Yer. 40:11 - Ebaibul

¹¹ Ikwaŋinapei ani iirarete Ŋiyudayan ŋulu aya Moab ka nakwap a Ŋiamoni ŋulu aya Edom ta nakwapin ŋunace atemar emyek erwosit a Babilon ŋipiya a ŋituŋa alo Yudaya ka aseu Gedalia lokoku ka Aikam a ŋolo arae lokoku a Sapan akipuka ŋituŋa ŋul,

Yer. 40:11 Iomraidhean Croise

Akisy. 36:8

Aŋun, abu Esau tolomiya nakwap ŋina a ŋikamukumukui ŋina enyaritae Seir.

Isa. 11:14

Nai iuwuarosi ikes kwap lowae ŋolo alo To toremo Ŋipilistin, eŋatarete ikes kaapei ŋiboro a ŋituŋa a ŋulu alo Kide. Eremete ikes ka kilout ŋituŋa a Edom ka Moab, iwuapete ŋituŋa ka Amon ŋakiro kec

Isa. 16:4

Kimyekinae isua ŋirikuno anakwap a Moab kiboikinetei kaapei ka iyes, kiboikinetei ikirae ŋikadounok aneni a ekamunyaran.” Ani etwani ekesicanan, edaun ŋinyas ka edaun ekesicanan anakwap,

Yer. 24:9

Eturuwori ayoŋ ikes ŋulu inyasuna, ibore ŋini aronon alotuŋa a ŋakwapin a daadaŋ, ŋulu nyejokak, ŋulu irworore, ŋulu eŋoito ka ŋulu icenen anakiboisyo a daadaŋ a ŋuna eritari ayoŋ ikes,

Yer. 41:10

Toriko nai Isimael ŋituŋa ŋuluce daadaŋ ŋulu aya Misipa, ŋidwe a erwosit ŋulupesur ka ŋituŋa daadaŋ ŋulu edoŋito Misipa ŋulu kebu Nebusaradan ekapolokiniton a ŋasigarya a Babilon kicikak neni a Gedalia alokoku a Aikam. Abu Isimael toriko ŋituŋa ŋul daadaŋ erae ŋirikon totuboror nakwap a Ŋiamoni.

Yer. 43:5

Nai abu Yoanan kaapei ka ŋikapolokinitok a ŋajoresyo yaasi ŋipiya a ŋituŋa a Yudaya daadaŋ ŋulu apotu toboŋut akiboi anakwap a Yudaya anakwapin a daadaŋ a ŋuna sek aponi ikes kielarae,

Yer. 43:6

ŋituŋa ŋulu ikes ŋikilyok, ŋaberu, ŋidwe, ŋidwe a erwosit ŋulupesur ka ŋituŋa daadaŋ ŋulu abu Nebusaradan ekapolokiniton a ŋasigarya a Babilon kimyek ka Gedalia lokoku ka Aikam a ŋolo arae lokoku a Sepan, yaasi tari ekadwaran Yeremia ka Baruk lokoku a Neria.

Yer. 9:26

Ŋituŋa a Ejipit, a Yudaya, a Edom, Ŋiamoni, ŋituŋa a Moab ka daadaŋ ŋulu iboiyete analoŋisat anakiboisyo a ŋuna alwanak, anerae mam kire jik nyileŋeritae ŋituŋa ŋul daadaŋ ka ŋituŋa a Isirael daŋ mam nyiwuapito acamunet kaŋ.”

Esek. 25:12

“Alimu Ekapolon Akuj atemar, aŋuna aponiata ŋituŋa a Edom kitiyata anyaŋan lotuŋa a Yudaya, ido iilit ikes aŋuna ka asecit a ŋin,

Esek. 25:2

“Lokoku a ituŋanan, kiŋoliya lowae ŋolo eya Ŋiamoni, ido todwar ŋakiro nu neni kec itoroniyarit ikes.

Esek. 25:6

Irworo Ekapolon Akuj ŋakiro nu, atemar, aŋuna iponiata iyes kibapibapata ŋakan kus ka toramanakis ŋakejen kus kwap ilelyanete aŋuna a ŋinyas a daadaŋ a ŋulu eya lotai kus a ŋulu imanitotor akwap a Isirael,

Esek. 25:8

“Alimu Ekapolon Akuj atemar, aŋuna aponiata ŋituŋa a Moab tolimut ebe, ‘Kiŋolikisi, ekwaanikin ŋituŋa a Yudaya ka ŋulu a ŋakwapin a ŋunace,’

Esek. 34:6

Apotu ŋamesekin kaŋ kielaros, apotu kitwaŋata alokidiama ŋikamukumukui daadaŋ ka anawaetin a ŋikamukumukui a daadaŋ a ŋulu aoyak, apotu ŋamesekin kielaros nakwap daadaŋ, todaun ituŋanan iwarari, kori iŋitanari neni eya.

Esek. 35:15

lopite ŋolopei ibunio iyoŋ tolelyan aŋuna abunio akwap a Ŋisirael toruwor akoŋinait, aŋun, etiyakini ayoŋ neni kon ŋuna ikitisilunete iyoŋ. Iruwor iyoŋ ekoŋinait, iyoŋ emoru Seir ka akwap a Edom daadaŋ. Eyenunete nai ŋituŋa daadaŋ atemar arae ayoŋ Ekapolon.”

Esek. 35:5

Aŋuna ibunio iyoŋ toruwor emoit ŋolo ibu tonipo Ŋisirael a ŋinapaki, kielak ikes lokileŋ toarae apaki ŋina aponiata ŋican kec toroketa nooi adepar neni sek;

Esek. 5:12

Atutubet kus apei alotooma ŋauni, emunyari edeke, kori emunyari eron alokidiŋ kus; atutubet ŋina a ŋaarei alotooma ŋauni, earakinio kiŋa ŋarwatatain a etaun kus ka atutubet ŋina a ŋauni alotooma ŋauni, eelari ayoŋ nariet, ido etutupak ikes ekileŋ kaŋ.

Esek. 5:3

Nai tolemu ŋitim ŋul ŋidi kimiidyanak nawaetin a ekaaso kon.

Ekim. 22:1

Towotokis Ŋisirael a nen, tolomiyasi nadipoe a Moab, ekekwaye Yorodan alowae a ŋolo a Yeriko.

Ekim. 25:1

Ani eriŋa Ŋisirael elomito Sitim, kisyakis ŋikilyok a Ŋisirael akiryamanakin ka ŋaberu ŋuna arae Ŋamoabi.

Ekim. 25:2

Apotu ŋaberu ŋun torikokis Ŋisirael akitiya ŋamuronisya neni a ŋakujo a Ŋimoabi, kisyakis Ŋisirael akimuj ka akilip neni a ŋakujo a Ŋimoabi.

1 Sam. 11:1

Kelunyar apaki ŋina aapiyarit elap epei, abu Naas erwosit ŋolo a Ŋiamoni tolot akirikaun Yabes-Gilead. Kimaimaa ŋikilyok ŋulu aya Yabes-Gilead Naas temasi, “Ocamunos kare ca ka isua, ido eruworoe isua ŋiketiyak kon.”

1 Sam. 12:12

Nai ani iŋolikinete iyes erwosit Naas ŋolo a Ŋiamoni ebuni akirem iyes, ipotu iyes toŋero Ekapolon aruwor erwosit kus, ido itemasi neni keŋ, ‘Itemokino ikipuka isua erwosit.’