Yer. 38:17 - Ebaibul

¹⁷ Tolimok nai Yeremia Sedekia tema, “Alimu Ekapolon, Akuj a ŋajoresyo, Akuj a Ŋisirael ebe, ‘Ani ca kicamu iyoŋ akilouno aneni a ŋikapolok a Babilon, eiun akiyar kon ka nyicunyakinio etaun lo, ido iyari iyoŋ kaapei ka ŋituŋa a ekal kon.

Yer. 38:17 Iomraidhean Croise

Akisy. 12:13

Tolimok kare ikes ebe irae iyoŋ nakaato kaŋ, ikotere nyitiyata ikes adio aronis neni kaŋ, nyakaar ayoŋ aŋuna kon, itoiut iwon ŋuna ilimuni iyoŋ.”

2 Ŋirw. 24:12

Abu erwosit Yeoiakin tocamu Nebukadinesar kikama iŋes kaapei ka toto keŋ, ŋiketiyak keŋ, ŋikapolok anapukan keŋ ka ŋulu apolokinito akai ka apukan. Yaarae Yeoiakin erae emabus alokaru a ŋolo a ŋikanikauni ipukat iŋes Yudaya.

2 Ŋirw. 25:27

Alokaru a ŋolo a ŋatomoniuni ka ŋikanikaarei ŋirwa ke elap ŋatomoniarei ka ŋikanikaarei, elap ŋolo a ŋitomon ka ŋiarei, eriŋa Yeoiakim erwosit a Yudaya erae emabus alo Babiblon, kisyak Ebilimerodak ŋolo alo Babilon akipuka Babilon, tolacak Ebilimerodak Yeoiakim erwosit a Yudaya alomabus.

1 Ŋakiro a ŋirwa 17:24

ikotere nai itopolooryo ekiro kon ŋikaru ka ŋikaru anakiro a ŋuna ebasi, ‘Erae Ekapolon ŋolo a ŋajoresyo, Akuj ŋina ipukat Isirael, ŋina erae Akuj a Isirael ka erubakinete ŋiletok a Daudi a eketiyan kon erae ŋikepukak ŋikaru ka ŋikaru.’

Esir 9:4

Apotu nai daadaŋ ŋulu ayakatar akitopoolorit ŋakiro ŋuna ka Akuj a Ŋisirael tocununos ekerimokis ayoŋ kidiŋ, eboi ayoŋ alokwap akabulit akitodol apaki ŋina ka amuronot a ŋina ke eboŋ; etiyaete ikes ŋun aŋuna amamukar akikinyomit ayakatar ŋulu aboŋunete anakwap a ŋina sek arikoritae.

Yob 23:13

Nai adau iŋes atubun ŋuna itiyakini, ŋae nai epedori akiretakin iŋes? Ŋuna alimu iŋes atemar etiyakini, itiyakini.

Ŋikiru. 80:14

Toboŋu neni kosi, okoe Akuj ŋina a ŋajoresyo; kiŋoliu kwap anakuj ikiŋolik isua; bua toiu ŋituŋa kon.

Ŋikiru. 80:7

Kinyakunae isua, okoe Akuj ŋina a ŋajoresyo; kisyoni isua, ikotere isua ikiiun.

Yer. 27:12

Abu ayoŋ erwor ŋakiro ŋunapei ŋun neni a erwosit Sedekia a ŋolo a Yudaya, olimok iŋes ebe, “Kitopoloosi erwosit a Babilon, kitiyanakisi iŋes ka ŋituŋa keŋ, irubakinete iyarete.

Yer. 27:17

Nyiwuapa ŋakiro kec, nai kitiyanakisi erwosit a Babilon ikotere iyarete. Kaanukiro eruworor etaun lo ereŋorot?

Yer. 27:8

“Nai ani kewou akwap adio, kori apukan adio akitiyanakin erwosit Nebukadinesar ŋolo a Babilon, kori nyecamu akidaŋidaŋ ŋakiro keŋ, esicani ayoŋ akwap ŋin a ejie, a eron ka a edeke tari ŋina amunyarya ayoŋ akwap ŋin a apedor a Nebukadinesar.

Yer. 38:2

Tema Yeremia, “Alimu Ekapolon ebe, ‘Ŋituŋa daadaŋ ŋulu iboiyete alotaun a lo, etwakete a ekileŋ, a akoro ka edeke, nai ŋulu elomarete kiŋa etaun neni a Ŋibabiloniyae nyearyo, nai eiunete ikes akiyar kec, ido toyara.’

Yer. 39:3

Ani ikamario Yerusalem, apotu ŋikapolok daadaŋ ŋulu a erwosit a Babilon potu kiboikinos lopuke ŋolo alokidiŋ etaun. Ŋikapolok ŋul ikes lu: Nerigalisareser, Samirigarinebo, Sarisekim ŋolo a Rab-Saris, Nerigalisareser ŋolo a Rab-Mag ka ŋikapolok a erwosit a Babilon ŋuluce daadaŋ.

Yer. 40:9

Abu Gedalia lokoku ka Aikam a ŋolo arae lokoku a Sapan kikoŋ neni a ŋikarikok ka neni a ŋajorei kec tema, “Nyikuryaketa akitiyanakin Ŋibabiloniyae. Kiboiyoto anakwap yok, kitiyanakis erwosit a Babilon, mam ŋuna aronok itiyakin neni kus.

Yer. 44:7

Alimu tokona Ekapolon ŋolo a ŋajoresyo, Akuj ŋina a Ŋisirael atemar kaanukiro itiyaata iyes ŋakiro ŋuna eduporok iyes, ŋuna elemarete ŋikilyok, ŋaberu, ŋidwe ka ŋiŋwea anakwap a Yudaya, tomamukaun ŋipiya kus idoŋete?

Esek. 8:4

Ayai nen kiŋaren kaŋ akica ŋina ka Akuj a Ŋisirael, ŋina ekwaan ka ŋina a etorube a ŋolo eŋolikinit sek ayoŋ anakadipaalat.

Amos 5:27

ekaku a ŋun, eketirikori ayoŋ iyes ŋituŋa, ikiya iyes nakwap ŋina eyai yaye Damasko.” Alimu Ekapolon ŋolo erae ekiro keŋ Akuj ŋina a ŋajoresyo ŋakiro ŋun.