Yer. 41:10 - Ebaibul

¹⁰ Toriko nai Isimael ŋituŋa ŋuluce daadaŋ ŋulu aya Misipa, ŋidwe a erwosit ŋulupesur ka ŋituŋa daadaŋ ŋulu edoŋito Misipa ŋulu kebu Nebusaradan ekapolokiniton a ŋasigarya a Babilon kicikak neni a Gedalia alokoku a Aikam. Abu Isimael toriko ŋituŋa ŋul daadaŋ erae ŋirikon totuboror nakwap a Ŋiamoni.

Yer. 41:10 Iomraidhean Croise

Neem. 2:10

Ani iirarete Sanibalat ŋolo erae Eoranait ka Tobia ŋolo arae ekapolon a Ŋiamoni ŋakiro ŋun apotu ikes nyelakaros aŋuna ayenuniata atemar ebunit ituŋanan ice ayaun ajokis neni a Ŋisirael.

Neem. 2:19

Nai, ani iirarete Sanibalat ŋolo arae Eoranait ka Tobia ŋolo arae ekapolon a Ŋiamoni ka Gesem ŋolo abunit alo Arabia ŋakiro ŋun, apotu ikes itojamuwasi ka itokyanatar isua ebasi, “Anukiro nu ŋuna itiyaete iyes? Iŋero iyes erwosit a?”

Yer. 22:30

Alimu Ekapolon ebe, ‘Toyena ekile lo erae ituŋanan ŋini emam ŋidwe, ekile ŋolo nyepedori akisiyookin ŋadi anakiyar keŋ; anerae mam ikoku keŋ ebuni akipuka alokicoloŋ a Daudi kipuka nabo alo Yudaya.’ ”

Yer. 38:23

Erikoryo ŋaberu ka ŋidwe kon daadaŋ neni a Ŋibabiloniyae, nyibucar iyoŋ elope anapedor kec, nai ikikamari iyoŋ erwosit a Babilon, ido icunyaryo etaun lo.”

Yer. 39:6

Abu erwosit a Babilon toŋol ŋidwe a Sedekia ŋulusapa alo Ribila ite Sedekia, abu daŋ erwosit a Babilon toŋol ŋikapolok a akwap a Yudaya daadaŋ.

Yer. 40:14

Kiŋita ikes Gedalia temasi, “Iyeni mono iyoŋ atemar eyakuu Baalis erwosit a Ŋiamoni Isimael lokoku a Nesania akiar iyoŋ a?” Nai towou Gedalia lokoku ka Aikam akinup ŋakiro kec.

Yer. 40:7

Ani iirarete ŋikarikok a ŋajoresyo a Ŋiyudayan ka ŋasigarya kec ŋulu ariŋa eyakasi nariet ecamito akitiji Ŋibabiloniyae, atemar aseu erwosit a Babilon Gedalia lokoku ka Aikam aruwor ekepukan a akwap a Yudaya ka apolokin ŋikilyok, ŋaberu ka ŋidwe, ŋituŋa ŋulu akulyakaka anakwap kec ŋulu aponi nyerikor Babilon,