Yer. 39:1 - Ebaibul

¹ Alokaru a ŋolo a ŋitomon elap ŋolo a ŋitomon ipukat erwosit Sedekia ŋolo a Yudaya, abu erwosit Nebukadinesar ŋolo a Babilon kaapei ka ŋasigarya keŋ daadaŋ potu Yerusalem kirikaut.

Yer. 39:1 Iomraidhean Croise

2 Ŋakiro a ŋirwa 36:17

Aŋun, abu Akuj tocamak erwosit a Babilon ebuni akirem ikes. Abu toar ŋisorok kec anakibois kec a ŋina asegan, abu nyisyon esorokit, kori asorokit, ekasikout, kori akimat, kori ituŋanan idio daadaŋ ŋini apalag. Abu Akuj kipotok ŋituŋa ŋul daadaŋ neni a Nebukadinesar toar.

Yer. 32:1

Alokaru a ŋolo a ŋitomon ipukat erwosit Sedekia Yudaya, torae daŋ ekaru ŋolo a ŋitomon ka ŋikanikauni ipukat Nebukadinesar, kiruwor Ekapolon neni a Yeremia.

Yer. 34:1

Erae nu ŋakiro ŋuna abu Ekapolon kirwor neni a Yeremia apaki ŋina etijio erwosit Nebukadinesar ŋolo a Babilon kaapei ka ŋasigarya keŋ daadaŋ ka ŋituŋa a ŋakwapin a daadaŋ a ŋuna epukat iŋes ŋituŋa a Yerusalem ka ŋituŋa a ŋitaunio a Yerusalem daadaŋ.

Yer. 34:22

Alimokini ayoŋ ikes toboŋut lotaun lo, itijikinete ikes ŋituŋa a etaun a lo, ido kikamasi etaun ka kicunyakis a akim. Eturuwori ayoŋ ŋitaunio a Yudaya ŋireŋoroto, neni emam ŋituŋa eya.”

Yer. 42:18

“Erae nu ŋakiro ŋuna alimu Ekapolon ŋolo a ŋajoresyo, Akuj a Ŋisirael ebe, ‘Lopite ŋolo abunio aŋoit kaŋ ka anyunyura kaŋ toyakaun neni a ŋituŋa a ŋulu eboiyete alo Yerusalem, ikwaŋinapei, ebuni anyunyura kaŋ neni kus daŋ apaki ŋina ilosyoto iyes Ijipit, iruworosi iyes ŋituŋa ŋulu icenere ŋuluce ka ŋulu inyasere ŋuluce, ikijamuwarete ŋituŋa iyes ka iyanyio ŋituŋa isitiyao ekiro kus. Nyiŋolikinete iyes akibois na nabo.’

Yer. 52:1

Arae ŋikaru a Sedekia ŋatomoniarei ka epei apaki ŋina esyakinia iŋes akipuka Yudaya. Kipuka iŋes Yudaya alo Yerusalem ŋikaru ŋitomon ka epei. Arae ekiro a toto keŋ Amutal nakoku a Yeremia a ŋolo alo Libina.

Yer. 6:6

Alimu Ekapolon ŋolo a ŋajoresyo ebe, “Toyepakisi ŋikito keŋ kwap, todukokisi akititis ŋina elomarere akitijikin Yerusalem, Erae Yerusalem etaun ŋolo emaikina kisicanae, emam ibore ice eyai tooma keŋ mati akisicanit ŋuluce bon.

Esek. 33:21

Alokaru a ŋolo a ŋitomon ka ŋiarei eyakae isua nakwapin ŋuna ikirikoritae, torae elap ŋolo a ŋitomon, ŋirwa ka elap ŋikan, abu ituŋanan ice ŋini kesiiuni alo Yerusalem bu neni kaŋ tema, “Amunaar etaun Yerusalem.”

Esek. 4:3

Tolemu asaani ŋina erae asuwat kiwuak kidiŋ kon ke etaun erae arwatata ŋina eyai kidiŋ iyoŋ ke etaun. Emaikina iyoŋ kiŋoliya lotaun, kiŋolik iŋes erae ŋolo irikaunitae, torae iyoŋ pei irikaunit iŋes. Erae ŋol epite ŋolo itoodikinitere Ŋisirael ŋakiro ŋuna itiyakin.

Esek. 40:1

Alokaru a ŋolo a ŋatomoniarei ka ŋikan eyakae isua nakwapin, torae apaki ŋin akisyakinet a ekaru a ŋol, ŋirwa a elap ŋitomon, toris ŋikaru ŋitomon ka ŋiomwon kelunyar ameun apaki ŋina enyasunere Yerusalem, abu apedor ŋina ke Ekapolon min neni kaŋ, okoyau ayoŋ neni sek ayai Akai ka Akuj.

Esek. 5:2

Ani edaun ŋirwa ŋulu irikaunitere Yerusalem, emaikina kicuny alotooma etaun ŋitim ŋul atutubet apei alotooma ŋauni. Tolemu nabo atutubet ŋina a ŋaarei totubutubu a ekileŋ irimi alokiŋa etaun. Tosodi atutubet ŋina a ŋauni, emaikina kiela lokuwuam etutupak ayoŋ ikes ekileŋ kaŋ.

Sakar 8:19

“Emaikina akiredanakin akiron ŋina iredanakinere aroneenen elap ŋolo a ŋiomwon, ŋolo a ŋikan, ŋolo a ŋikanikaarei ka ŋolo a ŋitomon, toruwor ŋasuban ŋuna ka alelyanu ka alakara aneni a ŋituŋa a Yudaya. Aŋun, emaikina iyes tominakis ŋuna a kire ka ekisil.”

Ŋikis. 28:36

Ikiyai Ekapolon iyes kaapei ka erwosit ŋolo iseunete iyes akipuka iyes nakwap ŋina nyiyenete iyes, kori ŋina pa ayenete atapapaa kus, neni itiyanakineta iyes ŋakujo ŋuna itiyaunitae a ŋakito ka ŋamoru.