Yer. 4:7 - Ebaibul

⁷ Elomunit anakibois keŋ ekenyasunan ŋakwapin lopite ŋolo elomunia eŋatuny anamoni, aloma iŋes anakibois keŋ akituruwor akwap kus acaryoit; eruwor ŋitaunio kus ŋulu inyasunitae, ŋulu emam ŋituŋa iboiyoto.

Yer. 4:7 Iomraidhean Croise

2 Ŋirw. 24:1

Alokaru a ŋulu epukator Yeoiakim akwap a Yudaya, abu Nebukadinesar erwosit a Babilon, kikama akwap a Yudaya toruwor Yeoiakim eketiyan keŋ ŋikaru ŋiuni. Nai abu Yeoiakim toŋer Nebukadinesar akipuka iŋes.

2 Ŋirw. 25:1

Alokaru a ŋolo a ŋikanikaomwon elap ŋolo a ŋitomon ŋirwa ke elap ŋitomon ipukat Sedekia, abu erwosit a Babilon ŋolo anyaritae Nebukadinesar toloto ka ŋasigarya keŋ daadaŋ akirikaun Yerusalem. Apotu ikes torekinos kiŋa etaun, toduko ŋadoketa kisiryama kiŋa etaun.

Isa. 1:7

Aruwor akwap kus ekasile, anomiya akim ŋitaunio kus, aŋatasi ŋituŋa ŋulugelae akwap kus iteete iyes, aruwor akwap kus ekasile, anomiya akim ŋitaunio kus.

Isa. 5:9

Eira ayoŋ Ekapolon ŋolo a ŋajoresyo ikoŋi ebala, “Kire jik, imyekinio ŋakais ŋuna alalak toruworos ŋireŋoroto, emamukaun ŋituŋa anakais a ŋun a ŋuna alolomak ka kibusak.

Isa. 6:11

Abu nai ayoŋ eŋit iŋes otema, “Okoe Ekapolon, tari ori itiyasi ŋun?” Okoboŋok iŋes ayoŋ tema, “Tari ŋina eruworotor ŋitaunio kec ŋireŋoroto, todaun ŋituŋa iboiyete alotooma kec ka tooma ŋakais kec daŋ, tomamukaun ŋituŋa iboiyete, ido toruwor akwap kec ekasile nooi.

Yer. 2:15

Erurumata ŋimoe kec neni kec esibito ŋiŋatunyo, erurumata ŋimoe kec ecelasi nooi. Eturuwosi akwap a Ŋisirael acaryoit, enyasun ŋitaunio kec, mam ituŋanan iboi alotooma kec.

Yer. 22:6

Irworo Ekapolon ŋakiro nu aŋuna a akai a apukan a erwosit a Yudaya ebala, “Ikwaan iyoŋ aneni kaŋ ka Gilead, ikwaan iyoŋ ka aita a emoru Lebanon. Nai, ekoŋi ayoŋ atemar eketuruwori ayoŋ iyoŋ aloŋisat, etaun ŋolo emam ŋituŋa iboiyoto.

Yer. 22:7

Etemokini ayoŋ ŋituŋa ŋulu epote akinyasun iyoŋ, ayauni ayoŋ ikes daadaŋ eyakatar ŋiboro kec ŋulujiet, etubutubokinete ikes kwap ŋikito kon ŋulu a Cedar kimasakis nakim.

Yer. 25:38

Emyek Ekapolon akibois keŋ, lopite ŋolo imyekinia eŋatuny adui keŋ, anerae aruwor akwap a ŋituŋa keŋ acaryoit aŋuna a aryenyeo a ŋituŋa a ŋulu amunyasi ŋituŋa keŋ ka aŋuna a aŋoit keŋ a ŋina aryenyaanan.

Yer. 25:9

Anyarauni ayoŋ ŋituŋa a ŋikabilae a ŋulu a lo Kuju ka a eketiyan kaŋ Nebukadinesar ŋolo a Babilon, ayauni ayoŋ ikes kitijioto akwap na anyarauni ayoŋ ikes kitijioto ŋituŋa a Yudaya ka ŋituŋa a ŋakwapin a daadaŋ a ŋuna idunyatar ikes. Amunyari ayoŋ ikes jik, eturuwo ikes ŋulu ebulit ka ŋulu irumito ŋileec ta ŋulu inyasuna ŋikaru ka ŋikaru.

