Yer. 44:6 - Ebaibul

⁶ Aŋun, abu anyunyura kaŋ ka aŋoit kaŋ toyakaun lotaunio a Yudaya daadaŋ ka lorotin a Yerusalem, apotu ŋitaunio ŋul toruworos ŋicaryo ka ŋireŋoroto lopite ŋolo eyakatar tokona.

Yer. 44:6 Iomraidhean Croise

Isa. 1:7

Aruwor akwap kus ekasile, anomiya akim ŋitaunio kus, aŋatasi ŋituŋa ŋulugelae akwap kus iteete iyes, aruwor akwap kus ekasile, anomiya akim ŋitaunio kus.

Isa. 51:17

Okoe ŋituŋa a Yerusalem, tonyoutu, tonyoutu! Iyes ŋulu adau Ekapolon akisican anaŋoit keŋ, iyes ŋulu idaut alomar nooi locan ŋulu einakinete ituŋanan akiteritero.

Isa. 51:20

Eyalaar ŋidwe kus, eperete anakisaleta a ŋirotin a daadaŋ a ŋulu ke etaun ikamunitae ikes lopite ŋolo ikamunitor auno elob. Eŋoikinit Ekapolon ikes, eŋenyak Akuj kus ikes.

Isa. 6:11

Abu nai ayoŋ eŋit iŋes otema, “Okoe Ekapolon, tari ori itiyasi ŋun?” Okoboŋok iŋes ayoŋ tema, “Tari ŋina eruworotor ŋitaunio kec ŋireŋoroto, todaun ŋituŋa iboiyete alotooma kec ka tooma ŋakais kec daŋ, tomamukaun ŋituŋa iboiyete, ido toruwor akwap kec ekasile nooi.

Yer. 21:12

Okoe ŋituŋa a ekal a Daudi; alimu Ekapolon ebe, ‘Kitiyata ŋuna iyookino a ŋinataparacu, toiutu ŋulu edemaritae ŋiboro kec, toiutu ikes anapedor a ŋulu isicanete ikes; ani pa kitiyata iyes ŋun, erirauni anyunyura kaŋ ikwa akim, ido ikinomiya, emam ituŋanan ŋini ituduŋe aŋoit kaŋ aŋuna a ŋiticisyo kus a ŋulu aronok.’ ”

Yer. 21:5

Ayoŋ elope eketiji iyoŋ a agogoŋ kaŋ ka apedor kaŋ, anaŋoit, anadedeŋu ka ananyunyura a ŋina apolon.

Yer. 34:22

Alimokini ayoŋ ikes toboŋut lotaun lo, itijikinete ikes ŋituŋa a etaun a lo, ido kikamasi etaun ka kicunyakis a akim. Eturuwori ayoŋ ŋitaunio a Yudaya ŋireŋoroto, neni emam ŋituŋa eya.”

Yer. 36:7

Acepaki edoli adyekitoi kec neni ke Ekapolon ka imyekinete ikes akiwuapit ŋuna aronok, anerae epol nooi aŋoit ke Ekapolon ka anyunyura keŋ ŋina alimu iŋes eremokino ŋul.”

Yer. 4:27

Erae ŋun ŋuna irworo Ekapolon ebe, “Eruwor akwap daadaŋ ereŋorot, kikote neni daŋ, etasaluni ayoŋ akwap jik.

Yer. 4:4

Okoe ŋituŋa a Yudaya ka ŋulu iboiyete alo Yerusalem, kiricakisi acamunet kus ka ayoŋ Ekapolon kus, kitaleutu ŋawat kus aŋuna kaŋ. Ani pa kitiyata iyes ŋun, ebuni anyunyura kaŋ neni kus erirae ikwa akim, enomiyari ibore daadaŋ ka emam ituŋanan ituduŋe iŋes, itiyakinosi ŋun aŋuna ka aronis a ŋina itiyaete iyes.”

