Yer. 42:3 - Ebaibul

³ Kimyek Ekapolon Akuj kon ikitoodik isua neni emaikina tolotoi ka ŋuna emaikina kitiyae.”

Yer. 42:3 Iomraidhean Croise

1 Ŋirw. 8:36

ekelipit kiira anakuj, ido kisyoni asecit a ŋiketiyak kon, a ŋituŋa kon a Ŋisirael. Kitatam ikes ŋipitesyo ŋulu ajokak ŋulu emaikina ikes kiwuapa; kiyakik akiru nakwap kec ŋina idau iyoŋ ainakin neni a ŋituŋa kon ikwapei akwap ŋina eruwor ŋina kec.

Esir 8:21

Abu nai ayoŋ olimu atemar kiredakinae akiron anaŋolol Aapa, emika ŋawat kosi alokiŋaren Akuj kosi ibore ŋini ecamito ka eŋita iŋes ikiyok isua analosit kosi kaapei ka ŋidwe kosi ka a ŋuna a ŋiboro a daadaŋ ŋulu ikiyakar isua,

Ŋikiru. 27:11

Okoe Ekapolon, kitatamae ayoŋ ŋuna icamit iyoŋ ayoŋ ewuap, kisiwuapae ayoŋ ŋuna iyookino alokiŋaren kon, anerae elalak ŋimoe kaŋ.

Ŋikiru. 86:11

Okoe Ekapolon, kitatamae ayoŋ ŋuna icamit iyoŋ ayoŋ etiya, ikotere arubakini ayoŋ ewuapit ŋakiro kon ŋuna a kire; inakinae ayoŋ akitopoloorit ekiro kon a etau kaŋ a daadaŋ,

Ŋakit. 3:6

Tocamunite Ekapolon alotooma daadaŋ ŋuna iwuapit iyoŋ, ikitoodikini Ekapolon iyoŋ erot ŋolo ejok.

Isa. 2:3

Epote ŋituŋa anakwapin nen, ido temasi, “Potu, emaikina iwon etipeiyosi lokamukumukut ŋolo ke Ekapolon, Kai ŋina ka Akuj a Yakob, ikotere Ekapolon ikitatam iwon ŋuna ebala kiwuapa, ido opedosi iwon akiwuap ŋuna ebala iŋes.” Anerae Sion iŋes elomuniata ŋikisila, Yerusalem iŋes elomunia akirot ke Ekapolon.

Yer. 6:16

Alimu Ekapolon ŋakiro nu, “Towua anakiryamiryamet a ŋirotin, ido kiŋolikis, kiŋita neni eya ŋirotin ŋuluŋorok, neni eyai erot ŋolo ajokan, ido tomekisi iŋes, iryamunete akieŋun ŋina a ŋitai kus ŋina a ajokan. Nai apotu ŋituŋa temasi, ‘Nyikimekini isua erot ŋol.’

Mika 4:2

Epote ŋituŋa anakwapin nen, ido temasi, “Potu, emaikina iwon etipeiyosi lokamukumukut ŋolo ke Ekapolon, Kai ŋina ka Akuj a Yakob, ikotere Ekapolon ikitatam iwon ŋuna ebala kiwuapa, ido opedosi iwon akiwuap ŋuna ebala iŋes; anerae Sion iŋes elomuniata ŋikisila, ido, Yerusalem iŋes elomunia akirot ke Ekapolon.”

Ŋikis. 5:26

anerae ituŋanan ani ŋinapei koloŋ abu kiira etoil ŋolo ka Akuj a ŋina eyari torubak eyari, lopite ŋolo eirarere isua?

Ŋikis. 5:29

Okoe kerae ca toyakatar ikes atametait ŋina ikoni ŋin, ŋina ka amina ayoŋ ka akiwuapit ŋakiciketa kaŋ daadaŋ jwi jwi, ikotere ejokyata ŋakiro aŋuna kec ka aŋuna a ŋidwe kec ŋikaru ka ŋikaru!