Yer. 4:28 - Ebaibul

²⁸ Aŋuna a ŋakiro a ŋun, igworete ŋituŋa anakwap ka iryoniar kidiama, anerae adau ayoŋ akirwor ka acamit ayoŋ akitiyakin ŋun, eriŋa ayoŋ alosikinit akitiya ŋun, nyemyekini ayoŋ akitiyakin ŋun.”

Yer. 4:28 Iomraidhean Croise

Isa. 24:4

Eoni akwap ka erinyiyori ibore daadaŋ. Eruwor akwap akoŋinait ka erinyiyori ibore daadaŋ. Eruwor kidiama akoŋinait kaapei ka akwap.

Isa. 34:4

Inyasunosi ŋikacer, elap ka akoloŋ alokidiama, elugurikin kidiama lopite ŋolo elugurikinere akaratas. Enyipinyipaarosi ŋikacer, elap ka akoloŋ alokidiama, lopite ŋolo einiyaryata ŋakwii alokitoe a epiini, kori lopite ŋolo einiyaryata ŋaraito a ebobore.

Isa. 5:30

Akoloŋit ŋin, ipopolakinete ŋituŋa ŋul neni a Ŋisirael, irurumakinete ŋituŋa ŋul neni a Ŋisirael ikwa irurumaa anam. Ani kiŋolik ituŋanan akwap a Ŋisirael, iŋolikinete akiryonut ka ŋican; isiryonete ŋidouwon tari akica.

Isa. 50:3

Ayoŋ esiryoni kidiama totakan esibit igworo aŋuna a ŋikatwak.”

Yer. 12:11

Eturuwosi ikes iŋes ereŋorot; aruwor iŋes ereŋorot ka igworo neni kaŋ. Aruwor akwap daadaŋ ereŋorot, nai mam ituŋanan emitakinit.

Yer. 12:4

Tari ori eonit akwap ka einito ŋinya anakwap? Aŋuna ka aronis a ŋina itiyaete ŋituŋa ŋulu iboiyete anakwap, adaun ŋityaŋ ka ŋikyeny, alimut ŋituŋa ebe, “Nyite Akuj ŋuna ikitiyae iwon.”

Yer. 14:2

Iyaloloŋete ŋituŋa a Yudaya, enyasun ŋitaunio kec, eperete ŋituŋa a Yudaya alokwap iyaloloŋete ka arem akigworo a ŋituŋa a Yerusalem kidiama.

Yer. 23:10

Alalata anakwap ŋituŋa ŋulu nyikinyomito Ekapolon, igworosi ŋituŋa anakwap aŋuna icenitere ikes ka aoko ŋadakarisinei ŋuna edakasi ŋibaren. Etiyata ŋituŋa ŋuna aronok ka nyiyookino agogoŋu kec.

Yer. 23:20

Nyimyekini Ekapolon anaŋoit keŋ akisican, akitodol ŋina isiyookinio ka itiyakinia ŋakiro ŋuna eya natameta keŋ. Alorwa a ŋulu esidyok, iyenunete iyes ŋakiro ŋun ejok.

Yer. 30:24

Nyedaun aŋoit ke Ekapolon ŋina aryenyaanan, akitodol ŋina edaunia iŋes akitiya ŋuna ecamit iŋes akitiyakin. Alorwa a ŋulu eponito, iyenunete iyes ŋakiro ŋun.

Yer. 51:12

Kikyasii abendera ŋina itijikinere Babilon, ŋina ebwaŋere ŋarwatatain keŋ. Kitogogoŋo ŋulu iyokiyete akwap, kiwuakisi ŋikererok kitemonokis ŋikadapitok, anerae abu Ekapolon toyeu ka esiyook, ŋakiro ŋuna alimunit iŋes aŋuna a Babilon.

Yer. 7:16

Tolimu nabo Ekapolon neni a Yeremia tema, “Ani eruwor iyoŋ, nyilip aŋuna a ŋituŋa a lu, nyikeu etoil kon igworo, kori ilipi aŋuna kec ka nyikilip ayoŋ, anerae nyacamuni ayoŋ akiirar ŋakiro kon.

