Yer. 44:10 - Ebaibul

¹⁰ Nyekiwa ikes, kori nyebulo ikes akitodol tari nakoloŋit na, nyiricakina ikes tari ŋikisila kaŋ ka ŋakiro ŋuna atubunit ayoŋ ŋuna abu ayoŋ okoinak iyes ka oinak atapapaa kus.

Yer. 44:10 Iomraidhean Croise

1 Ŋirw. 21:29

“Idau ba iyoŋ aanyun epite ŋolo etiditeunor Aab alokiŋaren kaŋ? Aŋuna etiyaa iŋes ŋun, nyacamakini ayoŋ ŋican potu neni keŋ alorwa a ŋulu ka akiyar keŋ, nai epote ŋican ŋul lotuŋa ka Aab edoli ŋirwa ŋulu ka akiyar a lokoku keŋ.”

2 Ŋirw. 22:19

‘Aŋuna ibunio iyoŋ toki alotau kon ka kitiditeun apaki ŋina iirarya ŋakiro ŋuna abu ayoŋ erwor etoroniyarit akwap na ka ŋituŋa keŋ ka aŋuna iciliciliya ŋilowi kon, ido ikikaloik ayoŋ, adau ayoŋ daŋ akiirar iyoŋ.

2 Ŋakiro a ŋirwa 32:26

Abu nai Esekia toki alotau ŋuna sek abu iŋes tojamuwa, tokiwa ŋituŋa a Yerusalem daŋ ŋun; aŋun, abu anyunyura ŋina ke Ekapolon nyebu neni kec alorwa a ŋulu araakar Esekia erwosit.

2 Ŋakiro a ŋirwa 33:12

Ani eyakaun Manase locan ŋul, abu kiwar ajokis ŋina a Ekapolon Akuj keŋ, kitiditeun bon nooi aneni ka Akuj atapapaa keŋ.

2 Ŋakiro a ŋirwa 33:19

Ŋakiro ŋuna ka akilip a Manase, epite ŋolo ainakinia Akuj Manase ŋuna ewarit Manase ka ŋuna a ŋakiboisyo a ŋuna abu iŋes toduk nenimukur, ido kiwuanak ŋitorubei a akuj a ŋina anyaritae Asera ka ŋitorubei ŋice daŋ eriŋa nyitiditeuna bon, igiritae lokitaaboi ŋulu igiritae ŋakiro a ŋiketeyenikinak.

2 Ŋakiro a ŋirwa 34:27

‘Aŋuna ibunio iyoŋ toki alotau kon ka kitiditeun apaki ŋina iirarya ŋakiro ŋuna abu ayoŋ erwor etoroniyarit akwap na ka ŋituŋa keŋ ka aŋuna iciliciliya ŋilowi kon, ido ikikaloik ayoŋ, adau ayoŋ daŋ akiirar iyoŋ.

Ŋikiru. 34:18

Eapi ekapolon aneni a ŋulu amamukaun amukeo alotai, ido eiununui ŋulu amamukaun akigeno alotai.

Ŋikiru. 51:17

Ŋamuronisya ŋuna ecamit Akuj, ikes ŋuna a ŋituŋa a ŋulu itiditeuna alotai kec. Okoe Akuj, nyiŋeri iyoŋ ŋituŋa ŋulu itiditeuna ka ekiito alotai kec.

Ŋikiru. 78:10

Apotu ikes nyiricakis acamunet ŋina ka Akuj, apotu toŋero akiwuap ŋikisila ŋulu ka Akuj.

Awos. 10:3

Aŋun, apotu Moses ka Aron toloto neni a Parao temasi neni keŋ, “Ŋakiro ŋuna iŋita Ekapolon Akuj a Ŋiburaniyae ikes nu: Tari ori iwounit iyoŋ akitiditeun aneni kaŋ? Kimyek ŋituŋa kaŋ toloto, ikotere ilipete neni kaŋ.

