Yer. 4:19 - Ebaibul

¹⁹ Aryeba ayoŋ! Aryeba ayoŋ! Akanomo ayoŋ apipilu! Akanyamete ŋakiro etau! Idoŋae etau kaŋ nooi, nyapedori ayoŋ akililiŋ, anerae apupi ayoŋ eruye ŋolo amomwara a emesek, apupi ayoŋ eli ŋolo ke ejie.

Yer. 4:19 Iomraidhean Croise

Akisy. 49:6

Elipa ayoŋ nyamin natukot kus, elipa ayoŋ nyaruwor erukitos a Simeon ka Lepi, anerae imunyasi iyes ŋikilyok a adedeŋu kus, iŋwala iyes ŋimoŋin, anacamit kus, iŋedeŋedeete ŋamori kec.

2 Ŋirw. 4:19

Kikalou idya tonyara papa keŋ ebala, “Epipil akou!” Tolimok papa keŋ eketiyan tema, “Todaka idya neni a toto keŋ.”

2 Ŋirw. 8:11

Kitek Elisa Asael akaoyan, akitodol ŋina erumieta Asael ŋileec. Tosodi Elisa kikalou.

Ŋikiru. 103:1

Okoe etau kaŋ, kipur Ekapolon, akuwan kaŋ daadaŋ, kipur ekiro keŋ ŋolo asegan.

Ŋikiru. 116:7

Aŋun apedori tokona akiboi nabo emam ŋace, anerae etiya Ekapolon ŋuna alalak ŋuna ajokak neni kaŋ.

Ŋikiru. 119:136

Eleleete ŋakiyo anakonyen kaŋ, anerae nyiwuapitae ŋikisila kon.

Ŋikiru. 119:53

Ani eŋolikini ayoŋ ŋulu aronok ŋulu eŋerito ŋikisila kon, aŋoyenene ayoŋ nooi.

Ŋikiru. 146:1

Kipur Ekapolon, kipur Ekapolon okoe etau kaŋ!

Ŋikiru. 16:2

Abala ayoŋ neni ke Ekapolon, “Irae iyoŋ Ekapolon kaŋ, emam ibore ejok aneni kaŋ mati iyoŋ bon.”

Isa. 15:5

Iyaloloŋi etau kaŋ a ŋuna a Moab, aema ŋikadokinok keŋ Soar ka aema Egilas-Selisiya. Etipeiyosi ikes alorot a ŋolo elosi Luis, itipeete ikes igworosi; elosete ikes alorot a ŋolo Oronaim igworosi aŋuna ka akinyasuno.

Isa. 16:11

Aŋun, idoŋae etau kaŋ iyaloloŋi aŋuna a Moab ka iyaloloŋi akiyar kaŋ aŋuna a Kir-Eres.

Isa. 21:3

Aŋun, eryeba akuwan kaŋ, akanomo ayoŋ aryeba ŋina ikoni aryeba a aberu a ŋina eapi akidoun, apapanu ayoŋ nyeriŋa apupi ŋakiro, akakadaki ayoŋ nyeriŋa ete ibore.

Isa. 21:4

Ebiler ŋatameta kaŋ, eketakadakis ŋinyas ayoŋ, aruwor akiyar ŋina sek egeno ayoŋ ŋyinyas aneni kaŋ.

Isa. 22:4

Aŋun, abu ayoŋ otema, “Nyipotu neni kaŋ, kimyekinae ayoŋ egwor nooi; nyikisirworiut ayoŋ aŋuna amunyarere ŋituŋa kaŋ ŋuluminan.”

Yer. 13:17

Nai ani pa kiirasi iyes ŋakiro keŋ, alosi ayoŋ akigwor anakimunono aŋuna kaakituro kus egwori ayoŋ nooi kibwaliyasi ŋakiyo ŋakonyen kaŋ anerae erikoryo ŋituŋa a Ekapolon nakwap ace.

