Yer. 4:6 - Ebaibul

⁶ Tododasi abendera Sion toema, ikotere iunosi, nyididyoto, anerae ayaunit ayoŋ aronis alo Kuju ka akinyasuno ŋina alalan nooi.

Yer. 4:6 Iomraidhean Croise

Isa. 62:10

“Tolomasi alopukei, tosubakisi erot aŋuna a ŋituŋa kus, kitemokisi, kitemokisi erukude, tolemasi ŋamoru a nen, kikyaasi abendera kiŋolikis ŋituŋa a ŋakwapin.

Yer. 10:22

Kiirasi ecelet! Topupokisi, ebunit, ebunit egurigur ŋolo apolon anakwap a ŋina alo Kuju; ebunit iŋes akituruwor ŋitaunio a Yudaya daadaŋ ŋireŋoroto, akituruwor nen neni iboiyoto ŋikweei.

Yer. 18:11

Aŋun tokona, tolimok ŋituŋa a Yudaya ka ŋulu iboiyete alo Yerusalem ebe, ‘Alimu Ekapolon atemar, kiirasi, ikikwaan ayoŋ ka ekayan ŋamoti, aye ayoŋ akisicanet aŋuna kus ka etemonokini ŋuna ekemania iyes. Tokona kilocokisi iyes daadaŋ ŋipitesyo kus ŋulu aronok ka kitojokutu ŋipitesyo kus ka ŋiticisyo kus.’ ”

Yer. 21:7

Ekaku, ainakini ayoŋ erwosit Sedekia kaapei ka ŋiketiyak keŋ ka ŋituŋa ŋulu a etaun a lo ŋulu epuun alodeke, alokileŋ ka anakoro napedor a erwosit Nebukadinesar a ŋolo a Babilon, ainakini ayoŋ ikes napedor a ŋimoe kec ka napedor a ŋulu iwarito akiar ikes. Eari Nebukadinesar ikes a ekileŋ, nyisyoni iŋes ikes, kori nyimyekini ikes, kori nyiŋarakini ikes.’

Yer. 22:7

Etemokini ayoŋ ŋituŋa ŋulu epote akinyasun iyoŋ, ayauni ayoŋ ikes daadaŋ eyakatar ŋiboro kec ŋulujiet, etubutubokinete ikes kwap ŋikito kon ŋulu a Cedar kimasakis nakim.

Yer. 25:9

Anyarauni ayoŋ ŋituŋa a ŋikabilae a ŋulu a lo Kuju ka a eketiyan kaŋ Nebukadinesar ŋolo a Babilon, ayauni ayoŋ ikes kitijioto akwap na anyarauni ayoŋ ikes kitijioto ŋituŋa a Yudaya ka ŋituŋa a ŋakwapin a daadaŋ a ŋuna idunyatar ikes. Amunyari ayoŋ ikes jik, eturuwo ikes ŋulu ebulit ka ŋulu irumito ŋileec ta ŋulu inyasuna ŋikaru ka ŋikaru.

Yer. 4:21

Tari ori ete ayoŋ abendera ka apupi eruye amomwara a emesek?

Yer. 50:2

“Tolimosi anakwapin a daadaŋ ka kiserata, kikyaasi abendera ka kiserata, nyimunono ŋakiro nu, temasi iyes, ‘Ekamar Babilon, esirumi Bel ŋileec, akadaki Merodak. Esirumi ŋitorubei a ŋakujo kec ŋileec, akadaki ŋakujo kec.’

Yer. 50:22

Epupyo ecelet a ejie anakwap, eyai akinyasuno ŋina apolon.

Yer. 51:12

Kikyasii abendera ŋina itijikinere Babilon, ŋina ebwaŋere ŋarwatatain keŋ. Kitogogoŋo ŋulu iyokiyete akwap, kiwuakisi ŋikererok kitemonokis ŋikadapitok, anerae abu Ekapolon toyeu ka esiyook, ŋakiro ŋuna alimunit iŋes aŋuna a Babilon.

Yer. 51:27

Kikiasi abendera anakwap, tokutakisi amomwara a amesek alokidiŋ ŋakwapin, kitemokisi ŋituŋa a ŋakwapin aŋuna ka akitijikin Babilon, tonyarautu aŋuna keŋ ŋituŋa a ŋapukasinei a nu: Ararat, Mini ka Asikenas. Toseutu aŋuna keŋ ekarikon a ŋajorei; tocunutu aŋuna keŋ ŋaŋolei ŋuna alalak ŋuna etya emaase.

Yer. 51:54

“Kiirasi, eyai akigworo Babilon! Eyai akiyaloloŋ ŋina apolon aŋuna enyasunere akwap a Ŋibabiloniyae!

Yer. 6:1

Okoe ŋituŋa a Benjamin toema ikotere iunosi, toema alotooma Yerusalem! Tokutakisi amomwara a emesek alo Tekoa ka kikyaasi alo Bes-Akerem ibore ŋini itoodikini ŋituŋa atemar totena, anerae ebunit aronis alo Kuju ileere nooi, ebunit akinyasuno ŋina apolon nooi.

Yer. 6:22

“Kiirasi, eponito ŋituŋa anakwap a ŋina alo Kuju, ecunasi ŋituŋa a ŋakiboisyo a ŋuna alwanak nooi anakwap.

Esek. 9:1

Abu Akuj okonyar ayoŋ a etoil a ŋolo acela nooi tema, “Toapuutu laalo iyes ŋikilyok ŋulu elosete akisican etaun, emaikina ŋolokile eyakar ibore ŋini inyasunia etaun.”

Esek. 9:2

Apotu nai ŋikilyok ŋikanikapei potu alowae a ŋolo a epuke a ŋolo ayai neni amukur alowae a ŋolo alo Kuju Akai ka Akuj. Ayakar ŋolokile ibore ŋiniaaret, arukito ŋikilyok ŋul ka ekile ŋolo anapit ŋilowi ŋulu amilimilak, toyakar nawae keŋ ibore ŋini aya ŋiboro ŋulukigiret. Apotu ikes tolomasi tooma towua alodiyete namuroet ŋina etiyaunitae ke eburonis.

Sepan. 1:10

“Akoloŋit ŋin, iiraryo akigworo alopuke a ŋolo a ŋikolya ka akiwolol anakibois a ŋina kitete alotaun ka abilibiliunun ŋina ireta alokamukumukui.

Sakar 6:6

Ŋolo eyakar ŋaŋolei ŋunakiryonok, elosi nakwap ŋina alo Kuju, ŋolo eyakar ŋaŋolei ŋuna akwaŋak, elosi nakwap ŋina alo To, ido ŋolo eyakar ŋaŋolei ŋunameriyek-pusiyek, elosi nakwap ŋina alokwap.”