Yer. 4:11 - Ebaibul

¹¹ Apaki ŋin, elimokinio ŋituŋa a Yerusalem atemar ekutunit ekuwuam ŋolo amwanan aneni kaŋ, ekutunit alomoru a ŋulu emam ŋikito, ekutunit analoŋisat neni a ŋituŋa kaŋ a ŋulu eya locan, meere akutar ŋulu aronok, kori akitojokun.

Yer. 4:11 Iomraidhean Croise

Ŋikiru. 11:6

Ecakakini iŋes neni a ŋulu aronok ŋatotol ŋuna eriraete ka ibore ŋini erirae ŋini enyaritae Sulpa. Isicani Ekapolon ikes a ekuwuam a ŋolo amwanan pe;

Isa. 22:4

Aŋun, abu ayoŋ otema, “Nyipotu neni kaŋ, kimyekinae ayoŋ egwor nooi; nyikisirworiut ayoŋ aŋuna amunyarere ŋituŋa kaŋ ŋuluminan.”

Isa. 27:8

Abu Ekapolon kisican ŋituŋa keŋ kimyek kiritarae ka torikoroe nakwap ace erae ŋirikon ananyunyura keŋ, abu iŋes kirita ikes akoloŋit ŋina a ekuwuam a ŋolo alo Kide a ŋolo akusi nooi.

Isa. 41:16

ipyetarete iyes ikes, ido tokuta ekuwuam nariet ka kiela ikes ekuwuam ŋolo ekusi nooi. Ipote nai iyes alelyan aneni ke Ekapolon; ipote nai iyes akipuro Akuj ŋina asegan ŋina a Isirael.

Isa. 64:6

Ikikwaanikin tokona isua ka ituŋanan ŋini nyeseg, ekwaanikin ŋiticisyo kosi ŋulu iyookino daadaŋ ka elou ŋolo eoŋoryana. Ikiiniya isua ikwa ŋakwii, ikiwokosi isua ŋasecisya kosi ikwa ekuwuam iwokori ibore.

Yer. 13:24

Ekeelari ayoŋ iyes lopite ŋolo ekutarya ekuwam ŋikabinin analoŋisat.

Yer. 14:17

Okolimok nai Ekapolon ayoŋ tema, “Tolimok ŋituŋa ŋul ŋakiro ŋuna iyaloloŋio iyoŋ nu: Elipi toleleta ŋakiyo anakonyen kaŋ apaaran ka akuwar, kerae nyajoŋo ayoŋ akigworo, anerae awani ŋituŋa kaŋ nooi, epol nooi awananu kec.

Yer. 23:19

Kiŋolikisi, ebunit aŋoit a Ekapolon, ebunit anyunyura, ebunit egogoŋ ikwa ekuwuam ŋolo agogoŋon, emini aŋoit a Ekapolon neni a ŋulu itiyaete ŋuna aronok.

Yer. 4:12

Mam, egogoŋ ekuwuam ŋolo iyakuunit Ekapolon akilo ŋol, ayoŋ Ekapolon erworo atubokinit ikes.

Yer. 8:19

Kiirasi akigworo a ŋituŋa kaŋ, igworosi ikes aneni eapi ka aneni alwanan ebasi, “Emam mono Ekapolon alo Sion a? Emam mono erwosit a Sion alotaun keŋ a? Kaanukiro eketoŋoeta ikes ayoŋ a ŋitorubei kec, kaanukiro eketoŋoeta ikes ayoŋ a ŋitorubei a ŋakujo kec a ŋuna egelaaka?”

Yer. 9:1

Okoe kerae ca torae akou kaŋ eitanit a ŋakipi ka torae ŋakonyen kaŋ elelya a ŋakiyo, kapedorit ayoŋ akigworo naparan ka nakwaare aŋuna a ŋituŋa kaŋ a ŋulu aari, a ŋulu a ŋican.

Yer. 9:7

“Aŋun, alimu Ekapolon ŋolo a ŋajoresyo atemar, ase tokona ayoŋ ŋituŋa kaŋ, ido ekatak ikes. Anukiro tokona ŋace emaikina ayoŋ etiya neni a ŋituŋa kaŋ a ŋulu arubakis eseceneneete?