Aum. 2:17

Etiya tokona Ekapolon ŋuna sek acamit akitiya; esiyook ŋakiro keŋ ŋunakoloŋ aris kitemok atemar kitiyakin. Ikimunya iŋes iwon emam akisyon, ainaki ŋimoe alelyan aŋuna ka akiloun iyes, ainaki agogoŋu neni a ŋimoe kus.

Esek. 24:14

Ayoŋ Ekapolon adau alimun ŋun; ebunit apaki ka etiyakini ayoŋ ŋun. Nyemyekini ayoŋ akitiya ŋun, nyesyoni ayoŋ ituŋanan kon idio, mam tari nyeeŋuni ayoŋ aŋuna kon. Akatubokini ayoŋ iyoŋ aŋuna ŋipitesyo kon ka ŋakiro ŋuna itiyae iyoŋ.’”

Osea 13:14

Alakuni ayoŋ ikes anapedor a ŋina ka akibois a ŋikatwak nyalakuni ayoŋ ikes anatwanare. Okoe atwanare ai eya ŋakicanicaneta kon? Okoe akibois a ŋikatwak, ai eyai akinyasun kon? Nyesyonikini ayoŋ ŋituŋa lu jik!

Osea 4:3

Aŋun, idoŋi Isirael emam ibore eyai, emunyar ŋituŋa daadaŋ ŋulu eya nen, kaapei ka ŋityaŋ daadaŋ ka ŋikyeny tari ŋikolya emunyarosi.

Yoel 1:10

Enyasun ŋimanikorin, aoko ŋalup deu; Enyasun ŋikinyom, aoko ŋaraito a epiini deu, adaun akimyet.

Sakar 8:14

Ŋakiro ŋuna irworo Ekapolon ŋolo Etiron ikes nu ebe, “Ani ŋinibore eketoŋoeta ayoŋ atapapaa kus, abu ayoŋ oyeu akisican ikes, ido abu ayoŋ nyelocok ŋatameta kaŋ, nai abu etiya ŋuna sek ayeunit akitiyakin.

Ekim. 23:19

Nyirworo Akuj alyokonu ikwa ituŋanan, ka nyiloconokini Akuj ikwa ituŋanan ŋatameta keŋ. Ŋuna daadaŋ iikini iŋes isiyookini, ŋuna daadaŋ elimuni iŋes, itiyakini

Mat. 27:45

Ameun alosaa a ŋolo a ŋikanikapei tari losaa ŋolo a ŋikanikaomwon ŋulu ka apaaran, kiryoniar akwap daadaŋ cuc.

Mar. 15:33

Ameun ŋisaae ŋikanikapei tari ŋikanikaomwon ŋulu ka apaaran, kiryoniar akwap daadaŋ cuc.

Luk. 23:44

Ani edoli ŋisaae ŋikanikapei ŋulu ka apaaran, kiryoniar akwap daadaŋ cuc akitodol ŋisaae ŋikanikaomwon esoŋakini akoloŋ.

Ŋiep. 1:11

Itiyao ŋiboro daadaŋ alopite a ŋolo itemokinitor ka etubunitor Akuj ka abu Akuj ikiseu iwon aŋuna ka acamit keŋ aruwor ŋituŋa keŋ ka alope anakimorikina ka Kristo, ikwa kebunio iŋes totubunio ŋinapei anakisyakinet.

Ŋiep. 1:9

ikitaanyu iŋes iwon alosikinet keŋ ŋina imunono ikwapei araakar acamit ka alakara keŋ ŋin.

Ŋibur. 7:21

nai abu Yesu toruwor esacaradoti, aŋuna ekoŋio Akuj neni keŋ kire tema, “Ayoŋ Ekapolon elope ekoŋ, nyilocokin ŋatameta kaŋ: ‘Irae iyoŋ esacaradoti ŋoloruba.’ ”

Akis. 6:12

Ani eŋaari Imesek akipucet ŋina a ŋakanikapei, abu oanyuwa akwap emarani nooi ka kiryoniar akoloŋ cuc ikwa ŋatotol, toreŋiar elap puu ikwa ŋaokot.

1 Sam. 15:29

Nyemodiyana Akuj ŋina ailiilon ŋina a Isirael, kori nyiloconokini ŋuna atubu akitiya, nyerae iŋes ituŋanan, aŋun, nyiloconokini ŋatameta keŋ.”