Yer. 4:4 - Ebaibul

⁴ Okoe ŋituŋa a Yudaya ka ŋulu iboiyete alo Yerusalem, kiricakisi acamunet kus ka ayoŋ Ekapolon kus, kitaleutu ŋawat kus aŋuna kaŋ. Ani pa kitiyata iyes ŋun, ebuni anyunyura kaŋ neni kus erirae ikwa akim, enomiyari ibore daadaŋ ka emam ituŋanan ituduŋe iŋes, itiyakinosi ŋun aŋuna ka aronis a ŋina itiyaete iyes.”

Yer. 4:4 Iomraidhean Croise

2 Ŋakiro a ŋirwa 34:25

Aŋuna akaŋeryoto ikes ayoŋ ka aŋuna ainakiniata ŋainakineta neni a ŋakujo a ŋace, adaut ikes akitoŋo ayoŋ nooi aloticisyo a daadaŋ a ŋulu itiyaete ikes. Aŋun, eyatakin aŋoit kaŋ nooi aŋuna a ŋituŋa a akibois a na, ido nyedaun aŋoit kaŋ jik.’

Isa. 10:17

Eruwor Akuj ŋina erae akica a Isirael akim, eruwor Akuj ŋina asegan ŋina a Ŋisirael arira a akim ka enomiyari ŋikukwa keŋ alotooma akoloŋit apei.

Isa. 30:33

Itemokinitoe sek ka aŋorot akibois, itemokinitoe akibois ŋin aŋuna a erwosit ka Asiriya. Ecukul ka elapat neni inokakinitae akim ŋin ka elal akim a nen ka elalak ŋakito. Ekieŋanu a Ekapolon itule akim ŋin torirau ikwa apetoron.

Isa. 51:17

Okoe ŋituŋa a Yerusalem, tonyoutu, tonyoutu! Iyes ŋulu adau Ekapolon akisican anaŋoit keŋ, iyes ŋulu idaut alomar nooi locan ŋulu einakinete ituŋanan akiteritero.

Yer. 15:14

Eketuruwori ayoŋ iyes ŋiketiyak a ŋimoe kus anakwap a ŋina nyiyenete iyes, anerae erirae aŋoit kaŋ ikwaan ka akim ŋina erirae ŋikaru ka ŋikaru.”

Yer. 21:12

Okoe ŋituŋa a ekal a Daudi; alimu Ekapolon ebe, ‘Kitiyata ŋuna iyookino a ŋinataparacu, toiutu ŋulu edemaritae ŋiboro kec, toiutu ikes anapedor a ŋulu isicanete ikes; ani pa kitiyata iyes ŋun, erirauni anyunyura kaŋ ikwa akim, ido ikinomiya, emam ituŋanan ŋini ituduŋe aŋoit kaŋ aŋuna a ŋiticisyo kus a ŋulu aronok.’ ”

Yer. 21:5

Ayoŋ elope eketiji iyoŋ a agogoŋ kaŋ ka apedor kaŋ, anaŋoit, anadedeŋu ka ananyunyura a ŋina apolon.

Yer. 23:19

Kiŋolikisi, ebunit aŋoit a Ekapolon, ebunit anyunyura, ebunit egogoŋ ikwa ekuwuam ŋolo agogoŋon, emini aŋoit a Ekapolon neni a ŋulu itiyaete ŋuna aronok.

Yer. 36:7

Acepaki edoli adyekitoi kec neni ke Ekapolon ka imyekinete ikes akiwuapit ŋuna aronok, anerae epol nooi aŋoit ke Ekapolon ka anyunyura keŋ ŋina alimu iŋes eremokino ŋul.”

Yer. 44:22

Abu Ekapolon nyepedo akidaŋidaŋ ŋiticisyo kus ŋulu aronok, asiilyo ŋina ipotu iyes kitiyata, aŋun, abu akwap kus toruwor ereŋorot, acaryoit ka ŋina a ŋicen tomamukaun ituŋanan eyai lopite ŋolo eyakar tari nakoloŋit na.

Yer. 9:25

Kire jik, eponito ŋirwa ŋulu esicania ayoŋ ŋituŋa ŋulu ileŋeritae lu:

Yer. 9:26

Ŋituŋa a Ejipit, a Yudaya, a Edom, Ŋiamoni, ŋituŋa a Moab ka daadaŋ ŋulu iboiyete analoŋisat anakiboisyo a ŋuna alwanak, anerae mam kire jik nyileŋeritae ŋituŋa ŋul daadaŋ ka ŋituŋa a Isirael daŋ mam nyiwuapito acamunet kaŋ.”

Aum. 4:11

Abu Ekapolon toŋo nooi, tonyunyur eryenyaana nooi; kinokak akim Sion ŋina abu tonyamuwa etaun tari neni isyakinitotor ŋaduketa.

Esek. 16:38

Akatubokini ayoŋ iyoŋ lopite ŋolo etubonokinere ŋaberu ŋuna elomito ka ŋuna adaut akiar ŋituŋa. Ayauni ayoŋ ananyunyura ka analilit kaŋ anyaŋan neni kon okoar iyoŋ.

Esek. 18:31

Togatasi aneni kus aronis daadaŋ ŋina idaut iyes akitiya, toryamutu akiyar ŋina kitete ka ŋatameta ŋunakiet. Okoe Ŋisirael, kaanukiro icamitotor iyes atwakare?

