Yer. 39:16 - Ebaibul

¹⁶ “Tolot, tolimok Ebed-Melek Esiopiait ebe, ‘Ebala Ekapolon ŋolo a ŋajoresyo, Akuj a Ŋisirael, alosi ayoŋ akisiyookin ŋakiro kaŋ aŋuna ke etaun a lo aŋuna ka aronis keŋ meere aŋuna ka ajokis keŋ, iyookin ŋakiro ŋun akoloŋit ŋin toyai iyoŋ.

Yer. 39:16 Iomraidhean Croise

2 Ŋakiro a ŋirwa 36:21

Aŋun, apotu ŋakiro ke Ekapolon ŋuna erworo ekadwaran Yeremia kiyookinos. Abala Yeremia ebe, “Idoŋi akwap a Yudaya emam ŋituŋa ŋikaru ŋatomonikanikaarei, ikotere etacakin lorwa ŋulu a Sabato, anerae kepotu ŋituŋa tojoŋoto akieŋunun ŋirwa ŋulu a Sabato.”

Ŋikiru. 92:11

Eŋolikini ayoŋ akilouno a ŋimoe kaŋ; eirari ayoŋ akigworo a ŋimoe kaŋ a ŋulu itiyaete aronis.

Yer. 26:15

Nai toyenete kire jik atemar, kikiar iyes ayoŋ, eyakaun ekaile ŋolo ka akiar ituŋanan ŋini nyesecit neni kus ka neni a etaun a lo ta neni a ŋituŋa a daadaŋ a ŋulu iboiyete alotaun a lo, anerae ŋuna a kire ikes nu, erae Ekapolon iŋes ekeyakuunit ayoŋ neni kus alimokin iyes ŋakiro ŋun kiirasi iyes.”

Yer. 26:18

“Abu koloŋ Mika ŋolo abunit alo Moreses, ŋolo adwarenene alorwa a ŋulu epukator erwosit Esekia ŋolo a Yudaya, tolimok ŋituŋa a Yudaya daadaŋ tema, ‘Ŋakiro ŋuna irworo Ekapolon ŋolo a ŋajoresyo ikes nu: Eruwor Sion neni itao ikwa emanikor, eruwor Yerusalem neni etukotor ŋamoru ŋuna eritakina kwap ka eruwor emukura ŋolo ka Akai ka Akuj amoni.’

Yer. 26:20

Ayai daŋ ekile ece ŋolo adwarenene alokiro ke Ekapolon, arae ekile ŋol Uria lokoku a Semaia ŋolo abunit alo Kirias-Yearim. Abu iŋes todwar ŋuna aronok aŋuna a etaun a lo ka aŋuna a akwap a na, erworo iŋes ŋakiro ŋuna ikwaan jik ka ŋuna alimu Yeremia.

Yer. 34:22

Alimokini ayoŋ ikes toboŋut lotaun lo, itijikinete ikes ŋituŋa a etaun a lo, ido kikamasi etaun ka kicunyakis a akim. Eturuwori ayoŋ ŋitaunio a Yudaya ŋireŋoroto, neni emam ŋituŋa eya.”

Yer. 35:17

Aŋun, ŋakiro ŋuna alimu Ekapolon Akuj ŋina a ŋajoresyo, Akuj ŋina a Ŋisirael ikes nu, ‘Alosi ayoŋ ayaun lotuŋa a Yudaya ka lotuŋa daadaŋ ŋulu iboiyete alo Yerusalem ŋican daadaŋ ŋulu adau ayoŋ alimun aŋuna kec, anerae erwor ayoŋ neni kec, nai nyiirara ikes, anyara ayoŋ ikes, nai nyeboŋokino ikes ayoŋ.’

Yer. 36:31

Tosodi, esicani ayoŋ iŋes kaapei ka ŋiletok keŋ ta ŋiketiyak keŋ aŋuna ka asecit kec. Ayauni ayoŋ neni kec ka neni a ŋituŋa a Yerusalem ŋican daadaŋ ŋulu abu ayoŋ olimu atemar ayauni, nai apotu ikes nyiirasi ŋakiro kaŋ.”

Yer. 40:3

tosodi tokona esiyook Ekapolon ŋakiro ŋun, ido etiya ikwapei alimunitor, anerae ipotu iyes daadaŋ toseca aneni ke Ekapolon, nyiwuapa ŋakiro keŋ. Aŋun, etiyakin ŋakiro ŋun neni kus.

Yer. 44:27

Alosi ayoŋ akitere iyes aŋuna ka awania, meere aŋuna ka ajokis, ŋituŋa daadaŋ ŋulu a Yudaya ŋulu eyakasi Ijipit earyo a ekileŋ ka eron tari ŋina emamukaunor tari ipei daŋ ŋini idoŋi.

Yer. 5:14

Aŋun, alimu Ekapolon Akuj ŋina etiron ŋakiro nu, “Aŋuna alimunioto ŋituŋa ŋakiro ŋun, esikwaanikini ayoŋ akirot ŋina ilimuni iyoŋ ka akim, esikwaanikini ayoŋ ŋituŋa ŋul ka ŋakito, ido enomiyari akim ikes.

Dan. 9:12

Esiyook Ekapolon ŋakiro keŋ, ŋakiro ŋuna abu iŋes kirwor ikitoroniyarit isua ka ŋikapolok kosi, etiya Ekapolon ŋun anainakin isua ŋican ŋulu apolok nooi. Ŋuna etiyakin Yerusalem, mam akwap anakwap a daadaŋ ŋina etiyakin ŋun.

Amos 9:4

Tari kerikosi ŋimoe ikes, eciki ayoŋ ŋimoe kec toarae ikes a ekileŋ, adau ayoŋ atubun akitiya neni kec aronis meere ajokis.

Sakar 1:6

Ani bo ŋakiro kaŋ ka ŋikisila kaŋ, ŋulu abu ayoŋ olimok ŋikadwarak kaŋ, ŋulu arae ŋiketiyak kaŋ, pa mono apotu ŋun kiduposi atapapaa kus toryamut ŋican aŋun a? Aŋun, apotu ikes tokiwa temasi, ‘Adau Ekapolon ŋolo Etiron akitiya neni yok ŋuna emaikina iwon oryamutu aŋuna ka aronis yok ka aŋuna a ŋiticisyo yok a ŋulu aronok. Etiya iŋes ŋun lopite ŋolo sek ayeunitor akitiyakin.’ ”

Mat. 24:35

Edaunosi nakuj ka akwap, nai nyedaunosi ŋakaakiro jik.