Yer. 4:2 - Ebaibul

² ido kikoŋo itemasi, ‘Ikwapei eyarya Ekapolon,’ anakiro a ŋuna a kire, anakiyookino ka anajokis, iterereŋi Ekapolon ŋituŋa a ŋakwapin ka iturokinosi ikes aŋuna a Ekapolon.”

Yer. 4:2 Iomraidhean Croise

Akisy. 22:18

ido eterereŋi ayoŋ ŋituŋa ŋulu ka akwap daadaŋ aŋuna a ŋiletok kon, anerae idau iyoŋ akiwuap ŋakiro kaŋ.’”

1 Ŋirw. 3:6

Tema Solomon, “Idau iyoŋ akitoodikin amina kon ŋina apolon, ŋina nyiryaŋiryaŋa neni a eketiyan kon a papa kaŋ Daudi, anerae arae iŋes ŋolo ikikinyomit iyoŋ ka akiyookino, ido ajok iŋes alotau keŋ aneni kon. Idau iyoŋ akiric aŋuna keŋ arimao na ŋina apolon, iinak iŋes ikoku ŋinisapat ŋini elunyokin lokicoloŋ keŋ nakoloŋit na.

Ŋikiru. 72:17

Elipi nyimuryakin ekiro ke erwosit ŋikaru ka ŋikaru, elipi torubakis erwosit ka ŋiletok keŋ ipukatoŋikaru ka ŋikaru. Eryamunete ŋakwapin daadaŋ arereŋu aŋuna keŋ, ido enyaraete ikes iŋes ŋolo erereŋ.

Ŋikiru. 99:4

Okoe Erwosit ŋolo etiron, imina iyoŋ akiyookino, idau iyoŋ akiwuakin akiyookino Isirael; idau iyoŋ ayaun akiyookino ka akitub ŋakiro anakiyookino.

Isa. 45:23

Ayoŋ Akuj adau akikoŋ, adau ayoŋ alimun ŋakiro anakiyookino, ŋakiro ŋuna nyepedoryo akinyakar ŋakiro ŋun ikes nu, “Eryediki ŋinituŋanan alokiŋaren kaŋ, elimori ŋinituŋanan atemar arae ayoŋ Akuj.”

Isa. 45:25

Eryamunete ŋiletok a Yakob akiloun ka apolou aneni ke Ekapolon.”

Isa. 65:16

Ituŋanan daadaŋ ŋini egatanakini arereŋu nakwap, emaikina togatak alokiro ka Akuj a ŋina ikinyoma; ituŋanan daadaŋ ŋini ikoŋi anakwap, emaikina kikoŋ alokiro ka Akuj a ŋina ka akikinyoma; anerae emuryakin ŋican ŋulu koloŋ ka nyeriŋa ayoŋ ete ŋican ŋul.”

Yer. 10:10

Nai erae Ekapolon Akuj ŋina a kire, erae iŋes Akuj ŋina eyari ka erwosit ŋolo a ŋikaru ka ŋikaru. Ani enyunyurikin iŋes, tomaranik akwap ka nyepedorete ŋituŋa a ŋakwapin akidaŋidaŋ aŋoit keŋ.

Yer. 12:15

Ekaku kadau ayoŋ alemun ikes a nen, esyonikini nabo ayoŋ ikes ka enyaku ikes nabo nakwap ŋina abu ayoŋ oinak ikes toruwor ŋina kec, enyakuni ayoŋ ikes daadaŋ nakwap kec.

Yer. 12:16

Ekaku, ani keyenut ŋikidunyet a Ŋisirael ka alelakinit ayenun ŋuna iwuapito ŋituŋa kaŋ, ido kikoŋo alokiro kaŋ ebasi, ‘Ikwapei eyarya Ekapolon,’ lopite ŋolo etatamitotor ikes ŋituŋa kaŋ akikoŋ alokiro a Baal, ŋun nai epedoryata ikes akiboi kaapei ka ŋituŋa kaŋ.

Yer. 16:19

Okoe Ekapolon, agogoŋu kaŋ ka aduketait kaŋ ŋina ajio alotooma, neni aŋopya ayoŋ akoloŋit ŋina a ŋican. Epote neni kon ŋituŋa a ŋakwapin anakisaleta a akwap. Elimunete ebe, “Mam ibore aryamut atapapaa kosi, nai amodiyo bon, aryamut ikes ŋiboro ŋulucaryo ŋulu emam akiŋarakinet iryamunia.

Yer. 3:17

Apaki ŋin, enyarao Yerusalem etaun ŋolo ipukator Ekapolon, ido ecununosi ŋituŋa a ŋakwapin Yerusalem, ecununosi ikes Yerusalem kiŋaren Ekapolon, nyerubakinete nabo ikes iwuapito akisyanu kec ŋina aronon.