Aum. 2:11

Amuumu ŋakonyen kaŋ aŋuna ka akigworo, eryebete ŋakiro etau kaŋ nooi. Akaup ayoŋ akiyaloloŋ aŋuna amunyarere ŋituŋa kaŋ ka aŋuna iridyata ŋidwe ka ŋiŋwea alorotin a ŋulu ke etaun.

Aum. 3:48

Eleleete ŋakiyo anakonyen kaŋ aŋuna amunyarere ŋituŋa kaŋ.

Aum. 4:10

Apaki ŋina aryamunitotor ŋituŋa kaŋ ŋican; apotu tari ŋaberu ŋuna sek aminasi ŋidwe kec, kipoto ŋidwe kec toruwor akimuj.

Aum. 4:3

Tari ŋikweei itanakete ŋitak kec, nai aryenyaaka ŋituŋa kaŋ, etiŋito ŋidwe ka aryenyeo, lopite ŋolo imyekiniata ŋakaleeso ŋitak kec analoŋisat.

Aum. 4:6

Esicani ŋituŋa kaŋ nooi, elo akisicanio kec tari ŋina a ŋituŋa a Sodoma; a etaun a ŋolo abu Akuj tomunya ŋituŋa keŋ atipei todaun ikaiunan.

Esek. 17:10

Ee, tari kire keduparitae ekitoe ŋol, epedori nai kire iŋes akiyar ka apol a? Nyeiniyari mono iŋes apaki ŋina ekutakinia ekuwuam ŋolo ebunit alo Kide a? Nyeiniyari mono iŋes aneni sek elomunitor a?’ ”

Esek. 19:12

Nai apotu ŋituŋa ŋulu aŋoito torutut iŋes, kimasakis kwap. Abu ekuwuam ŋolo akutunit alo Kide kitooniyo iŋes, toraraar ŋaraito keŋ, toiniya atorom keŋ ŋin ŋina agogoŋon, ido abu akim tonomiya.

Osea 13:15

Tari kelalata ŋituŋa a Isirael aneni a ŋikaitotoi kec, eyakuuni ayoŋ ekuwuam bu alo Kide, ebuni ekuwuam ŋolo ke Ekapolon analoŋisat itooni ekuwuam ŋol ŋiitan kec ka ŋakare kec, epyaari ekuwuam ŋol ibore ŋini ajokan daadaŋ anakwap kec.

Osea 13:3

Aŋun, ikwaanikinosi ikes ka ekuno ŋolo ka ataparacu, kori ŋakopi ŋuna eŋopiyarete atipei eriŋa ataparacu, ikwaanikinosi ikes ka ŋamilo ŋuna ekutari ekuwuam analos, kori apuru ŋina ipwororit alodirisa.

Osea 4:19

Iwokoryo ikes lopite ŋolo iwokorya ekuwuam ibore ŋini eook, ido irumete ikes ŋileec aŋuna a ŋamuronisya kec.”

Abak. 1:11

Ani nai elomarete nen, topyasi ibore daadaŋ lopite ŋolo epyaa ekuwuam, ido nai torotokis. Erae ikes ŋituŋa ŋulu iilit ŋulu aŋero ŋikisila. Ituruworito ikes apedor akuj kec.”

Abak. 1:6

Ainakini ayoŋ ŋituŋa a Babilon apedor ŋinakipukaet, ainakini apedor lotuŋa ŋul ŋulu aryenyaanak, ŋituŋa ŋul nyiyeŋununeete. Elosete ikes etubete akwap, aŋuna ka akikamanar ŋakwapin toruworos ŋuna kec.

Mat. 3:12

Eyakar iŋes nakan keŋ erite ikotere epyetarya ŋikeemomwa ejok analos, tocunak lodulae keŋ, kicunyak nai ŋatunyeny anakim a ŋina nyeduŋe.”

Luk. 3:17

Eyakar iŋes nakan keŋ erite, ikotere epyetarya ŋimomwa ejok analos, tocunak lodulae keŋ; kicunyak nai ŋatunyeny anakim a ŋina nyeduŋe.”