiyar kec a ŋikulepek.

Ŋakit. 15:32

Ituŋanan ŋini nyiiranari ŋakiro ŋuna elimonokinio iŋes atemar toesik, ejamuwara bon, nai ituŋanan ŋini eesyanakini ŋakiro ŋuna elimokinio iŋes atemar toesik, eryamuni ayenut.

Ŋakit. 5:22

Ikamununeete ŋasecisya a ŋulu aronok ŋituŋa ŋul, iduponor ikes aloticisyo a ŋulu ka asecit kec.

Ŋakit. 8:36

Nai ŋulu nyakaryamunete ayoŋ, ewanawanasi make, ŋulu daadaŋ akaremokino ayoŋ, itojokito atwanare.”

Yer. 25:6

Nyiwuapa ŋakujo ŋace anakitiyanakin ka anakilipenen neni kec ka nyikitoŋoa ayoŋ a ŋiboro a ŋulu itiyaununeete iyes a ŋakan kus, kitiyata iyes ŋun nyetiyakini ayoŋ aronis adio neni kus.”

Yer. 25:7

Nai nyiwuapa iyes ŋakiro kaŋ, aŋun ikitoŋoa iyes ayoŋ a ŋiboro kaŋ, aŋun ikitoŋoa iyes ayoŋ a ŋiboro a ŋulu itiyaununeete iyes a ŋakan kus, ŋakiro ŋun ikiinakis iyes ŋican.

Yer. 26:19

Abu mono erwosit Esekia ŋolo a Yudaya ka ŋituŋa a Yudaya daadaŋ toara Mika a? Pa mono abu Esekia kitopoloo Ekapolon ka todyek Ekapolon kitiya ajokis neni keŋ, ido pa abu Ekapolon kilocok ŋatameta keŋ, kimyek akisican ikes a akisicanet a ŋina sek aris iŋes kelimu aŋuna kec a? Nai tokona, edikino iwon ikiyauni akisicanet ŋina apolon neni yok!”

Yer. 3:24

“Ameun anasoroko yok, etoŋopiyasi ŋakiro ŋuna a ŋileec ŋuna itiyao iwon ibore daadaŋ ŋini apotu atapapaa yok toryamut, ŋamesekin kec, ŋaatuk kec, ŋidwe kec ŋulusapa ka ŋulupesur.

Yer. 38:17

Tolimok nai Yeremia Sedekia tema, “Alimu Ekapolon, Akuj a ŋajoresyo, Akuj a Ŋisirael ebe, ‘Ani ca kicamu iyoŋ akilouno aneni a ŋikapolok a Babilon, eiun akiyar kon ka nyicunyakinio etaun lo, ido iyari iyoŋ kaapei ka ŋituŋa a ekal kon.

Yer. 42:20

ido toyenete atemar ioliyosi iyes ijal akiyar kus, anerae ipotu iyes ŋilopeyek ikiyakiyasi ayoŋ neni ke Ekapolon Akuj kus ibasi, ‘Kilip aŋuna kosi neni ke Ekapolon Akuj kosi, ido ŋakiro daadaŋ ŋuna ikilimokini iyoŋ Ekapolon Akuj kosi, tolimokinae isua ka itiyao isua ŋun.’

Yer. 44:14

ikotere emamukaunor ipei daŋ a Ŋiyudayan a ŋulu apotu toloto akiboi Ijipit ŋini ebucar, kori eiun, kori eboŋori nakwap a Yudaya. Tari kimuit ikes aboŋor Yudaya, nyeboŋorete ikes jik, alemar ŋikerimitok ŋidi bon.’ ”

Yer. 44:8

Kaanukiro ikitoŋoeta iyes ayoŋ a ŋiticisyo a ŋulu itiyaete iyes a ŋakan kus, inanakinete ŋainanakineta neni a ŋakujo a ŋace anakwap a Ijipit aneni ipotu iyes akiboi? Icamito iyes ikimunyar, ido toruworos ŋituŋa ŋulu icenere ŋuluce ka inyasere ŋituŋa ŋulu a ŋakwapin a daadaŋ a?

