Yer. 43:2 - Ebaibul

² toloto Asaria lokoku a Osaia ka Yoanan lokoku a Karea ta ŋituŋa ŋulu aosok daadaŋ tolimokis Yeremia temasi, “Irworo iyoŋ alyokonu. Nyiyakuuna Ekapolon iyoŋ alimokin isua ebe, ‘Nyiloto Ijipit kiboiyoto a ina;’

Yer. 43:2 Iomraidhean Croise

Akisy. 19:14

Toloma Lot alokai keŋ tolot tolimok ŋikilyok ŋulu eikinitae akiit ŋidwe keŋ tema, “Tonyoutu, olomasi anakibois a na; anerae eapi Akuj akinyasun etaun lo.” Nai totakan aneni a ŋikilyok a ŋul esibit pa emukekinit Lot ŋuna erworo.

2 Ŋakiro a ŋirwa 36:13

Abu daŋ Sedekia toŋer Nebukadinesar ŋolo sek abu kisikoŋ alokiro ka Akuj atemar iwuapi ŋakiro a Nabukadinesar; abu iŋes kitogogoŋ akou keŋ ka kitininik ŋatameta keŋ towou akiwuap ŋuna a Ekapolon Akuj a Ŋisirael.

Ŋikiru. 119:21

Ikitoŋoyenete iyoŋ ŋiketurok ŋulu ilamam, ŋulu eoliyonorete anakiwuapit ŋakiciketa kon.

Ŋikiru. 12:3

Elipi Ekapolon kisililiŋ ŋakituka ŋuna itobobotoi ŋun, kisililiŋ ŋaŋajepa ŋuna iturosi nooi ŋun

Ŋikiru. 123:4

Adaun isua akidaŋidaŋ nyiyany ŋulu alalak aneni a ŋikabarak, ajamuwarit ŋina alalan aneni a ŋiketurok.

Awos. 5:2

Nai abu Parao kiŋit ikes tema, “Ŋae erae Ekapolon, ŋolo emaikina ayoŋ ewuap ŋakiro keŋ emyek Ŋisirael toloto? Nyayeni ayoŋ Ekapolon ŋol, ido nyemyekini ayoŋ Ŋisirael toloto.”

Awos. 9:17

Nai eriŋa bo iyoŋ itopolooro imanit ŋituŋa kaŋ, ido nyicamit akimyekin ikes toloto.

Ŋakit. 16:5

Esiilyaka aneni a Ekapolon ŋituŋa daadaŋ ŋulu erae ŋiketurok, ŋituŋa, toyenete atemar nyebucarosi ŋulu aronok anakisicanio.

Ŋakit. 30:9

Acepaki apedori ayoŋ akiŋer iyoŋ erae karyamu akimuj ŋina alalan nooi, ido otema, ‘Ekapolon mono ŋae?’ kori apedori ayoŋ aruwor ikulyakit, ido okoko, ojoŋo akitopoloorit ekiro ŋolo ka Akuj kaŋ.

Ŋakit. 6:17

Ŋul ikes lu: Ŋituŋa ŋulu etakanete anakonyen kec itopolooro bon nooi, ŋituŋa ŋulu irworosi alyokonu, ŋituŋa ŋulu earete ŋituŋa ŋulu emam aronis itiyato,

Ŋakit. 8:13

Erae akitopoloor Ekapolon aremokin ŋuna aronok, aremokino ayoŋ akitopolooro bon ka akituro, aremokino ayoŋ akiwuapit ŋuna aronok ka akirworo alyokonu.

Isa. 7:9

Etaun a Epuraim ŋolo apolon iŋes Samaria ka ekapolon ŋolo a Samaria iŋes lokoku a Remalia. Ani pa kigogoŋior iyoŋ ananupit, nyirubakini idaŋidaŋi jik.”

Isa. 9:8

Abu Ekapolon kiyakiya akirot neni a ŋiletok a Yakob, ido abu akirot ŋin kitiyakin neni a Ŋisirael

Yer. 13:15

Ŋituŋa a Isirael kiirasi ka topupokisi nyisyaaketa anerae adau Ekapolon akirwor.