Yer. 33:9

Eruwor ŋituŋa a etaun a lo ŋulu eyakatar ekiro ŋolo ka alelyanu, ŋulu ipuroi ka ŋulu itopolooritae alokiŋaren ŋituŋa a ŋakwapin a daadaŋ a ŋuna iirarete ŋakiro ŋuna ajokak daadaŋ ŋuna etiya ayoŋ neni kec. Itopoloorete ŋituŋa a ŋakwapin ŋituŋa a Yerusalem ka emaranete alokiŋaren kec aŋuna ka abaru a daadaŋ a ŋina ainakini ayoŋ ŋituŋa a Yerusalem.

Yer. 5:2

Tari kirworosi ikes ebe, “Ikwapei eyarya Ekapolon,” nai ikoŋete ikes alyokonu.

Yer. 7:5

“Anerae kire jik, ani kitojokut iyes ŋipitesyo kus ka ŋuna itiyaete iyes, ani kire kitiyata iyes ŋuna ka akiyookino neni a ŋinice,

Yer. 9:24

nai emaikina ŋulu iturosi kituros a ŋakiro a nu atemar eyenete ikes ka akayenete ikes ayoŋ atemar arae ayoŋ Ekapolon, etiyae ayoŋ ka amina a ŋina nyiryaŋiryaŋa, a akiyookino ka atubi ŋakiro anakwap anakiyookino, anerae eketalakarito ayoŋ ŋipitesyo ŋul.

Osea 2:19

Akayai ayoŋ iyoŋ toruwor aberu kaŋ ŋikaru ka ŋikaru, iruwor iyoŋ aberu kaŋ anakiyookino, anacamit ka anamina a ŋina nyiryaŋiryaŋa ta anakisyon.

Yoel 2:12

Ebala Ekapolon ebe, “Tari tokona kikote neni daŋ, toboŋutu neni kaŋ a ŋikusitai a daadaŋ, kiredanakisi akiron, kigworos ka kiyaloloŋete.

Sakar 8:8

Enyakuni ayoŋ ikes kiboikinos Yerusalem; toruwor ŋituŋa kaŋ, ido aruwor ayoŋ ŋolo ekinyoma ka eyookino aneni kec ikwapei Akuj kec.

Mal. 1:11

Itopoloorete ŋituŋa a ŋakwapin ekiro kaŋ taparacu ka eboŋ. Alotooma ŋinakibois daadaŋ, eyaunete ŋituŋa ekinyate ka ŋainakineta ŋuna ajokak neni kaŋ, anerae epol ekiro kaŋ anakwapin.

1 Ŋikor. 1:31

Isiyookinito ŋun, ŋuna eya Nakigireta ebe, “Iŋes ŋini ituro, kiturokin aŋuna etiya Ekapolon.”

2 Ŋikor. 10:17

Nai ikwapei ebaakatar Ŋakigireta ebe, “Iŋes ŋini ituro, kiturokin aŋuna etiya Ekapolon.”

Ŋigal. 3:8

Apotu Ŋakigireta koloŋ todwara atemar elimori Akuj atemar iyookinosi ŋituŋa ŋulu nyerae Ŋiyudayan aŋuna ka anupit kec. Aŋun apotu Ŋakigireta tolimokis Ŋakiro ŋuna Ajokak neni ka Aburaam temasi, “Iterereŋi Akuj ŋakwapin daadaŋ aŋuna kon”.

Ŋikis. 10:20

Kitopoloorito Ekapolon Akuj kus, kilipa neni keŋ bon, kimiidikinos neni keŋ ka kikoŋo alokiro keŋ bon.

Ŋikis. 4:30

Apaki ŋina iyakaunotor iyes locan, ŋina itiyakinotor ŋakiro ŋun daadaŋ neni kus alorwa a ŋulu eponito, iboŋunete iyes neni ke Ekapolon kiwuapa ŋakiro keŋ.

Ŋikis. 6:13

Kitopoloorito Ekapolon Akuj kus, kitiyanakinete iŋes ka kikoŋo a ekiro keŋ bon.

Ŋipil. 3:3

Iwon ikiryamu akileŋeryo ŋina a kire, anerae ilipyo iwon neni ka Akuj alotooma Etau keŋ ka ikituro anakimorikina ka Yesu Kristo. Nyikinyomitae iwon ŋitalyo ŋulu itiyanakinio kiŋa akuwan,

Rus. 3:13

Toper tokona nakwaare ne, ido ani moi taparacu oanyutu erae kikiuryaari iŋes iyoŋ, ejok! Itemokino iŋes tocamu ŋun. Nai ani pa kecamit iŋes akiuryar iyoŋ, ŋun nai ekoŋio ayoŋ alokiro ka Akuj a ŋina eyari atemar ekeuryari ayoŋ iyoŋ. Toper akitodol taparacu.”

1 Sam. 20:3

Nai abu Daudi kikoŋ tema, “Eyeni papa kon nooi atemar ikimina iyoŋ ayoŋ, ido ŋuna etami iŋes ikes nu ebe, ‘Nyemaikina kiteyenikinae Yonasan ŋakiro nu, acepaki iyaloloŋi.’ Nai kire jik, ikwapei eyarya Ekapolon ka ikwapei iyarya iyoŋ, eapi ayoŋ atwanare.”