Awos. 9:17

Nai eriŋa bo iyoŋ itopolooro imanit ŋituŋa kaŋ, ido nyicamit akimyekin ikes toloto.

Awos. 9:30

Nai ayeni ayoŋ atemar nyikerito iyes Ekapolon Akuj, iyoŋ kaapei ka ŋulu ipukatotor.”

Ŋakit. 14:16

Erae ŋikaosok ŋulu ecoito akitiya aronis ŋapakio daadaŋ, nai nyecoito ŋibaŋaanotin akitiya aronis, ionyanakinete atipei akitiya aronis.

Ŋakit. 16:6

Isyoni Akuj ŋasecisya a ŋituŋa erae keminanara ka kerimaaka ŋituŋa, ido ani kitopoloo ituŋanan Ekapolon, eŋeri akitiya aronis.

Ŋakit. 28:14

Elakara a ŋinapaki ituŋanan ŋini itopoloorit Ekapolon, nai ituŋanan ŋini itogogoŋit akou keŋ, elomari locan.

Ŋakit. 8:13

Erae akitopoloor Ekapolon aremokin ŋuna aronok, aremokino ayoŋ akitopolooro bon ka akituro, aremokino ayoŋ akiwuapit ŋuna aronok ka akirworo alyokonu.

Isa. 42:24

Ŋae epotokini ŋiletok a Yakob neni a ŋikenyasak ka ŋae epotokini ŋiletok a Isirael neni a ŋikademanarak? Pa mono arae Ekapolon ŋolo aponi iwon tosecae neni keŋ a? Ekapolon ŋolo apotu ikes toŋero akiwuap ŋakiro keŋ ka ŋolo apotu ikes nyiwuapa ŋikisila keŋ a?

Isa. 57:15

Alimu Ekapolon ŋolo iboi alokidiama nooi, ŋolo iboi ŋikaru ka ŋikaru ŋolo erae ekiro keŋ ŋolo asegan ebe, “Eboi ayoŋ alokidiama ka anakibois a ŋina asegan, kaapei ka ŋituŋa ŋulu itiditeuna ka iapara alotai kec, ikotere ainakini ikes nabo ŋitai ŋulu itiditeuna ka oinak ikes nabo ŋitai ŋulu iapara.

Isa. 66:2

Ŋakan kaŋ etiyaunete ŋiboro lu daadaŋ, ido erae ŋiboro lu daadaŋ ŋulu kaŋ. Nai ituŋanan ŋini ikoni ne iŋes alakaror ayoŋ: Ituŋanan ŋini itiditeuna bon ŋini ekiit alotau keŋ, ŋini itopoloorit akirot kaŋ.

Yer. 10:7

okoe erwosit a ŋituŋa a ŋakwapin, ŋae nyikikerit iyoŋ, anerae emaikina ikikeritae iyoŋ alokidiŋ ŋikaosok anakwapin ka anapukasinei kec a daadaŋ, mam ituŋanan ikwaan ka iyoŋ.

Yer. 26:4

Tolimok ikes ebe, ‘Ŋakiro ŋuna irworo Ekapolon ikes nu: Ani pa kiirasi iyes ŋakiro kaŋ, pa kiwuapa ŋikisila kaŋ ŋulu akainak ayoŋ iyes,

Yer. 32:23

Apotu ikes tolomut nakwap na kituruwosi ŋina kec, nai apotu ikes nyiwuapa ŋakiro kon, kori ŋikisila kon, apotu nyitiyata ŋuna ilimokinit iyoŋ ikes akitiya. Aŋun, ibu iyoŋ iyau ŋican lu daadaŋ neni kec.

Yer. 36:24

Kikote neni daŋ, mam ekabule abu toyakaun neni a erwosit, kori neni a ŋiketiyak keŋ a idio a ŋulu apotu kiirasi ŋakiro ŋun daadaŋ, apotu ikes nyecila tari ŋilowi kec.

