Yer. 39:5 - Ebaibul

⁵ Nai apotu ŋasigarya a Ŋibabiloniyae kiwuapakis ikes, ido toditasi Sedekia anadipoe a Yeriko. Kedaut akikamun Sedekia, kitipeunioto iŋes neni a erwosit Nebukadinesar a ŋolo a Babilon alo Ribila anakwap a ŋina ka Amas. Abu nai erwosit totubok Sedekia a nen.

Yer. 39:5 Iomraidhean Croise

2 Sam. 8:9

Ani iirari Toi erwosit ŋolo ka Amas atemar elou Daudi asigar ka Adadeser daadaŋ,

2 Ŋirw. 17:24

Yau erwosit ŋolo ka Asiriya ŋituŋa, ŋice alo Babilon, ŋice alo Kusa, ŋice alo Aba, ŋice alo Amas ka ŋice alo Separabaim, kitolomu ikes lotaunio a Samaria (ekiro ŋolo aponi tonyaraere atyekatait ŋina a Isirael) akilunyokin neni sek aya Ŋisirael. Torebuwasi ikes Samaria, toloma lotaunio keŋ.

2 Ŋirw. 23:33

Abu Parao Neko toen iŋes aneni anyaritae Ribila anakwap ka Amas, todaun Yeoas epite ŋolo iboikinor Yerusalem akipuka. Toreik Parao ŋituŋa a Yudaya akitac ocur neni keŋ, totacae neni keŋ ŋatalantae amiat ŋulu ke esilipa ka etalantait ŋolo ke egolid.

2 Ŋirw. 25:6

ka aponi kikamunae iŋes. Yaarae iŋes Ribila neni ayai erwosit a Babilon atubokin iŋes a nen.

2 Ŋakiro a ŋirwa 33:11

Aŋun, abu Ekapolon yau ŋikapolok a ŋasigarya a erwosit ka Asiriya akirem ikes ka apotu torikosi Manase, kiwuakis ekodocet lokume keŋ, toena iŋes a ŋiriko a ŋulu etiyaunitae a eburonis, yaasi Babilon.

Isa. 22:3

Aema ŋikapolok kus daadaŋ kaapei aponi kikamarae ikes pa egumaritae ekaleŋeleŋet edio. Aponi ikikamar iyes daadaŋ ŋulu aponi ikiryamun tari daŋ sek kikiemitotor ŋikapolok kus neni alwanan.

Yer. 21:7

Ekaku, ainakini ayoŋ erwosit Sedekia kaapei ka ŋiketiyak keŋ ka ŋituŋa ŋulu a etaun a lo ŋulu epuun alodeke, alokileŋ ka anakoro napedor a erwosit Nebukadinesar a ŋolo a Babilon, ainakini ayoŋ ikes napedor a ŋimoe kec ka napedor a ŋulu iwarito akiar ikes. Eari Nebukadinesar ikes a ekileŋ, nyisyoni iŋes ikes, kori nyimyekini ikes, kori nyiŋarakini ikes.’

Yer. 24:8

“‘Tosodi lopite ŋolo eyakatar ŋaboboryo ŋuna aronok, ŋuna aronok nooi ŋuna nyepedori ituŋanan akinyam, epite ŋol iŋes esicania ayoŋ erwosit Sedekia ŋolo a Yudaya, ŋikapolok ŋulu ipukatotor iŋes ka ŋipiya a ŋituŋa a Yerusalem ŋulu idoŋete nakwap na ka ŋulu eya nakwap a Ijipit.

Yer. 38:18

Nai ani pa kicamu iyoŋ akilouno aneni a ŋikapolok a erwosit a Babilon, einakinio etaun lo napedor a Ŋibabiloniyae, ido icunyakinete ikes etaun ka nyiun iyoŋ elope anapedor kec.’ ”

Yer. 38:23

Erikoryo ŋaberu ka ŋidwe kon daadaŋ neni a Ŋibabiloniyae, nyibucar iyoŋ elope anapedor kec, nai ikikamari iyoŋ erwosit a Babilon, ido icunyaryo etaun lo.”

