Yer. 44:23 - Ebaibul

²³ Etiyakin ŋican ŋul neni kus aŋuna iponiata iyes kicunya ŋainakineta ka aŋuna iponiata iyes toseca aneni ke Ekapolon, nyiwuapa ŋakiro keŋ, kori kiwuapa ŋikisila keŋ ka ŋakiro ŋuna atubunit iŋes ta ŋuna elimunit iŋes.”

Yer. 44:23 Iomraidhean Croise

1 Ŋirw. 9:9

Eboŋokinete nai ŋituŋa temasi, ‘Erae aŋuna aŋeryoto ikes Ekapolon Akuj kec ŋina ayauni atapapaa kec anakwap a Ijipit, ido acamut ikes ŋakujo ŋace, ilipete ikes neni a ŋakujo ŋun ka kitiyanakinete; iŋes nai ayaunia Ekapolon akinyasuno na neni kec.’ ”

2 Ŋirw. 17:15

Apotu tojamuwasi ŋikisila a Ekapolon ka acamunet ŋina acamunotor iŋes ka atapapaa kec ta ŋakiyayanakineta ŋuna aris kisiirar ikes. Kiwuapa ikes ŋakujo ŋuna koŋinae toruworos ikes ŋikoŋinae. Kiwuapa ikes ŋipitesyo a ŋituŋa a ŋulu ebakito ka ikes, a ŋulu aris Ekapolon Akuj kicik ikes nyiwuap ŋipitesyo kec.

2 Ŋakiro a ŋirwa 36:16

Nai apotu ikes tokienatar ŋikadwarak ŋulu ka Akuj, toŋero ŋakiro ka Akuj ŋuna erworosi ŋikadwarak ka tojamuwasi ŋikadwarak ŋulu ka Akuj akitodol ŋina abunio anyunyura ka Akuj ŋina apolon nooi lotuŋa keŋ ŋul, todaun epite ece ŋolo eiunotor ikes.

Neem. 13:18

Pa mono apotu atapapaa kus kitiyata ŋun, ido pa mono abu Akuj yok yau ŋican daadaŋ neni yok ka lotaun yok a? Nai iyaut iyes nabo anyunyura a Akuj ace neni a Ŋisirael aŋuna ijamuwaryata akoloŋit ŋina a Sabato a?”

Ŋikiru. 119:136

Eleleete ŋakiyo anakonyen kaŋ, anerae nyiwuapitae ŋikisila kon.

Ŋikiru. 119:150

Ekedunya ayoŋ ŋulu eyeete akitiya ŋuna aronok, nyiwuapito ikes ŋikisila kon.

Ŋikiru. 119:155

Etyono ŋulu aronok aryamun aiuno, anerae nyemitakinito ikes ayenun ŋakiro ŋuna itubunit iyoŋ.

Ŋikiru. 78:10

Apotu ikes nyiricakis acamunet ŋina ka Akuj, apotu toŋero akiwuap ŋikisila ŋulu ka Akuj.

Ŋikiru. 78:56

Nai apotu ikes kitemo Akuj, toŋero Akuj ŋina alokidiama nooi; apotu nyiwuapa ŋakiciketa keŋ.

Yer. 26:4

Tolimok ikes ebe, ‘Ŋakiro ŋuna irworo Ekapolon ikes nu: Ani pa kiirasi iyes ŋakiro kaŋ, pa kiwuapa ŋikisila kaŋ ŋulu akainak ayoŋ iyes,

Yer. 40:3

tosodi tokona esiyook Ekapolon ŋakiro ŋun, ido etiya ikwapei alimunitor, anerae ipotu iyes daadaŋ toseca aneni ke Ekapolon, nyiwuapa ŋakiro keŋ. Aŋun, etiyakin ŋakiro ŋun neni kus.

Yer. 44:10

Nyekiwa ikes, kori nyebulo ikes akitodol tari nakoloŋit na, nyiricakina ikes tari ŋikisila kaŋ ka ŋakiro ŋuna atubunit ayoŋ ŋuna abu ayoŋ okoinak iyes ka oinak atapapaa kus.

Yer. 44:18

Nai ameun anapaki a ŋina ajoŋoere isua ainanakin ŋainakineta neni a arwosit a ŋina anakuj ka ainanakin iŋes ŋainakineta ŋuna a ŋimaten, ecanakinoi isua ŋiboro daadaŋ ka ikiari a ekileŋ ka eron.”

Yer. 44:2

Tema Yeremia, “Alimu Ekapolon ŋolo a ŋajoresyo, Akuj a Ŋisirael ebe, ‘Iŋolikis iyes ŋilopeyek ŋican ŋulu abu ayoŋ oyau neni a ŋituŋa a Yerusalem ka lotuŋa ŋulu a ŋitaunio a Yudaya a daadaŋ. Kiŋolikisi ŋakiboisyo ŋun tokona, erae ŋireŋoroto, mam ituŋanan iboi alotooma kec,

Yer. 44:21

“Ani eruwor ŋainakineta ŋuna ipotu iyes inanakis alotaunio a Yudaya ka alorotin a Yerusalem, iyes kaapei ka atapapaa kus, ŋirwosi kus, ŋikapolok kus ka ŋituŋa ŋulu anakwap kus, pa mono abu Ekapolon totamu ŋainakineta ŋun a? Pa apotu ŋainakineta ŋun potu natameta keŋ a?

Yer. 44:3

anerae apotu ŋituŋa kec kitiyata aronis, eketoŋoa ayoŋ aŋuna aponiata toloto ainanakin ŋainakineta neni a ŋakujo a ŋace ka akitiyanakin ŋakujo ŋuna pa ayenete ikes, pa iyenete tari iyes; kori pa ayenete tari atapapaa kus.’

Yer. 44:8

Kaanukiro ikitoŋoeta iyes ayoŋ a ŋiticisyo a ŋulu itiyaete iyes a ŋakan kus, inanakinete ŋainanakineta neni a ŋakujo a ŋace anakwap a Ijipit aneni ipotu iyes akiboi? Icamito iyes ikimunyar, ido toruworos ŋituŋa ŋulu icenere ŋuluce ka inyasere ŋituŋa ŋulu a ŋakwapin a daadaŋ a?

Aum. 1:8

Apotu ŋituŋa a Yerusalem toseca nooi, aŋun, eturuwor iŋes etaun ŋolo ejamuwaritae, ajamuwasi iŋes ŋituŋa daadaŋ ŋulu sek etopoloorito, anerae eŋolikis emam ibore eyai; eumenete ŋituŋa keŋ ka nyecamito akiŋolikin etaun kec.

Dan. 9:13

Lopite ŋolo igiritere lokisila a Moses, apotu ŋican lu daadaŋ neni kosi, nai nyemitakina isua akiwar ajokis ŋina ke Ekapolon Akuj kosi anakiŋer ŋasecisya kosi ka akiwuap ŋakiro keŋ ŋuna a kire.

1 Ŋikor. 10:20

Emam, nai alosikinit ayoŋ atemar ŋamuronisya ŋun, einanakinitae neni a ŋipyan, meere neni ka Akuj. Nyacamit ayoŋ iyes kimorikina ka ŋipyan.

2 Ŋikor. 6:16

Ikokinete ŋakujo ŋace elomarete Kai ka Akuj ai? Anerae ikirae iwon Akai ka Akuj a ŋina eyari! Ikwaŋina elimunitor Akuj ebe, “Abuni akiboi alotuŋa kaŋ, ido oruko ka ikes; oruwor ayoŋ Akuj kec ka eruworosi ikes ŋituŋa kaŋ.”