Yer. 38:4 - Ebaibul

⁴ Tolimokis nai ŋikapolok erwosit temasi, “Emaikina ekile lo toarae, anerae nyisimukekinit iŋes ŋasigarya ŋuna idoŋito lotaun kaapei ka ŋituŋa daadaŋ anakiro a ŋuna irworo iŋes neni kec. Nyemitakinit ekile lo akiyar a ŋituŋa, nai ecamit iŋes tomunyarae ŋituŋa.”

Yer. 38:4 Iomraidhean Croise

1 Ŋirw. 21:20

Kiŋit Aab Eliya tema, “Emoit kaŋ, idau iyoŋ aryamun ayoŋ a?” Toboŋok Eliya tema, “Adau ayoŋ aryamun iyoŋ; anerae ilelaki iyoŋ akitiya ŋakiro ŋuna aronok alokiŋaren Ekapolon.

2 Ŋakiro a ŋirwa 24:21

Abu Yoas toyeut ka ŋituŋa akiar Sakariya, ido apotu ŋituŋa tocaka Sakariya a ŋamoru lopite ŋolo alimokinia erwosit ikes. Toarakinae Sakariya nalapatu ŋina a Akai ka Akuj.

Esir 4:12

ikilipi iyoŋ erwosit toyenu atemar aloto Yerusalem Ŋiburaniyae ŋulu apote aneni kon neni kosi. Edukete ikes nabo etaun ŋol ŋolo a ŋikaŋerok ka a ŋikaronok, aapuu ikes akirikakin akiduk nabo ŋarwatatain ka esubanakinete ŋakisyakineta a ŋarwatatain.

Neem. 6:9

Alimunete ikes ŋun, anerae acamito ikes daadaŋ akitubul isua etamete ebe, “Imyekinete ikes etic ŋolo ka akiduk, ido nyitiyakinio etic ŋol.” Nai tokona, okoe Akuj, kitogogoŋoi ayoŋ.

Awos. 5:4

Nai kiŋit erwosit a Ijipit ikes tema, “Moses ka Aron, kaanukiro icamitotor iyes akiya ŋituŋa aloticisyo kec? Toboŋosi loticisyo kus!”

Yer. 11:21

“Aŋun, alimu Ekapolon aŋuna a ŋituŋa ka Anasos a ŋulu ecamito akiar iyoŋ ka ebasi, ‘Nyidwari iyoŋ alokiro ke Ekapolon, ani kitiya iyoŋ ŋun, ikiari isua iyoŋ;’

Yer. 18:23

Okoe Ekapolon, iyeni iyoŋ atemar atukut ikes akiar ayoŋ. Nyisyon ikes anasecit kec, nyiesik akisican ikes aŋuna ka asecit kec. Kimyek kilounae ikes alokiŋaren kon; kisican ikes apaki ŋina iŋoitor iyoŋ.”

Yer. 26:11

Temasi nai ŋisacaradotin ka ŋikadwarak neni a ŋikapolok ka ŋituŋa daadaŋ, “Emaikina ekile lo totubokinae atwanare, anerae adau iŋes akidwar ŋuna aronok aŋuna a etaun a lo, lopite ŋolo iiraryata iyes a ŋaki kus.”

Yer. 29:7

Nai kitiyata ŋuna itopoloorete etaun ŋolo adau ayoŋ akiyakiyar iyes irae ŋirikon ka kilipete neni ke Ekapolon aŋuna ke etaun a ŋol, anerae anakitopoloorit kus etaun ŋol, ikitopolooryo iyes daŋ.”

Yer. 38:16

Aŋun abu erwosit Sedekia kikoŋ anakimunono neni a Yeremia tema, “Ikwapei eyarya Ekapolon, ŋolo ikiinakinit iwon akiyar yok, nyakaari ayoŋ iyoŋ, kori nyekepotokini ayoŋ iyoŋ napedor a ŋikilyok a lu a ŋulu imanito akiyar kon.”

Yer. 38:25

Ani kiirasi ŋikapolok atemar abu ayoŋ erworo ka iyoŋ, ido potu neni kon temasi, ‘Tolimokinae isua ŋakiro ŋuna ilimok iyoŋ erwosit, nyikimunon isua ŋakiro ŋun, ani pa kilimu ikiaryo isua iyoŋ. Anukiro abu erwosit ikilimok iyoŋ?’

Yer. 43:3

Nai Baruk lokoku a Neria iŋes ikicocoi iyoŋ aŋuna kosi akipotokin isua neni a Ŋibabiloniyae, ikotere ikes ikiarete isua, kori itorikosi isua ikirae ŋirikon Babilon.”

Esek. 22:27

Ekwaanikin ŋikarikok a akwap kec ka ŋipeei ŋulu enyamete etyaŋ; earete ŋituŋa ka amunyasi ŋituŋa aŋuna ka aryamun ibore ŋinidemuna ŋinice.

Amos 7:10

Ekaku a ŋun, kiyakiya Amasia ŋolo arae esacaradoti alo Besel ŋituŋa neni a Yeroboam a erwosit a Isirael tema, “Atuku Amos ŋuna aronok aŋuna kon anepei a ne alokidiŋ Ŋisirael. Nyepedorete ŋituŋa akidaŋidaŋ ŋakiro keŋ daadaŋ,

Luk. 23:2

Togeut ikes akisitakin iŋes a nen ebasi, “Ikiryamuni isua ekile lo icocoi ŋituŋa ŋulu ka akwap kosi ka ikiteŋerit isua akibuk ocur neni ke ekepukan a Roma, ebala nabo arae iŋes Kristo--erwosit.”

Ŋitic. 16:20

Ani kedaut ikes ayaun ikes lokatubok, temasi, “Erae ŋikilyok lu Ŋiyudayan, isiguryaete ikes etaun yok.

Ŋitic. 17:6

Nai ani eryamunete ikes emamukasi, kiriut Yason kaapei ka ŋikanupak ŋice lokapolok ŋulu ke etaun, tocelas ebasi, “Etolomut ŋikilyok lu ŋakiro ŋuna aronok nakwap daadaŋ! Tokona apotu ikes lotaun yok

Ŋitic. 24:5

Aponi isua toryamunae etuŋanan lo erae ŋolo aronon nooi, ŋolo ageununui aruruma alokidiŋ Ŋiyudayan daadaŋ ŋulu ka akwap a daadaŋ ka erae iŋes elope ekarikon ŋolo ka atukot a ŋina ebookoi ebe Ŋinasarin.

Ŋitic. 28:22

Nai ikicamit isua akiirar aneni kon ŋakiro ŋuna itami iyoŋ, anerae ikiyeni isua atemar anakwap a daadaŋ itoroniarito ŋituŋa atukot ŋina iyai iyoŋ.”