Yer. 20:9

Ani katema ayoŋ ebe, “Nyalimuni nabo ayoŋ Ekapolon, kori nyeruwori nabo ayoŋ alimit ekiro keŋ,” aryamuni ayoŋ atemar emwana akirot kon alotooma kaŋ, ikwaan ka akim ŋina emwana pe ŋina egolokino tooma ŋakoyo kaŋ. akaup ayoŋ akidaŋidaŋ iŋes, nyapedorit akililiŋiyar,

Yer. 23:9

Aŋuna a ŋikadwarak: Alilimiyo etau kaŋ, emaranete ŋakoyo kaŋ daadaŋ; aŋuna a Ekapolon ka aŋuna a ŋakiro keŋ a ŋuna asegak, Ikikwaanikin ayoŋ ka ituŋanan ŋini emera, ituŋanan ŋini alema epiini agogoŋu.

Yer. 4:21

Tari ori ete ayoŋ abendera ka apupi eruye amomwara a emesek?

Yer. 4:5

Tolimosi alo Yudaya ka kiserautu alo Yerusalem ebe, “Tokutakisi amomwara a emesek anakwap a daadaŋ, kiworoutu ke ecelet a ŋolo apolon ibasi, ‘Ocunakinos iwapei, oloto lotaunio ŋulu eya ŋaduketa ŋunajiet!’

Yer. 42:14

ka ibasi, ‘Mam, ikilosi isua nakwap a Ijipit, neni nyikiŋolikinia isua ejie, kori nyikiirarya eruye a arupepe, kori nyikinyamia akoro a ŋuna emamukatar ŋamugati, ido eboiyoto a ina,’

Yer. 49:2

Aŋun, kire jik, ebunit apaki ŋina aramakinia ayoŋ eli aŋuna ke ejie a ŋolo itijiere Raba, etaun ŋolo a Ŋiamoni, aruwor Raba ereŋorot ŋolo etukotor ŋamoru, icunyaryo ŋirerya keŋ. Inyakarete Ŋisirael akwap kec aneni a ŋulu apotu kikamasi aneni kec akwap kec.

Yer. 50:22

Epupyo ecelet a ejie anakwap, eyai akinyasuno ŋina apolon.

Yer. 6:24

“Irworosi ŋituŋa a Yerusalem ebasi, ‘Eirar isua ŋakiro a ŋimoe kosi a ŋulu eponito, alilimiyosi ŋakan kosi; ikikamu ekabule isua, aryebakinoi isua lopite ŋolo eryabakinor aberu ŋina eapi akidoun.

Yer. 8:18

Adaun alelyanu kaŋ, eyai aryeba neni kaŋ, adyakakin etau kaŋ.

Yer. 8:21

Akanomorit ayoŋ ikwapei enomoritor ŋituŋa kaŋ, egworo ayoŋ ka amin akadakinit neni kaŋ.

Yer. 9:1

Okoe kerae ca torae akou kaŋ eitanit a ŋakipi ka torae ŋakonyen kaŋ elelya a ŋakiyo, kapedorit ayoŋ akigworo naparan ka nakwaare aŋuna a ŋituŋa kaŋ a ŋulu aari, a ŋulu a ŋican.

Yer. 9:10

“Tema Yeremia, Egworo ka ewololoe ayoŋ aŋuna a ŋimoru ka ewololoe aŋuna a ŋinya a ŋulu ka aloŋisat, anerae aruwor ŋikoŋinae, emam ibore itorenene nen, nyeriŋa epupyo ŋaatuk erwosi a nen, aekasi ŋikeny ka ŋityaŋ a nen.

Aum. 1:16

“Ikigworo isua a ŋakiro a ŋun, eleleete ŋakiyo anakonyen kosi, anerae elwana nooi ŋini ikisirworiuni isua, emam ŋini ikisimukekini isua. Ikireut isua ŋimoe kosi, mam ibore eriŋa idoŋit neni kosi.”

Aum. 1:20

“Kiŋolik mono iyoŋ okoe Ekapolon epite ŋolo ikiryamunitor isua ŋican, ikiryebete isua ŋakiro nooi; emam akinapakina eyai lotai kosi, anerae aponi isua toruworotei ŋikaŋerok. Ani ikilomari isua kiŋa ikiari; ani ikiboi alotooma ŋakais daŋ ikiwuapunit atwanare.

