Yer. 38:22 - Ebaibul

²² Abu ayoŋ eŋolik anakiruja ŋaberu daadaŋ ŋuna edoŋito kai ke erwosit a Yudaya erikoryo kiŋa neni a ŋikapolok a erwosit a Babilon ebasi, ‘Apotu ŋikonei ŋuluminan a erwosit tomodiyasi erwosit, apotu kilopiyasi iŋes anapolou. Aŋuna tokona epokia ecoto ŋakejen kon, ikimyekis ikes iyoŋ. Tokona a ŋina emiidikinotor ŋakejen a erwosit locoto emyekis ŋikonei keŋ iŋes.’

Yer. 38:22 Iomraidhean Croise

Yob 6:15

Aruwor ŋirukitos kaŋ ŋulu nyikinyoma ikwa ayonae ŋina emam ŋakipi, ikwa ŋayona ŋuna ani emam akiru eokito deu,

Ŋikiru. 41:9

Tari lokone kaŋ ŋolo amina ayoŋ nooi, ŋolo ekinyomit ayoŋ nooi, ŋolo abu omora ka ayoŋ akimuj, akaluki ayoŋ.

Ŋikiru. 69:14

Toiunae ayoŋ anatwanare; kiyokoi ayoŋ ejok alomoe kaŋ, toiunae ayoŋ nyaloma nakibois a ŋikatwak.

Ŋikiru. 69:2

Ekeliko ayoŋ ecoto ŋolo alalan, emam neni eonit alokwap; ayai tokona ayoŋ nakipi ŋuna ecukul akanukia ayoŋ akalele.

Isa. 42:17

Nai ikes ŋulu ikinyomito neni a ŋakujo, ŋulu irworosi neni a ŋakujo ebasi, ‘Irae iyes ŋakujo kosi,’ isurumyo ikes ŋileec nooi.

Yer. 13:21

Anukiro ilimunete iyes apaki ŋina eponiata ŋituŋa ŋulusek iriito ka iyes? Nyiryabakinosi iyes lopite ŋolo eryabar aberu ŋina eapi akidoun a?

Yer. 20:10

anerae apupi ayoŋ ŋituŋa ŋulu alalak iŋaiŋaasi ebasi, “Eyai ekabule ŋiwaetin daadaŋ, kisitakisi iŋes! Emaikina iwon esitakisi iŋes!” Idarito ŋikonei kaŋ daadaŋ atemar okokuruwo ayoŋ akitiya, ebasi ikes make, “Acepaki emodiyaryo iŋes, eloutu nai iwon iŋes, enyaŋasi ŋuna etiyat iŋes neni yok.”

Yer. 27:14

Nyiwuapa ŋakiro a ŋikadwarak a ŋulu ikilimonokinete iyes atemar nyitiyanakis erwosit a Babilon, anerae edwarete ikes neni kus ŋuna ka alyokonu.

Yer. 27:15

Nyiyakuuna ayoŋ ikes, nai edwarete ikes ŋuna ka alyokonu alokiro kaŋ ecamito atemar ekerita ayoŋ iyes, ido tomunyaros iyes kaapei ka ŋikadwarak ŋulu edwareneete neni kus.”

Yer. 38:19

Tolimok erwosit Sedekia Yeremia tema, “Akabulit ayoŋ aŋuna a Ŋiyudayan a ŋulu ariwo ka Ŋibabiloniyae, anerae acepaki ekepotokinio ayoŋ neni kec, ido epedorete ikes abolyar ayoŋ.”

Yer. 38:21

Nai ani pa kicamu iyoŋ akilouno, ekesileerek Ekapolon ayoŋ ŋakiro nu:

Yer. 41:10

Toriko nai Isimael ŋituŋa ŋuluce daadaŋ ŋulu aya Misipa, ŋidwe a erwosit ŋulupesur ka ŋituŋa daadaŋ ŋulu edoŋito Misipa ŋulu kebu Nebusaradan ekapolokiniton a ŋasigarya a Babilon kicikak neni a Gedalia alokoku a Aikam. Abu Isimael toriko ŋituŋa ŋul daadaŋ erae ŋirikon totuboror nakwap a Ŋiamoni.

Yer. 43:6

ŋituŋa ŋulu ikes ŋikilyok, ŋaberu, ŋidwe, ŋidwe a erwosit ŋulupesur ka ŋituŋa daadaŋ ŋulu abu Nebusaradan ekapolokiniton a ŋasigarya a Babilon kimyek ka Gedalia lokoku ka Aikam a ŋolo arae lokoku a Sepan, yaasi tari ekadwaran Yeremia ka Baruk lokoku a Neria.

Yer. 46:21

Tari ŋikajiok keŋ ŋulu ipaŋgaunitae, ikwaan ka ŋitak ŋulu atumak, ikes daŋ ibelekin toema kaapei, nyewoikinete ŋimoe, anerae adolu akoloŋit ŋina isicanere ikes, adolu apaki ŋina ka amunyaro kec.

Yer. 46:5

Kaanukiro eteo ayoŋ ikes ebulit? Aema ikes, aboŋosi ebulit, eloun ŋikajiok kec, ido ikirikasi ekerete, iŋoliununeete kaku, eyai ekabule lowaetin kec daadaŋ.

Yer. 6:12

Eruworosi ŋakais kec ŋuna a ŋituŋa a ŋice, ŋimanikorin kec daŋ eruworosi ŋulu a ŋituŋa a ŋice, ŋaberu kec daŋ eruworosi ŋuna a ŋituŋa a ŋice, anerae esicani ayoŋ ŋituŋa ŋulu ka akwap a Isirael.

Yer. 8:10

Aŋun, ainakini ayoŋ ŋaberu kec neni a ŋituŋa a ŋice ka ainakini ŋimanikorin kec neni a ŋulu ilounete ikes alojie, anerae itiyaete ŋituŋa daadaŋ ŋuna nyiyookino, ŋulu apolok ka ŋulucaryo, ameun alokadwarak tari losacaradotin itiyaete daadaŋ ŋuna ka alyokonu.

Aum. 1:13

“Abu Ekapolon kiyaku akim alokidiama, abu akim ŋin itonom isua todol tari nakoyo. Abu Ekapolon topeta atibait keŋ akikamunia ŋakejen kosi kiŋoliyarae neni sek aponere. Abu Ekapolon ikimyek isua make, eryebae apaaran jwii.

Aum. 1:2

Igworo iŋes akuwar kya epipilikinito ŋakiro, eleleete ŋakiyo alokelyo keŋ, mam ŋikonei keŋ ŋuluŋorok daadaŋ ŋolo ebuni akisirworiun iŋes; alukis iŋes ŋikonei keŋ daadaŋ, aruwor ŋikonei keŋ daadaŋ ŋimoe keŋ.

Aum. 5:11

Aloma ŋituŋa ŋaberu kosi alo Sion, areikis ŋituŋa ŋapesur alotaunio a Yudaya ŋuna sek nyiryamanakina ka ŋikilyok akiryamakin ka ikes.

Mika 7:5

Nyikinyom ekone, nyikinyom neni a ŋini imina iyoŋ; tocoik ŋakiro ŋuna irworo iyoŋ tari neni ka aberu kon,