Yer. 18:18

Apotu nai ikes temasi, “Potu, oyeutu ŋarurumae emana Yeremia, anerae nyedaunun ŋakitatameta aneni a esacaradoti, kori ŋakiro ŋuna ajokak aneni a ŋikaosok, kori akirot aneni a ekadwaran. Potu esitakisi iŋes a ŋakiro a ŋadi, nyikiwuap ŋakiro keŋ ŋadi daŋ.”

Yer. 40:8

apotu ŋikarikok a ŋajoresyo ŋul toloto neni a Gedalia a ŋolo ayai Misipa. Ŋikarikok ŋul ikes Isimael lokoku a Nesania, Yoanan lokoku a Karea, Seraia lokoku a Tanumes, ŋidwe a Eipai a ŋolo arae Enetopasit ŋulusapa, Yaasania lokoku a Emaakesait, apotu ikes toloto kaapei ka ŋajorei kec.

Yer. 41:16

Apotu nai Yoanan lokoku a Karea ka ŋikarikok a ŋajorei ŋulu arukitotor iŋes yaasi ŋituŋa ŋulu edoŋito ŋulu kebu Isimael lokoku a Nesania toriko alo Misipa erae ŋirikon kedau akiar Gedalia lokoku ka Aikam, ŋasigarya, ŋaberu, ŋidwe, ŋikolupanotin ŋulu sek kebu Yoanan yau alo Gibeon.

Yer. 41:18

akisii aneni a Ŋibabiloniyae a ŋulu etubulito ikes, anerae abu Isimael lokoku a Nesania toar Gedalia lokoku ka Aikam ŋolo abu erwosit a Babilon kituruwo ekepukan a Yudaya.

Yer. 42:1

Apotu nai ŋikarikok daadaŋ ŋulu a ŋajorei ka Yoanan lokoku a Karea, Asaria lokoku a Osaia ka ŋituŋa daadaŋ ameun a ŋulucaryo tari ŋulu etopolooritae toloto

Yer. 42:20

ido toyenete atemar ioliyosi iyes ijal akiyar kus, anerae ipotu iyes ŋilopeyek ikiyakiyasi ayoŋ neni ke Ekapolon Akuj kus ibasi, ‘Kilip aŋuna kosi neni ke Ekapolon Akuj kosi, ido ŋakiro daadaŋ ŋuna ikilimokini iyoŋ Ekapolon Akuj kosi, tolimokinae isua ka itiyao isua ŋun.’

Yer. 42:5

Tolimokis daŋ ikes Yeremia temasi, “Ikilipi toruwor Ekapolon ŋolo iyookino ka esuuda ŋolo ikinyoma anakisican isua erae keŋeri akiwuap ŋuna daadaŋ ikilimokini Ekapolon Akuj kon isua aneni kon.

Yer. 43:1

Kedau Yeremia alimokin ŋituŋa daadaŋ ŋakiro ŋun ŋuna ke Ekapolon Akuj kec, ŋakiro ŋuna eyakit Ekapolon Akuj kec iŋes alimokin ŋituŋa,

Yer. 44:16

“Nyikicamuni isua akiirar ŋakiro ŋuna idau iyoŋ alimokin isua alokiro ke Ekapolon.

Yak. 4:6

Nai einanakini iŋes ajokis ŋina alalan; aŋun, elimunit Akigiret ebe, “Itepegi Akuj ŋiketurok, nai einanakini ajokis neni a ŋulu itiditeuna.”

1 Pet. 5:5

Ikwaŋinapei ikoŋin, iyes daŋ ŋisorok, tokerito ŋikasikou. Itemokino iyes daadaŋ itiditeuna aneni a ŋuluce, ikotere kiŋaranakinos make, anerae igiritae Nakigireta ebe, “Itepegi Akuj ŋulu iturosi, nai erimaana aneni a ŋulu itiditeuna.”