Yer. 39:8 - Ebaibul

⁸ Apotu Ŋibabiloniyae kicunyasi akai a erwosit ka ŋakais a ŋituŋa, ido toritakis ŋarwatatain a Yerusalem.

Yer. 39:8 Iomraidhean Croise

2 Ŋirw. 25:8

Ani edoli ŋirwa ke elap ŋikanikaarei, elap ŋolo a ŋikan, alokaru a ŋolo a ŋitomon ka ŋikanikaomwon ipukat erwosit Nebukadinesar Babilon, tolot Nebusaradan ekapoloniton a ŋasigarya a ŋuna eteete erwosit a Babilon Yerusalem.

2 Ŋakiro a ŋirwa 36:19

Apotu Ŋibabiloniyae kicunya Akai ka Akuj, toritakis arwatata a Yerusalem kwap ka kicunyasi ŋakais ŋuna ka apukan daadaŋ ka tomunaasi ŋiboro ŋulu apol egyelit daadaŋ alo Yerusalem.

Neem. 1:3

Okoboŋokis ikes ayoŋ temasi, “Ŋipiya ŋulu eya ama Yudaya, ŋulu aponi nyerikor, eyakasi locan ŋulu apolok ka loleec; aritaasi ŋimoe arwatata ŋina a Yerusalem ka amunaasi ŋipukei keŋ ka akim.”

Ŋikiru. 79:7

anerae aara ikes ŋituŋa kon, eturuwosi ikes akwap kon acaryoit.

Isa. 5:9

Eira ayoŋ Ekapolon ŋolo a ŋajoresyo ikoŋi ebala, “Kire jik, imyekinio ŋakais ŋuna alalak toruworos ŋireŋoroto, emamukaun ŋituŋa anakais a ŋun a ŋuna alolomak ka kibusak.

Yer. 17:27

Nai pa kipupokis iyes ŋakiro kaŋ, pa kitopoloosi akoloŋit ŋina a Sabato erae akoloŋit ŋina asegan ka pa kiwoko ibore idio akoloŋit ŋina a Sabato tolomuniata lopukei a Yerusalem, ecunyakini ayoŋ akim alopukei a Yerusalem, enomiyari akim ŋin ŋakais ŋuna ka apukan ŋuna eya Yerusalem ka nyituduŋeo akim ŋin.”

Yer. 21:10

Aŋoik ayoŋ ŋituŋa a etaun a lo aŋuna ka aronis, meere aŋuna ka ajokis. Einakinio iŋes napedor a erwosit a Babilon, ido icunyari iŋes etaun lo a akim.’ ”

Yer. 32:29

Epote Ŋibabiloniyae ŋulu itijiete ŋituŋa a etaun a lo, inokakinete akim kicunyakis etaun, icunyarete ikes ŋakais ŋuna ainanakinere alokidiama kec ŋainanakineta neni a Baal ka ainanakinere ŋainakineta a ŋimaten neni a ŋakujo a ŋunace, ŋakiro ŋuna apotu eketoŋoa ayoŋ.

Yer. 34:2

Tolimok Ekapolon Akuj a Ŋisirael Yeremia tema, “Tolot, kirwor neni a erwosit Sedekia a ŋolo a Yudaya ebe, ‘Alosi ayoŋ ainakin etaun lo napedor a erwosit a Babilon ka icunyakini iŋes a akim,

Yer. 34:22

Alimokini ayoŋ ikes toboŋut lotaun lo, itijikinete ikes ŋituŋa a etaun a lo, ido kikamasi etaun ka kicunyakis a akim. Eturuwori ayoŋ ŋitaunio a Yudaya ŋireŋoroto, neni emam ŋituŋa eya.”

Yer. 37:10

Tari kilout iyes ŋasigarya a Ŋibabiloniyae daadaŋ ŋuna ikitijiete iyes, ido kidoŋo alotooma kec ŋikilyok ŋulu ewanitae loeemae kec, epedorete ŋikilyok ŋul anyoun kicunyakis etaun lo a akim.”

Yer. 38:18

Nai ani pa kicamu iyoŋ akilouno aneni a ŋikapolok a erwosit a Babilon, einakinio etaun lo napedor a Ŋibabiloniyae, ido icunyakinete ikes etaun ka nyiun iyoŋ elope anapedor kec.’ ”

Yer. 5:10

Eyakiyari ayoŋ ŋimoe kiteleteloosi ŋikito a epiini keŋ, nai nyiteletelosi daadaŋ. Alimokini ayoŋ ikes totubutuboosi ŋaten kec, anerae meere ŋaten ŋun ŋuna a Ekapolon.

Yer. 7:20

Aŋun, alimu Ekapolon Akuj atemar, aŋoikini ka anyunyurikin ayoŋ ikes etiyakini ŋuna aronok neni a ŋituŋa ka ŋityaŋ, neni a ŋikito a ŋulu ke emanikor ka ŋaraito ŋuna ka akwap, enokuni aŋoit kaŋ ikwa akim ka mam ituŋanan epedori akituduŋere.

Aum. 1:10

Aŋatasi ŋimoe ebari daadaŋ alo Yerusalem. Apotu ŋituŋa a Yerusalem kiŋolikis ŋituŋa a ŋakwapin elomarete tari nakibois ŋina asegan, arae ŋituŋa ŋul ŋulu sek etaleorit Ekapolon alomar natukot a ŋituŋa a Yerusalem.

Aum. 2:2

Amunya Ekapolon emam akisyon ŋirerya daadaŋ ŋulu a ŋituŋa a Yakob; amunyumunyaki kwap ŋaduketa ŋunajiet ŋuna agogoŋok ŋuna a ŋituŋa a Yudaya. Eturuwo apukan a Yudaya akoŋinait ka eturuwo ŋikepukak a Yudaya ŋikoŋinae.

Aum. 2:7

Aŋer Ekapolon Namuroet keŋ, emyek akibois keŋ ŋina asegan. Acamaki ŋimoe ebwaŋabwaŋaarete ŋarwatatain a ŋakais a ŋuna iboiyoto ŋirwosi, ecelasi ŋimoe alo Kai ke Ekapolon itoodiunito atemar adaut ikes akiloun, ecelasi lopite ŋolo sek ecelatar ŋituŋa apaki ŋina a ŋasuban.

Esek. 16:41

Icunyete ikes ŋakais kus, ikisicana iyes alokiŋaren ŋaberu ŋuna alalak. Eketojoŋoe ayoŋ iyes araakau ŋamalaae ka ainanakin ŋisiliŋa neni a ŋuluminan kus.

Esek. 23:47

Ecaki aruruma ikes a ŋamoru ka eari a ŋileŋia topero alokwap; eari aruruma ŋidwe a ŋaberu a ŋun ŋulusapa ka ŋulupesur ka icunyari ŋakais a ŋaberu a ŋun.

Esek. 33:21

Alokaru a ŋolo a ŋitomon ka ŋiarei eyakae isua nakwapin ŋuna ikirikoritae, torae elap ŋolo a ŋitomon, ŋirwa ka elap ŋikan, abu ituŋanan ice ŋini kesiiuni alo Yerusalem bu neni kaŋ tema, “Amunaar etaun Yerusalem.”

Amos 2:5

Aŋun, emyekini ayoŋ akim tonom Yudaya, enomiyari akim ŋaduketa a Yerusalem ŋunajiet.’ ”

Mika 3:12

Aŋuna a ŋakiro kus, itao Sion toruwor emanikor; eruwor Yerusalem ereŋorot ŋolo etukotor ŋamoru, ido elomuni amoni alomukura a ŋolo ka Akai ka Akuj.