Yer. 38:19 - Ebaibul

¹⁹ Tolimok erwosit Sedekia Yeremia tema, “Akabulit ayoŋ aŋuna a Ŋiyudayan a ŋulu ariwo ka Ŋibabiloniyae, anerae acepaki ekepotokinio ayoŋ neni kec, ido epedorete ikes abolyar ayoŋ.”

Yer. 38:19 Iomraidhean Croise

2 Ŋakiro a ŋirwa 30:10

Aŋun, apotu ŋituŋa ŋulu eyakitae akiya ŋabaruwae toloto ageun alotaun ke epei tari ŋoloce anakwap a ŋina a ekabila a Epuraim ka a ŋina a ekabila a Manase, todolo tari lokabila a Sebulun; nai apotu ŋituŋa a ŋakiboisyo a ŋun tokyanatar ka tojamuwasi ŋakiro kec.

Neem. 4:1

Ani iirari Sanibalat atemar edukio isua arwatata, abu iŋes toŋo nooi, toresiyar nooi, tojamuwana Ŋiburaniyae.

Yob 31:34

anerae akerit ayoŋ atemar nyekerworotor ŋituŋa ka abu ayoŋ okerite atemar nyakajamuwasi ŋituŋa kaŋ; aŋun, abu ayoŋ eliliŋ otakin cek, ido abu nyaloma kiŋa akai kaŋ.

Ŋakit. 29:25

Erae akuryanu emoit a ituŋanan, nai ituŋanan ŋini ikinyomit neni a Ekapolon, iuryaryo erae ŋini eiuna.

Isa. 57:11

Ŋae ikerito ka ikuryanito iyes aŋuna keŋ, ŋini abu ikiinak iyes akirwor alyokonu, ido ikitojoŋo iyes atamunit ayoŋ, kori atamatam aŋuna kaŋ? Meere nai aŋuna abunio ayoŋ eliliŋ apaki ŋina aoyan iŋes iponiata iyes nyikitopoloosi ayoŋ a?

Yer. 20:7

Okoe Ekapolon ikisupa iyoŋ ayoŋ ka adau ayoŋ akisuparo ikilou iyoŋ ayoŋ ka iruwor iyoŋ ekelounan. Aruwor ayoŋ ŋolo akakyenare apaaran jwii; akajamuwarito ayoŋ ŋituŋa daadaŋ.

Yer. 38:22

Abu ayoŋ eŋolik anakiruja ŋaberu daadaŋ ŋuna edoŋito kai ke erwosit a Yudaya erikoryo kiŋa neni a ŋikapolok a erwosit a Babilon ebasi, ‘Apotu ŋikonei ŋuluminan a erwosit tomodiyasi erwosit, apotu kilopiyasi iŋes anapolou. Aŋuna tokona epokia ecoto ŋakejen kon, ikimyekis ikes iyoŋ. Tokona a ŋina emiidikinotor ŋakejen a erwosit locoto emyekis ŋikonei keŋ iŋes.’

Yer. 38:5

Tema erwosit Sedekia, “Iŋes lo, eyai napedor kus, anerae emamukar erwosit apedor ŋina ikiŋeryo iyes.”

Yer. 39:9

Tosodi abu Nebusaradan ekapolokiniton a ŋasigarya a Babilon toriko Babilon ŋituŋa daadaŋ ŋulu aya lotaun ŋulu apotu toriwo ka iŋes ka ŋituŋa ŋulu edoŋito lotaun.

Yoa. 12:42

Tari kikote neni, apotu tari ŋikapolok ŋulu a Ŋiyudayan ŋulu alalak tonupa Yesu. Nai aŋuna akeritotor ikes Ŋiparisayon, nyelimut ikes ŋakiro ŋun epupete ŋituŋa, ikotere nyiritar ikes alosinagoga.

Ŋikat. 16:25

Ani elakarosi ikes nooi, temasi, “Tonyarautu Samuson, tobolya alokiŋaren yok ikitalaka iwon.” Aŋun, aponi tonyaraunae Samuson alojera tobolya Samuson kitalaka Ŋipilistin. Apotu Ŋipilistin kitowua Samuson alokidiŋ Ŋipirin,

Ŋikat. 9:54

Atipei tonyara Abimelek esorokit ŋolo sek aryoŋit ŋiboro keŋ ŋulujiet, tolimok iŋes tema, “Tolemu ekileŋ kon ikiarya ayoŋ, ikotere nyetemasi ŋituŋa aŋuna kaŋ ebe, ‘Aberu aari iŋes.’ ” Aŋun, abu esorokit ŋol kicum iŋes a ekileŋ toar.

1 Sam. 15:24

Tema Saul neni a Samuel, “Asec ayoŋ aŋuna abunio oŋer akiwuap akiciket a Ekapolon ka ŋakiro kon. Arae ŋun aŋuna abunio ayoŋ oker ŋituŋa, ido ewuap ŋuna abasi ikes.

1 Sam. 31:4

Tema nai Saul neni a ekile a ŋolo aryoŋit ŋiboro keŋ ŋulu ke ejie, “Tolemu ekileŋ kon ikicumya ayoŋ, ikotere nyepotu ŋituŋa ŋul ŋulu nyileŋeritae akicum ayoŋ, ido okokyanatar.” Nai abu ŋolo aryoŋit ŋiboro a Saul ŋulu ke ejie nyecamu akicum Saul, anerae eilit iŋes. Aŋun, abu Saul tolemu ekileŋ keŋ a elope toramakin lokileŋ kicumakin bon.