Yer. 44:23

Etiyakin ŋican ŋul neni kus aŋuna iponiata iyes kicunya ŋainakineta ka aŋuna iponiata iyes toseca aneni ke Ekapolon, nyiwuapa ŋakiro keŋ, kori kiwuapa ŋikisila keŋ ka ŋakiro ŋuna atubunit iŋes ta ŋuna elimunit iŋes.”

Yer. 5:3

Okoe Ekapolon, meere mono ŋuna a kire ite iyoŋ a? Idau iyoŋ akisican ikes, nai eriŋa aryeba nyenomoro ikes; idau iyoŋ akitonomor ikes, nai aŋero ikes akiwuap ŋuna icamit iyoŋ. Etogogoŋ ikes ŋakyes kec lopite ŋolo egogoŋio ataaba; aŋero ikes aboŋun neni kon.

Yer. 6:15

Apotu ikes kitiyata ŋuna a ŋileec, apotu ikes kitiyata ŋakiro ŋuna asiilyanak. nai nyiruma ikes ŋileec, pa ayenete ikes epite ŋolo irumyata ikes ŋileec nooi. Aŋun, etwakete ikes daŋ lopite ŋolo atwakyata ŋuluce, apaki ŋina esicania ayoŋ ikes, eruwor ŋin adaunet kec.”

Yer. 8:12

Apotu ikes kitiyata ŋuna a ŋileec, apotu kitiyata ŋakiro ŋuna asiilyanak, ido nyiruma ikes ŋileec, pa apotu ikes toyenut epite ŋolo anyunyuratar ikes make, aŋun, etwakete ikes daŋ lopite ŋolo aponiata ŋuluce totwaka, apaki ŋina abunio ayoŋ akisican ikes, ereunio ikes.

Esek. 9:4

tema neni keŋ, “Ape kirimok Yerusalem daadaŋ, kiwuanak emacar loreetin a ŋituŋa a ŋulu iyaloloŋete ka ŋulu igworosi aŋuna ka asiilyo a daadaŋ a ŋina itiyao alo Yerusalem.”

Mal. 4:2

Nai iyes ŋulu itopoloorito ekiro kaŋ, elomuni apedor kaŋ ŋina aiunan ikoni akoloŋ, ido bu apedor neni kus ikoni ŋikoi ŋulu ka akoloŋ, ikitaŋaleun iyes. Iruworosi iyes ŋulu ilacakina, ŋulu ilakara ikwa ŋimanaŋ ŋulu elacakinitae, ŋulu eŋaaritae ananok.

Mat. 27:54

Ani eanyuni ekapolokiniton a ŋisigarya kaapei ka ŋisigarya keŋ epite ŋolo amaranikinia akwap ka ŋakiro daadaŋ ŋuna etiyasi, tobul ikes nooi temasi, “Kire, kerae iŋes Lokoku ka Akuj!”

Luk. 23:40

Toboŋok nai ŋoloce iŋes tema, “Nyikerit iyoŋ Akuj a? Ikitubokinitae iwon ka iŋes kaapei.

Ŋirom. 11:20

Erae ŋun kire! Aponi tobilanarae ikes, anerae pa anupito, tosodi ikilunyokin iyes nen, anerae inupito. Nai nyiturokinosi a ŋun; akilo, itemokino toyakatar akerit.

1 Pet. 5:6

Aŋun, kitiditeunos iyes anakan a ŋina ka apedor a ŋina ka Akuj, ikotere nai ikitopoloori iŋes iyes apaki ŋina ecamitor iŋes.

Akis. 15:4

Ekapolon! Ŋae ituŋanan ŋini nyikikeri iyoŋ? Ŋae ewouni alimor apolou kon? Iyoŋ bon irae ŋolo Asegan. Epote ŋakwapin daadaŋ akilip neni kon, anerae aanyut daadaŋ ŋiticisyo kon ŋulu iyookino.”