Aum. 2:11

Amuumu ŋakonyen kaŋ aŋuna ka akigworo, eryebete ŋakiro etau kaŋ nooi. Akaup ayoŋ akiyaloloŋ aŋuna amunyarere ŋituŋa kaŋ ka aŋuna iridyata ŋidwe ka ŋiŋwea alorotin a ŋulu ke etaun.

Dan. 4:19

Abu nai Daniel ŋolo arae ekiro keŋ ece Belitesasar tosiliyo adiouriyen ebulit nooi, apotu ŋatameta keŋ kitubulo iŋes. Tema nai erwosit neni keŋ, “Belitesasar, nyimyek ŋakiro ŋuna ka akiruja a ŋin, kori apolou kec ikitubulo iyoŋ.” Toboŋok Belitesasar tema, “Ekapolon kaŋ, kerae ca topedonor, keruwor ŋakiro ŋuna irujat iyoŋ ŋuna a ŋulu ikimanito iyoŋ ka keruwor apolou kec ŋina a ŋimoe kon.”

Dan. 7:15

Tolimu Daniel tema, “Ani eruwor ayoŋ, eryaŋakina etau kaŋ, eketubulito ayoŋ ŋakiro ŋuna abu ayoŋ eŋolik anakiruja.

Dan. 7:28

Ŋakiro daadaŋ ikes ŋun ŋuna aponi okolimokin ayoŋ apolou kec. Ani eruwor ayoŋ Daniel, apotu ŋatameta kaŋ eketubulo ayoŋ nooi, ido abu ereet kaŋ kilocokin, nai abu ayoŋ eric ŋakiro daadaŋ alotau kaŋ.

Dan. 8:27

Aŋun, abu ayoŋ Daniel eyaloloŋ nooi, odyakakin oper ŋirwa ŋulu alalak; ekaku abu ayoŋ onyou, olot akitiya ŋiticisyo a erwosit. Nai abu akisileerekinet anakiruja a ŋin okoinak ayoŋ akitakadakinet, ido pa apedorit ayoŋ ayenun apolou keŋ.

Amos 3:6

Ani mono keruu abureryaŋ a emesek alotaun, nyetiŋi mono ekabule ŋituŋa a? Epedorete mono ŋican adolokin etaun pa kecamaki Ekapolon a?

Abak. 3:16

Apupi ayoŋ ŋakiro ŋun daadaŋ, ido amarani; emaranete ŋipon kaŋ aŋuna a ekabule a ŋakiro a ŋun. alilimiyosi ŋakoyo anakuwan kaŋ, amarani ayoŋ aneni awuar, edaruni ayoŋ ekililiŋat apaki bu, apaki ŋina isicania Akuj ŋituŋa ŋul ŋulu eketijiete ayoŋ.

Ekim. 10:9

Ani ilosete iyes lojie anakwap kus, akitijikin ŋimoe ŋulu ikitijikinete iyes, iramakinete iyes eli ikusete ŋarupepe, ikotere ikitamuni iyes Ekapolon Akuj kus, ido itoiu alomoe kus.

Ŋirom. 10:1

Ŋikaitotoi kaŋ! Agasi ayoŋ alotau kaŋ a daadaŋ atemar toiun ŋituŋa kaŋ! Elipit ayoŋ Akuj aŋuna kec!

1 Ŋikor. 14:8

Ani pa kekutaki ekakutan aluut ejok, ŋae eteni aŋuna ka alosit lojiye?

Ŋigal. 4:19

Ŋidwe kaŋ ŋuluminan, aryeba ayoŋ nabo aŋuna kus ikwa eryebar aberu idouni; aryeba ayoŋ akitodol ŋina iruworotor iyes ŋulu ipakito anakiro a Kristo.

Ŋikat. 5:21

apotu ŋikacer kisileleba ayonae Kison kilap, apotu ŋakipi a Kison ŋuna aleleete ipumasi nooi kiwoko ikes. Aŋun, alosi ayoŋ kiŋaren, alosi ayoŋ atitiny.