Yer. 43:1 - Ebaibul

¹ Kedau Yeremia alimokin ŋituŋa daadaŋ ŋakiro ŋun ŋuna ke Ekapolon Akuj kec, ŋakiro ŋuna eyakit Ekapolon Akuj kec iŋes alimokin ŋituŋa,

Yer. 43:1 Iomraidhean Croise

Akisy. 19:14

Toloma Lot alokai keŋ tolot tolimok ŋikilyok ŋulu eikinitae akiit ŋidwe keŋ tema, “Tonyoutu, olomasi anakibois a na; anerae eapi Akuj akinyasun etaun lo.” Nai totakan aneni a ŋikilyok a ŋul esibit pa emukekinit Lot ŋuna erworo.

Awos. 24:3

Totiyaun nai Moses alomoru, tolot tolimok ŋituŋa ŋakiro ke Ekapolon daadaŋ ka ŋikisila ke Ekapolon daadaŋ; toboŋokis ŋituŋa daadaŋ kaapei temasi, “Ikitiyae isua ŋakiro daadaŋ ŋuna adau Ekapolon alimun.”

Yer. 1:17

Nai toten iyoŋ Yeremia, towo, tolimok ikes ŋakiro daadaŋ ŋuna ekeciki ayoŋ iyoŋ. Nyikuryaniar alokiŋaren kec, kikuryaniar iyoŋ, akainakini ayoŋ iyoŋ akuryanu alokiŋaren kec.

Yer. 1:7

Nai abu Ekapolon okolimok ayoŋ tema, “Nyitema, ‘Eriŋa ayoŋ arae idya;’ anerae ilosi iyoŋ neni a daadaŋ a ŋulu ekeyakiyari ayoŋ iyoŋ, ido ibuni iyoŋ akirwor ŋakiro daadaŋ ŋuna akalimokini ayoŋ iyoŋ.

Yer. 26:2

tolimok Yeremia tema, “Towo analapatu a ŋina alokiŋaren Akai ke Ekapolon, ido kirwor neni a ŋituŋa a daadaŋ a ŋulu iboiyete alotaunio a Yudaya, ŋituŋa ŋulu eponeneete akilip alo Kai ke Ekapolon, tolimok ikes daadaŋ ŋakiro ŋuna ekeciki ayoŋ iyoŋ, nyimunon ŋakiro ŋadi.

Yer. 26:8

Ani kedau Yeremia akirwor ŋakiro daadaŋ ŋuna ecikit Ekapolon iŋes alimokin ŋituŋa daadaŋ, apotu ŋisacaradotin, ŋikadwarak ka ŋituŋa daadaŋ kikamut Yeremia temasi, “Emaikina iyoŋ totwan!

Yer. 42:21

Aŋun, akalimok ayoŋ iyes nakoloŋit na ŋakiro ŋuna akalimoki Ekapolon ayoŋ, nai nyiwuapa iyes ŋakiro a Ekapolon Akuj kus, anakiro daadaŋ a ŋuna abu iŋes ekeyakuunia ayoŋ alimokin iyes.

Yer. 42:22

Toyenete nai ejok atemar, itwakete iyes a ekileŋ, akoro ka a edeke anakibois a ŋina icamito iyes alosit akiboiyo.”

Yer. 5:12

Erworo ikes alyokonu aŋuna ke Ekapolon, atemasi ikes, “Emam ŋuna itiyakini Ekapolon. Emam aronis ebuni neni kosi, nyeyakaun ejie kori eron neni kosi.”

Yer. 51:63

Ani irikakini akisyom ekitaabo lo, toenik amoru lokitaabo lo, tosodi kimasak kidiŋ aŋolol Eupurate,

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Ŋitic. 20:27

Anerae nyimunono ayoŋ akiserakin iyes ŋuna daadaŋ ecamit Akuj.

Ŋitic. 5:20

“Toloto Kai ka Akuj, tolimokis ŋituŋa ŋakiro daadaŋ ŋuna ka akiyar a ŋina kitete a na, a ŋina ayau Yesu.”

1 Sam. 8:10

Aŋun, abu Samuel tolot, tolimok ŋakiro daadaŋ ŋuna ke Ekapolon neni a ŋituŋa a ŋulu abasi iŋes inakinae erwosit.