Yer. 26:9

Kaanukiro idwarya iyoŋ alokiro ke Ekapolon atemar ikwaanikin Akai na ka Silo ka eruwor etaun lo ereŋorot ŋolo emam ŋituŋa iboiyete alotooma?” Tosodi apotu ŋituŋa daadaŋ tocunun, kirimokis Yeremia kidiŋ alo Kai ka Akuj.

Yer. 27:8

“Nai ani kewou akwap adio, kori apukan adio akitiyanakin erwosit Nebukadinesar ŋolo a Babilon, kori nyecamu akidaŋidaŋ ŋakiro keŋ, esicani ayoŋ akwap ŋin a ejie, a eron ka a edeke tari ŋina amunyarya ayoŋ akwap ŋin a apedor a Nebukadinesar.

Yer. 33:10

“Alimu Ekapolon atemar, anakibois a na a ŋina irworotor iyes ibasi, ‘Erae ereŋorot neni emam ŋituŋa ka ŋityaŋ’ alotaunio a Yudaya ka lorotin a Yerusalem a ŋulu tokona esilok, a ŋulu emam ŋituŋa, kori ŋityaŋ eya, iiraryo nabo,

Yer. 34:22

Alimokini ayoŋ ikes toboŋut lotaun lo, itijikinete ikes ŋituŋa a etaun a lo, ido kikamasi etaun ka kicunyakis a akim. Eturuwori ayoŋ ŋitaunio a Yudaya ŋireŋoroto, neni emam ŋituŋa eya.”

Yer. 4:29

“Ani iiraryo eruye a ŋikametok ŋaŋolei ka ŋolo a ŋulu etiŋito ŋikaleŋeleŋe, esurosi ŋituŋa alotaunio a daadaŋ, elomarete ŋituŋa namon; edokarete ikes natabab; imyekinete ŋituŋa ŋitaunio daadaŋ, mam ŋini erubakini iboi alotaun a edio.

Yer. 44:2

Tema Yeremia, “Alimu Ekapolon ŋolo a ŋajoresyo, Akuj a Ŋisirael ebe, ‘Iŋolikis iyes ŋilopeyek ŋican ŋulu abu ayoŋ oyau neni a ŋituŋa a Yerusalem ka lotuŋa ŋulu a ŋitaunio a Yudaya a daadaŋ. Kiŋolikisi ŋakiboisyo ŋun tokona, erae ŋireŋoroto, mam ituŋanan iboi alotooma kec,

Yer. 46:18

Ayoŋ Ekapolon, erwosit ŋolo a ŋajoresyo alimu ebe, ‘Ikwapei ayarya ayoŋ, ebunit ipei ŋini ikwaan ka emoru Tabor alokidiŋ ŋimoru ka ŋini ikwaan ka emoru Karimel alodiyete anam.’

Yer. 49:19

Lopite ŋolo elomunia eŋatuny anamoni a Yorodan toloma neni edakasi ŋibaren, abuni ayoŋ neni a Ŋiedomi erita ikes pa etenito, ido aseuni ayoŋ ŋini acamit ayoŋ kipuka akwap kec. Ŋae ikikwaan ka ayoŋ? Ŋae epedori akisitakin ayoŋ? Alikepukan epedori akitijiore ayoŋ?

Yer. 5:6

Aŋun, eari eŋatuny ŋolo ebunit anamoni ikes, emunyari epeot ŋolo ebunit analoŋisat ikes. ite eris ŋitaunio kec eremokino; ituŋanan daadaŋ ŋini elomuni kiŋa alotaunio kec, enyilinyiliyaryo, anerae elalak ŋasecisya kec ka epol nooi epite ŋolo aŋeryoto ikes akiwuap ŋuna ebookoi.

Yer. 50:17

“Ikwaan ŋituŋa a Isirael ka ŋamesekin ŋuna irisito ŋiŋatunyo. Ekiŋaren abu erwosit ka Asiriya toar ikes, ido ekaku amunya ikes erwosit Nebukadinesar ŋolo a Babilon.

