Yer. 4:20 - Ebaibul

²⁰ Ikirika akinyasuno, enyasunoi, aruwor akwap daadaŋ acaryoit. Enyasun ŋiemae a ŋituŋa kaŋ atipei enyasun alotooma apaki ŋina euruwuana ŋanaŋgae ŋuna inenetoe tooma ŋiemae.

Yer. 4:20 Iomraidhean Croise

Ŋikiru. 42:7

Ikitoropik iyoŋ ayoŋ ŋican lopite ŋolo eropiyoto ŋakipi nacuuro; Ekeloŋiyasi ayoŋ ŋican lopite ŋolo erapuwarya akalele akwap; akarapuwasi ayoŋ ŋican lopite ŋolo erapuwarya arimama ibore.

Ŋikiru. 72:19

Akipuro toyai neni ka Akuj aŋina eyakar apolou ŋikaru ka ŋikaru; elipi kilelebun apolou keŋ nakwap daadaŋ. Amen! Amen!

Awos. 33:5

anerae aris Ekapolon ketema neni a Moses, “Tolimok Ŋisirael ebe, ‘Irae iyes ŋituŋa ŋulu egogoŋ ŋakyes; ani kerae orukorete ayoŋ ka iyes kidiama ama tari apaki ŋina euruwuana, kapedo ayoŋ amunyar iyes. Tolacasi tokona ŋinapito ŋulu isiritotor iyes, ido oanyu nai ayoŋ ŋuna etiyakini neni kus.’ ”

Isa. 13:6

Kiwololoto, anerae aapuu akoloŋit ke Ekapolon, ebuni akoloŋit ŋin erae akoloŋit ŋina emunyarya Ekapolon akwap.

Isa. 15:5

Iyaloloŋi etau kaŋ a ŋuna a Moab, aema ŋikadokinok keŋ Soar ka aema Egilas-Selisiya. Etipeiyosi ikes alorot a ŋolo elosi Luis, itipeete ikes igworosi; elosete ikes alorot a ŋolo Oronaim igworosi aŋuna ka akinyasuno.

Isa. 33:20

Kiŋolikisi Sion, etaun ŋolo ikisekinitae iwon akitiya ŋasuban yok. Iŋolikinete iyes Yerusalem, a akibois akwap ŋina ajokan akiboiyo, ikwaan Yerusalem ka eema ŋolo nyelemaryo aneni edupakinitae, ŋolo nyeditaryo ŋases keŋ, ŋolo nyeŋedeŋedeo ŋaunoi keŋ.

Isa. 47:9

Itiyakin ŋakiro ŋun ŋaarei neni kon alotooma apaki ŋina nyiyeni iyoŋ ka alotooma akoloŋit apei bon. Icakari iyoŋ ŋidwe kon ka iruwor apuserut, epote ŋun neni kon ka itiyakin jik, epote ŋun neni kon tari kiyakatar iyoŋ ŋikekukujak ŋulu alalak ka ŋimurok ŋulu ka apedor a ŋina apolon ŋulu enyaraununeete ŋimuno.

Isa. 54:2

Tonyaa eema kon, tolalaar neni iboiyo iyoŋ, topeta ŋanaŋgae ŋuna inenosi nakibois ŋina iboiyo iyoŋ, nyimyek ikes ecunakina iwapei, kitayaa ŋaunoi kon ka kitogogoŋ ŋases ŋuna iguritere eema kon,

Yer. 12:11

Eturuwosi ikes iŋes ereŋorot; aruwor iŋes ereŋorot ka igworo neni kaŋ. Aruwor akwap daadaŋ ereŋorot, nai mam ituŋanan emitakinit.

Yer. 17:18

Kimyek ŋikesicanak kaŋ kiruma ŋileec, nai nyikimyek ayoŋ ekeruma ŋileec. Kimyek ikes tokadak, nai nyikimyek ayoŋ okokadak, yau aŋuna kec akoloŋit ŋina ka akisicanio, tomunya ikes iryenyaana nooi.

Yer. 4:21

Tari ori ete ayoŋ abendera ka apupi eruye amomwara a emesek?

Yer. 4:27

Erae ŋun ŋuna irworo Ekapolon ebe, “Eruwor akwap daadaŋ ereŋorot, kikote neni daŋ, etasaluni ayoŋ akwap jik.

Yer. 4:6

Tododasi abendera Sion toema, ikotere iunosi, nyididyoto, anerae ayaunit ayoŋ aronis alo Kuju ka akinyasuno ŋina alalan nooi.

Yer. 9:18

emaikina ikes potu atipei kiwololoto aŋuna yok akitodol ŋina eleleiyaryata ŋakiyo anakonyen yok, kibwaliyasi ŋakiyo ŋakonyen yok,

Aum. 3:47

Adaut ŋimoe kosi akitubul isua ka alokit isua, adaut akinyasun ka amunaar isua.

Esek. 14:21

“Ŋuna iŋita Ekapolon Akuj ikes nu, ‘Etya nai ai epite ŋolo erokyarotor ŋakiro alo Yerusalem apaki ŋina eyakuunia ayoŋ ŋakisicaneta kaŋ ŋuna apipilak ŋaomwon? Ŋimoe, eron ka ŋityaŋ ŋulu anyamak ta ŋidekesyo, tomunyasi ŋul ŋituŋa ka ŋibaren a Yerusalem.’

Yoel 1:15

Okoe etya ŋican ka akoloŋit a ŋin ai! Anerae aapuu akoloŋit ŋina ke Ekapolon; ebuni akoloŋit ŋin ikwaan ka ŋina ikimunaarya ŋolo Etiron.

Ŋilep. 26:18

Ani pa kipedorete iyes akiwuap ŋakiro kaŋ ŋuna iirasi ŋun, ekesicani ayoŋ iyes nooi ŋakisicanet ŋace ŋakanikaarei aŋuna a ŋasecisya kus.

Ŋilep. 26:21

“‘Ani kirubakis iyes ikiŋerito ayoŋ, ido towout akiwuap ŋakiro kaŋ, eatakini ayoŋ ŋican kus nooi ŋakiyatakinet ŋace ŋakanikaarei aŋuna a ŋasecisya kus.

Ŋilep. 26:24

akaŋeri ayoŋ iyes, ido ekesican nooi ŋakisicanet ŋace ŋakanikaarei aŋuna a ŋasecisya kus.

Ŋilep. 26:28

arubakini akoŋoikinit iyes nooi alotooma anyunyura kaŋ, ayoŋ alope ekesicani iyes, ekesicani iyes nooi ŋakisicanet ŋace ŋakanikaarei aŋuna a ŋasecisya kus.

Abak. 3:7

Abu ayoŋ eŋolik ŋituŋa a Kuc eyakatar akuryanu, abu eŋolik Ŋimidian ebulit emaranete.

Ekim. 16:21

“Totyakaros anatukot a na, ikotere omunya ayoŋ ikes daadaŋ alotooma apaki ŋina euruwuana.”

Ekim. 16:45

“Kiyotokisi alotuŋa alu ikotere omunya ikes atipei.” Toramakinos Moses ka Aron todolo ŋireetin kec kwap.

Mat. 10:28

Nyikera ŋulu earete akuwan, nai nyepedorito akiar etau; nai tokera ŋolo epedori akiar akuwan ka etau, tocakak tooma nakim ŋina nyeduŋe.

2 Ŋites. 1:9

Eryamunete ikes akisicanio ŋina ka akinyasuno a ŋina nyesaluni; etyakaryo ikes aneni ke Ekapolon ka nyiŋolikinete ikes apolou ka apedor keŋ.