Yer. 42:18

“Erae nu ŋakiro ŋuna alimu Ekapolon ŋolo a ŋajoresyo, Akuj a Ŋisirael ebe, ‘Lopite ŋolo abunio aŋoit kaŋ ka anyunyura kaŋ toyakaun neni a ŋituŋa a ŋulu eboiyete alo Yerusalem, ikwaŋinapei, ebuni anyunyura kaŋ neni kus daŋ apaki ŋina ilosyoto iyes Ijipit, iruworosi iyes ŋituŋa ŋulu icenere ŋuluce ka ŋulu inyasere ŋuluce, ikijamuwarete ŋituŋa iyes ka iyanyio ŋituŋa isitiyao ekiro kus. Nyiŋolikinete iyes akibois na nabo.’

Yer. 44:22

Abu Ekapolon nyepedo akidaŋidaŋ ŋiticisyo kus ŋulu aronok, asiilyo ŋina ipotu iyes kitiyata, aŋun, abu akwap kus toruwor ereŋorot, acaryoit ka ŋina a ŋicen tomamukaun ituŋanan eyai lopite ŋolo eyakar tari nakoloŋit na.

Yer. 7:17

Nyite iyoŋ ŋakiro ŋuna itiyaete ikes alotaunio a Yudaya ka alorotin a Yerusalem a?

Yer. 7:20

Aŋun, alimu Ekapolon Akuj atemar, aŋoikini ka anyunyurikin ayoŋ ikes etiyakini ŋuna aronok neni a ŋituŋa ka ŋityaŋ, neni a ŋikito a ŋulu ke emanikor ka ŋaraito ŋuna ka akwap, enokuni aŋoit kaŋ ikwa akim ka mam ituŋanan epedori akituduŋere.

Yer. 7:34

Tosodi, etasaluni ayoŋ ecelet ŋolo ka alelyanu ka alakara, etasaluni ayoŋ ecelet ŋolo a ateran ka eteran alotaunio a Yudaya ka alorotin a Yerusalem, anerae eruwor akwap ŋin acaryoit.

Yer. 8:3

Iitanete anakiboisyo a daadaŋ a ŋuna erita ayoŋ ikes ŋipiya a ŋituŋa a ŋulu aronok a lu atwanare, akilo akiyar.”

Aum. 1:1

Kesilyor etaun lo, ŋolo paaran eleleba ŋituŋa! Ekwaanikin bareca iŋes ka apuserut, torae bo sek arae iŋes etaun ŋolo etopoloorito ŋituŋa a ŋakwapin! Etaun lo iŋes sek epol anakiboisyo a ŋunace, ekwaanikin tokona ka epito.

Aum. 1:13

“Abu Ekapolon kiyaku akim alokidiama, abu akim ŋin itonom isua todol tari nakoyo. Abu Ekapolon topeta atibait keŋ akikamunia ŋakejen kosi kiŋoliyarae neni sek aponere. Abu Ekapolon ikimyek isua make, eryebae apaaran jwii.

Aum. 5:18

anerae asilyor emukura ŋolo a Sion aruwor ereŋorot; irimito ŋikweei anaduketa keŋ a ŋuna eritanakina.

Esek. 20:33

Alimu Ekapolon Akuj ebe, “Ikwapei kire jik ayarya ayoŋ, ekepukae ayoŋ iyes a apedor kaŋ a ŋina apolon ka ewuakini ayoŋ agogoŋu kaŋ daadaŋ neni kus alotooma anyunyura.

Esek. 20:34

Akayauni ayoŋ iyes anakwapin, akacununi ayoŋ iyes anakiboisyo a ŋuna aponi ikielar iyes. Akayauni ayoŋ iyes a nen a apedor kaŋ a ŋina apolon ka ewuakini ayoŋ agogoŋu kaŋ daadaŋ neni kus alotooma anyunyura.

Esek. 24:13

Ani eketaleuni ayoŋ iyoŋ analeeco kon a ŋina abosan, ibu iyoŋ nyitaleun anabosis kon a ŋin; mam nabo nyikitaleunio iyoŋ jik akitodol ŋina etemokinio ayoŋ ŋuna akaŋoikinitor iyoŋ.