Yer. 50:44

“Lopite ŋolo elomunia eŋatuny anamoni a Yorodan, toloma neni a ŋibaren, abuni ayoŋ neni a Ŋibabiloniyae erita ikes alo Babilon, ido aseuni ayoŋ ŋini ecamit kipuka iŋes. Ŋae ikwaan ka ayoŋ? Ŋae epedori akisitakin ayoŋ? Alikepukan epedori akitijiore ayoŋ?”

Yer. 8:16

“‘Epupyo iwon eruye a ŋaŋolei a ŋimoe a lotaun a Dan epupyo iwon ŋaŋolei kec erubakinito irukosi, ido amaraniki akwap daadaŋ. Eponito ŋimoe yok akinyasun akwap ka amunyar ŋinibore daadaŋ eyai tooma keŋ, eponito ikes akinyasun etaun yok ka ŋituŋa daadaŋ ŋulu iboiyete a nen.’

Yer. 9:11

Eturuwori ayoŋ Yerusalem neni etukotor ŋamoru ŋuna eritakinitae kwap, eturuwori iŋes neni eperyoto ŋikweei; ka eturuwori ŋitaunio a Yudaya ŋireŋoroto, neni emam ŋituŋa iboiyete alotooma kec.”

Esek. 12:20

Eruwor ŋitaunio ŋulu tokona eyakasi ŋituŋa ŋireŋoroto koŋin ka esiluni akwap, ido iyenunete iyes atemar arae ayoŋ Ekapolon.’ ”

Esek. 21:31

Abukuni ayoŋ neni kus anyunyura ka akakutakini ayoŋ iyes anyunyura ŋina amwanan pe. Ekepotokini ayoŋ iyes nakan a ŋiryenyaanotin a ŋulu eyenete nooi epite ŋolomunaaret.

Esek. 32:2

“Lokoku a ituŋanan, kiololo aŋuna a Parao a erwosit a Ijipit, tolimok iŋes ebe, ‘Itami iyoŋ atemar igogoŋ iyoŋ anakwapin nooi ikwaan ka eŋatuny, nai ikwaan iyoŋ ka epiu koŋin ŋolo eperi anakipi a ŋanamyo; ibelibelo iyoŋ anakipi a ŋayona kon, imunae iyoŋ ŋakipi a ŋakejen kon toruwor ecoto ka itobos ŋakipi a ŋayona kon.

Dan. 5:19

aŋuna ka arwonu a ŋina ainit Akuj iŋes, abu tobul ka apotu tokera iŋes ŋituŋa daadaŋ ŋulu irworosi ŋaŋajepa ŋuna egelegelya. Abu iŋes toar ŋulu acamit akiar, kimyek eyarete ŋulu acamit iŋes akimyekin eyarete, kitopoloo ŋulu acamit iŋes akitopoloor ka tolema apolou aneni a ŋulu acamit iŋes alemar apolou.

Dan. 7:4

Ekwaan ŋolo esyaunan ka eŋatuny nai ayakar ŋabebenuk ŋuna ekwaan ka ŋuna a egole, ani eriŋa ayoŋ etee iŋes, eŋolik ŋabebenuk keŋ edotoryo anakuwan keŋ, kitonyounoe etyaŋ alokwap ido kimyekinae towo a ŋakejen a ŋaarei esibit ituŋanan ka aponi inakinae iŋes ŋatameta ŋuna a ituŋanan.

Ŋilep. 26:31

Eturuwori ayoŋ ŋitaunio kus ŋireŋoroto, eruwor ŋakiboisyo kus ŋuna sek ilipyata iyes ŋuna esilok, ido nyakabobokini nabo ayoŋ eure a ŋainakineta kus a ŋuna epeyo

Ŋilep. 26:33

Ekeelari ayoŋ iyes nakwapin, ido eturubakini ayoŋ ŋimoe ikiwuapito iyes. Idoŋi akwap kus erae ŋina asilon ka eruwor ŋitaunio kus ŋireŋoroto.