Esek. 20:33

Alimu Ekapolon Akuj ebe, “Ikwapei kire jik ayarya ayoŋ, ekepukae ayoŋ iyes a apedor kaŋ a ŋina apolon ka ewuakini ayoŋ agogoŋu kaŋ daadaŋ neni kus alotooma anyunyura.

Esek. 21:17

Ayoŋ daŋ aramakini ŋakan kaŋ, todaun nai aŋoit aneni kaŋ. Ayoŋ Ekapolon alimu ŋun.”

Esek. 24:13

Ani eketaleuni ayoŋ iyoŋ analeeco kon a ŋina abosan, ibu iyoŋ nyitaleun anabosis kon a ŋin; mam nabo nyikitaleunio iyoŋ jik akitodol ŋina etemokinio ayoŋ ŋuna akaŋoikinitor iyoŋ.

Esek. 24:8

Aŋuna ka ainakin ayoŋ onyunyurikin nooi enyaŋa ŋituŋa ŋulu apotu ikes toara, eperikini ayoŋ ŋawat a ŋituŋa a Yerusalem natabab nenilapat, ikotere ŋalup nyerapuwasi ŋawat ŋun.

Esek. 44:7

Ŋace ŋuna iatakis iyes nasiilyo kus ikes nu, iyaut iyes nakibois kaŋ ŋina asegan ŋituŋa ŋulugelaanotin ŋulu nyileŋeritae, ŋituŋa ŋulu nyekewuapito ayoŋ, elomete ŋituŋa ŋul akiyany Akai ka Akuj eriŋa iyes iyaunito neni kaŋ akimuj kaŋ, asepwae ka ŋaokot a ŋainakineta. Iŋero iyes acamunet kaŋ ka iyes anakitiya asiilyo kus ŋin daadaŋ.

Esek. 6:12

Eari edeke ikes ŋulu iboiyete aneni alwanan ka emunyaryo a ekileŋ ikes ŋulu iboiyete anepei a ne, ido ŋulu idoŋete ŋulu imyekinio nyear ekileŋ, kori edeke, eari akoro. Epite ŋol iŋes iŋolikiniata ikes anyunyura kaŋ aŋuna kec.

Esek. 8:18

Aŋun, anyunyurikin ayoŋ ikes, nyacamuni ayoŋ akiŋolikin ikes, mam tari nyesyoni ayoŋ ikes; tari kigworo ikes neni kaŋ opupi ayoŋ ikes iworoete nooi, nyapupokini ayoŋ ŋakiro kec.”

Ŋilep. 26:28

arubakini akoŋoikinit iyes nooi alotooma anyunyura kaŋ, ayoŋ alope ekesicani iyes, ekesicani iyes nooi ŋakisicanet ŋace ŋakanikaarei aŋuna a ŋasecisya kus.

Ŋilep. 26:41

ido abu ayoŋ daŋ oŋer ikes eela nakwapin a ŋimoe kec; ani nai kitiditeuna ikes tokona alotai kec; kekiito ŋasecisya kec,

Amos 5:6

Toboŋutu neni ke Ekapolon ikotere toyara, ani pa kiboŋut iyes neni keŋ, ebuni iŋes neni a ŋiletok a Yosepu erirae aŋoit ikwa akim, emunaari iŋes Besel, mam ituŋanan ŋini iretakini aŋoit keŋ.

Sepan. 2:2

tocununos eriŋa iyes nyiritara nariet ikwa ŋikabinin ŋulu ekutarit ekuwuam, eriŋa nyedoluno neni kus anyunyura ŋina aronon ŋina ke Ekapolon. eriŋa nyedoluno neni kus akoloŋit ŋina ka anyunyura ke Ekapolon.

Ŋirom. 2:25

Ani kiwuap iyes ŋuna ebasi Ŋikisila, nyeruwor akileŋeryo kus akoŋinait. Nai ani pa kiwuap iyes ŋuna ebasi Ŋikisila, eruwor akileŋeryo kus akoŋinait.

Ŋikis. 10:16

Aŋun tokona, kilocokisi ŋipitesyo kus, tojoŋoto jik arakau ŋituŋa ŋulu egogoŋ ŋakyes;

Ŋikis. 30:6

“Nabo daŋ, ikiinakini Ekapolon iyes ka ŋiletok kus ŋitai ŋulu iwuapito ŋakiro keŋ, ikotere iminakinete iyes Ekapolon Akuj kus a ŋitai kus a daadaŋ ka a akiyar kus a daadaŋ ka toyara.

Ŋikis. 32:22

Enokuni aŋoit kaŋ esibit akim, todol aŋoit kaŋ tari nakibois a ŋikatwak, emwana esibit akim emunyari aŋoit kaŋ akwap ka ibore daadaŋ ŋini eyai nakwap edoli aŋoit kaŋ tari nakisyakinet a ŋimoru.

Ŋikol. 2:11

Anakimorikina ka Kristo, iruworosi tokona iyes ŋulu ikileŋeritae; meere ka akileŋeryo a ŋina itiyaete ŋituŋa, nai ka akileŋeryo a ŋina etiyae Kristo, ŋina ikilacakinit iyes anapedor a ŋina ke ekuwane a ŋolo ka aseconu.