Yer. 40:7 - Ebaibul

⁷ Ani iirarete ŋikarikok a ŋajoresyo a Ŋiyudayan ka ŋasigarya kec ŋulu ariŋa eyakasi nariet ecamito akitiji Ŋibabiloniyae, atemar aseu erwosit a Babilon Gedalia lokoku ka Aikam aruwor ekepukan a akwap a Yudaya ka apolokin ŋikilyok, ŋaberu ka ŋidwe, ŋituŋa ŋulu akulyakaka anakwap kec ŋulu aponi nyerikor Babilon,

Yer. 40:7 Iomraidhean Croise

2 Ŋirw. 25:12

Nai abu iŋes kimyek ŋituŋa ŋice ŋulu akulyakaka nooi anakwap a ŋin aŋuna ka akitub ŋikito ŋulu ke epiini ka akitare ŋimanikorin.

2 Ŋirw. 25:4

Aponi topedoi arwatata ŋina ke etaun, ido toema erwosit ka ŋasigarya daadaŋ nakwaare, kitoro ikes lopuke ŋolo apedokinete ikes kidiŋ ŋarwatatain ŋuna edunyasi ka emanikor ŋolo ke erwosit, tari daŋ ŋina erikaunitotor Ŋibabiloniyae etaun. Apotu ikes toema lowae ŋolo ka Araba.

Yer. 39:10

Abu daŋ Nebusaradan ekapolokiniton a ŋasigarya a Babilon kimyek anakwap a Yudaya ŋituŋa ŋidi ŋulu akulyakaka ŋulu amam ŋiboro ayakatar, inak ikes ŋimanikorin a ŋikito a epiini ka ŋimanikorin a ŋikinyom daŋ.

Yer. 39:14

yaut Yeremia analapatu a ŋina eboiyoto ŋasigarya ŋuna eteete akai a erwosit. Apotu ŋul inakis Yeremia neni a Gadalia a lokoku ka Aikam a ŋolo arae lokoku a Sapan ikotere ya Yeremia lore keŋ. Aŋun, abu Yeremia kiboiyoto ka ŋituŋa keŋ.

Yer. 39:4

Ani iŋolikinete erwosit Sedekia ŋolo a Yudaya ka ŋasigarya a Yudaya daadaŋ ŋikapolok a erwosit a Babilon, apotu toema nakwaare alotaun, kitoro ikes lopuke ŋolo apedokinitoe kidiŋ ŋarwatatain ŋuna edunyasi ka emanikor ŋolo ke erwosit, tari daŋ ŋina erikaunitotor Ŋibabiloniyae etaun. Apotu ikes toema lowae ŋolo ka Araba.

Yer. 39:9

Tosodi abu Nebusaradan ekapolokiniton a ŋasigarya a Babilon toriko Babilon ŋituŋa daadaŋ ŋulu aya lotaun ŋulu apotu toriwo ka iŋes ka ŋituŋa ŋulu edoŋito lotaun.

Yer. 41:1

Ani edoli elap ŋolo a ŋikanikaarei, abu Isimael lokoku a Nesania a ŋolo arae lokoku a Elisama a ŋolo anateker a erwosit, epei a ŋikapolok a ŋulu epukatotor erwosit, abu iŋes torukut ka ŋikilyok ŋitomon neni a Gedalia alokoku ka Aikam potu Misipa. Apaki ŋina emujata ikes ŋamugati kaapei alo Misipa,

Yer. 41:10

Toriko nai Isimael ŋituŋa ŋuluce daadaŋ ŋulu aya Misipa, ŋidwe a erwosit ŋulupesur ka ŋituŋa daadaŋ ŋulu edoŋito Misipa ŋulu kebu Nebusaradan ekapolokiniton a ŋasigarya a Babilon kicikak neni a Gedalia alokoku a Aikam. Abu Isimael toriko ŋituŋa ŋul daadaŋ erae ŋirikon totuboror nakwap a Ŋiamoni.

Yer. 41:11

Nai ani iirarete Yonasan lokoku a Karea ka ŋikarikok a ŋajoresyo ŋulu arukitotor iŋes ŋakiro daadaŋ ŋuna kebu Isimael lokoku a Nesania kitiya,

Yer. 43:6

ŋituŋa ŋulu ikes ŋikilyok, ŋaberu, ŋidwe, ŋidwe a erwosit ŋulupesur ka ŋituŋa daadaŋ ŋulu abu Nebusaradan ekapolokiniton a ŋasigarya a Babilon kimyek ka Gedalia lokoku ka Aikam a ŋolo arae lokoku a Sepan, yaasi tari ekadwaran Yeremia ka Baruk lokoku a Neria.

Yer. 52:16

Nai abu iŋes kimyek ŋituŋa ŋice ŋulu akulyakakaka nooi anakwap a ŋin aŋuna ka akitub ŋikito ŋulu ke epiini ka akitare ŋimanikorin.

Esek. 45:16

Emaikina ŋituŋa daadaŋ anakwap a Isirael yaut kaapei ka ekepukan ŋainakineta.