Yer. 4:12

Mam, egogoŋ ekuwuam ŋolo iyakuunit Ekapolon akilo ŋol, ayoŋ Ekapolon erworo atubokinit ikes.

Yer. 44:30

Ainakini ayoŋ Parao Opira erwosit a Ijipit napedor a ŋimoe keŋ, a ŋulu imanito akiyar keŋ, lopite ŋolo abunio ayoŋ oinakinia erwosit Sedekia ŋolo a Yudaya napedor a erwosit Nebukadinesar a ŋolo a Babilon a emoit keŋ a ŋolo emanit akiyar keŋ.’”

Yer. 49:23

Erae nu ŋakiro ŋuna abu Ekapolon tolimu aŋuna a Damasko ebala, “Iyaloloŋiete ŋituŋa ka Amas ka ŋulu ka Aripad, anerae eirasi ikes ŋakiro ŋuna aronok, einaiya ikes ekabule, emaranete ŋawat kec lopite ŋolo emarania anam ŋina nyepedorete ŋakipi akinapakin.

Aum. 1:3

Adokis ŋituŋa a Yudaya nakwapin aŋuna a ŋican ka areikinit akitiya etic, iboiyete tokona ikes anakwapin a ŋace, mam akibois ŋina ituruworito ikes ŋina kec. Adaut ŋikewuapak kec daadaŋ arukaun ikes eriŋa epapanito.

Aum. 4:20

Apotu ikes kikamasi erwosit kosi ŋolo amecitae isua neni keŋ, ŋolo arae Ekapolon abu toseu aruwor erwosit. Erwosit ŋolo sek ekinyomitae isua atemar ikiuni iŋes isua alomoe a daadaŋ.

Esek. 23:24

Epote ŋikemanitok iyoŋ alo Kuju etiŋito ŋiboro ŋulujiet, emetae a ŋaŋolei ka a ŋagaari ka eyakatar ŋituŋa ŋulu alalak nooi, ikicodokinete ikes iyoŋ alowaetin kon a daadaŋ etiŋito ŋaupala ŋuna apolok ka ŋuna cicik ka enapito anakyes ŋakopiyae ŋuna iuryarito akou nyewana. Ainakini ayoŋ ikes apedor ikisican iyoŋ, ikisicanete ikes iyoŋ lopite ŋolo ecamito ikes.

Abak. 1:7

Ekerito ŋituŋa a ŋakwapin a ŋunace ikes nooi, iturosi ikes nooi, ido etamete atemar ŋuna daadaŋ itiyaete ikes erae ŋuna iyookino ka ecamakinitae.

Ekim. 13:21

Apotu nai ŋikilyok ŋul toloto torebo akwap ŋin ameun analoŋisat a Sin akitodol Reob diyete Leboamas.

Yos. 13:5

Eriŋa akwap ŋina a Ŋigibili ka akwap a Lebanon daadaŋ alowae a ŋolo alo Kide; ameun alo Baaligad anakeju a emoru Erimon tari Lebo-Amas.

Yos. 4:13

Arae ekimar kec edokarete anaŋolol Yorodan ŋalipyo ŋatomoniomwon. Atenito ikes ejie etubete aŋolol alokiŋaren Ekapolon Akuj, toloto ejie nadipo ŋina alo Yeriko.

Yos. 5:10

Ani eriŋa Ŋisirael elomito Giligal, nadipo ŋina alo Yeriko, apotu kinumunuma ŋasuban ŋuna a Paska eboŋ ŋirwa ke elap ŋitomon ka ŋiomwon elap ŋolo ke epei.

Ŋikat. 3:3

Ŋakwapin ŋun ikes nu: Ŋakwapin ŋakan ŋuna a ŋikapolok a ŋikan a ŋulu a Ŋipilistin ka ŋakwapin a Ŋikanaani, a Ŋisidoniani ka Ŋiipi, eboiyete ŋituŋa ŋul alomoru a ŋulu a Lebanon, ameun alomoru Baal-Erimon akitodol Lebo-Amas.