Yer. 51:22

ekesitiyae ayoŋ iyes aarya ekile ka aberu; ekesitiyae ayoŋ iyes aarya ekasikout ka edya; ekesitiyae ayoŋ iyes aarya esorokit ka apese;

Yer. 7:19

Ayoŋ mono eketoŋoete ikes a? Meere mono ikes pei ikotere ewanatar make a?

Yer. 9:21

Adolu atwanare lodirisae kus, aloma nakais a apukan kus, ebunit atwanare alemar ŋidwe kus alorotin ka ŋisorok analapatui a ŋuna ke etaun.

Aum. 2:11

Amuumu ŋakonyen kaŋ aŋuna ka akigworo, eryebete ŋakiro etau kaŋ nooi. Akaup ayoŋ akiyaloloŋ aŋuna amunyarere ŋituŋa kaŋ ka aŋuna iridyata ŋidwe ka ŋiŋwea alorotin a ŋulu ke etaun.

Aum. 2:22

Ibu iyoŋ tonyarau ŋimoe kosi alowaetin kosi a daadaŋ esibit ŋituŋa ŋulu enyaraunitae nasuban. Emam ituŋanan abu tobucar, kori toyar akoloŋit ŋina iŋoitor iyoŋ. Apotu ŋimoe toara ŋidwe kosi ŋulu aponi isua todakae ka kitopolounoe.

Esek. 33:11

Tolimok Ŋisirael atemar, ebala Ekapolon Akuj ebe, Ikwapei ayarya ayoŋ, nyalakara ayoŋ etwani ituŋanan toriŋa eyai naronis, nai emaikina ŋini eyai naronis toŋer akiwuapit ŋuna aronok, ido toyar. Toŋero, toŋero akiwuapit ŋuna aronok! Okoe Ŋisirael, kaanukiro icamitotor iyes atwakare?

Esek. 9:6

Toara ŋikasikou, ŋisorok, ŋasorok ka ŋidwe ta ŋakimak, nai nyiar ituŋanan daadaŋ ŋini eyakar emacar loreet keŋ. Kisyakisi akiar anakibois kaŋ a ŋina asegan.” Aŋun, apotu ŋikilyok ŋul kisyakis akiar, alokasikou a ŋulu eboiyete alokiŋaren Akai ka Akuj.

Abak. 2:10

Adaut ŋiticisyo kus ayaun ŋileec lokalya kus aŋuna tokona imunyaryata iyes ŋakwapin ŋuna alalak; idaut iyes ayaun ŋican nawat kus.

Ekim. 16:38

anerae aruworosi ŋisipiryae a ŋikasecak a ŋul ŋulu asegak aŋuna atwakyata ikes. Tolemu ŋisipiryae ŋul, kityeku ŋababati ŋunadapal ŋuna erapanakinio namuroet, anerae ainakinito ikes neni ke Ekapolon, ido aruworosi ŋuna esegak. Aŋun eruworosi akitoodikinet aneni a Ŋisirael.”

Ŋikis. 32:25

Emunyari ekileŋ ŋituŋa alorotin a ŋitaunio, eyakaun ekabule lorerya, earyo ŋisorok ka ŋasorok kaapei, earyo ŋiŋwea ka ŋituŋa ŋulu emojoŋito.

Yos. 6:21

Apotu ikes tolemut ŋileŋia kec toaryata ŋituŋa daadaŋ alotaun, ŋikilyok ka ŋaberu, ŋisorok ka ŋimojoŋi. Toara daŋ ŋaatuk ka ŋamesekin ta ŋisigirya.

Ŋikat. 21:11

Ŋuna emaikina iyes kitiyata ikes nu: Toara ŋikilyok ka ŋaberu daadaŋ ŋuna kepotu kiryamakinos ka ŋikilyok.”

1 Sam. 15:3

Ape tokona kisiiryak Ŋiamaleki, tomunya jik ibore daadaŋ ŋini eyakatar ikes, nyimyek ikes, toar ŋikilyok, ŋaberu, ŋidwe, ŋaatuk, ŋakinei, ŋikaala ka ŋisigirya.’ ”

1 Sam. 22:19

Toar daŋ Doeg ibore daadaŋ ŋini ayai Nob, lotaun ŋolo a ŋisacaradotin: Ŋikilyok, ŋaberu, ŋidwe, ŋiŋwea, ŋaatuk ka ŋisigirya ta ŋamesekin.