Esek. 24:8

Aŋuna ka ainakin ayoŋ onyunyurikin nooi enyaŋa ŋituŋa ŋulu apotu ikes toara, eperikini ayoŋ ŋawat a ŋituŋa a Yerusalem natabab nenilapat, ikotere ŋalup nyerapuwasi ŋawat ŋun.

Esek. 5:13

“Apaki nai ŋin edaunor aŋoikinit kaŋ ikes ka iŋes editeunia anyunyura kaŋ aneni kec, iŋes ayenunia ayoŋ atemar etiyakin ŋuna acamit ayoŋ akitiyakin. Ekaku ketoodik ayoŋ ikes alilit kaŋ, eyenunete ikes atemar ayoŋ Ekapolon abu erworor ŋakiro ŋun alelakinit.

Esek. 6:12

Eari edeke ikes ŋulu iboiyete aneni alwanan ka emunyaryo a ekileŋ ikes ŋulu iboiyete anepei a ne, ido ŋulu idoŋete ŋulu imyekinio nyear ekileŋ, kori edeke, eari akoro. Epite ŋol iŋes iŋolikiniata ikes anyunyura kaŋ aŋuna kec.

Esek. 8:18

Aŋun, anyunyurikin ayoŋ ikes, nyacamuni ayoŋ akiŋolikin ikes, mam tari nyesyoni ayoŋ ikes; tari kigworo ikes neni kaŋ opupi ayoŋ ikes iworoete nooi, nyapupokini ayoŋ ŋakiro kec.”

Dan. 9:12

Esiyook Ekapolon ŋakiro keŋ, ŋakiro ŋuna abu iŋes kirwor ikitoroniyarit isua ka ŋikapolok kosi, etiya Ekapolon ŋun anainakin isua ŋican ŋulu apolok nooi. Ŋuna etiyakin Yerusalem, mam akwap anakwap a daadaŋ ŋina etiyakin ŋun.

Ŋilep. 26:28

arubakini akoŋoikinit iyes nooi alotooma anyunyura kaŋ, ayoŋ alope ekesicani iyes, ekesicani iyes nooi ŋakisicanet ŋace ŋakanikaarei aŋuna a ŋasecisya kus.

Ŋilep. 26:31

Eturuwori ayoŋ ŋitaunio kus ŋireŋoroto, eruwor ŋakiboisyo kus ŋuna sek ilipyata iyes ŋuna esilok, ido nyakabobokini nabo ayoŋ eure a ŋainakineta kus a ŋuna epeyo

Naum 1:2

Erae Akuj Ekapolon ŋolo alilyan ka ŋolo enyaŋan. Inyaŋana Ekapolon ka epatana iŋes akiŋo. Isicani Ekapolon jik ŋulu eŋerito iŋes eŋoikini Ekapolon nooi ŋimoe keŋ.

Sakar 1:2

“Eŋoit Ekapolon nooi aŋuna atapapaa kus.

Sakar 1:6

Ani bo ŋakiro kaŋ ka ŋikisila kaŋ, ŋulu abu ayoŋ olimok ŋikadwarak kaŋ, ŋulu arae ŋiketiyak kaŋ, pa mono apotu ŋun kiduposi atapapaa kus toryamut ŋican aŋun a? Aŋun, apotu ikes tokiwa temasi, ‘Adau Ekapolon ŋolo Etiron akitiya neni yok ŋuna emaikina iwon oryamutu aŋuna ka aronis yok ka aŋuna a ŋiticisyo yok a ŋulu aronok. Etiya iŋes ŋun lopite ŋolo sek ayeunitor akitiyakin.’ ”

Sakar 7:14

Aŋun, abu ayoŋ eela ikes lopite ŋolo ielarya ekuwuam ibore, apotu ikes kielar akiboi nakwapin ŋuna sek pa ayenete. Apotu kimyekis akwap na ŋina ajokan erae ŋina asilon, ŋina emam ituŋanan iboi alotooma keŋ.”