Yer. 37:7 - Ebaibul

⁷ “Alimu Ekapolon Akuj ŋina a Ŋisirael ebe, ‘Tolimokisi iyes ŋiarei erwosit a Yudaya ŋolo ikiyakuunit iyes akiŋit ayoŋ ŋuna emaikina kitiya, atemar eboŋorete nakwap kec Ijipit ŋasigarya a Parao ŋuna eponito akiŋarakin iyoŋ.

Yer. 37:7 Iomraidhean Croise

2 Ŋirw. 22:18

Nai tolimokisi erwosit a Yudaya ŋolo ikiyakuunit iyes akiŋitun ŋakiro aneni ke Ekapolon atemar ebala Ekapolon ŋolo erae Akuj a Ŋisirael, ikote ne ŋakiro ŋuna ibu iyoŋ kiira,

2 Ŋirw. 24:7

Abu erwosit a Ijipit nyeboŋu nabo nakwap keŋ, anerae abu erwosit ŋolo a Babilon todema iŋes akwap ŋina sek arae ŋina keŋ daadaŋ, ameun anayonae a Ijipit akitodol naŋolol Eupurate.

Ŋakit. 21:30

Emam ibore itiyakini ituŋanan aŋuna ka aosou keŋ, ayenut keŋ ka ayere keŋ ŋuna kitiya, erae pa kecamakinit Ekapolon.

Isa. 30:7

Eayete ikes ŋiboro ŋul nakwap a Ijipit ŋina erae akoŋinait, ŋina emam ibore eyakar, aŋun, anyar ayoŋ iŋes “Raab ŋina emam ibore itiyae.”

Isa. 36:6

Topupok, ikinyomit iyoŋ ŋituŋa a Ijipit, ŋituŋa ŋulu epalag ikwaan ka ateteleit ŋina ebilil, ŋina epedori akirem akan a ituŋanan a ŋini egwaŋakin iŋes. Ikoni Parao erwosit a Ijipit nen aneni a ŋulu ikinyomito iŋes.’

Yer. 2:18

Nyo itamete iyes atemar iryamunete analosit Ijipit akimat ŋakipi ŋuna ka aŋolol Nile? Kori nyo iryamunete iyes analosit Asiriya akimat ŋakipi ŋuna ka aŋolol Eupurate?

Yer. 2:36

Kaanukiro isaaryata iyes ilocokinioto ŋipitesyo kus? Ikisirumete iyes ŋituŋa a Ijipit ŋileec lopite ŋolo aponiata ŋituŋa ŋulu ka Asiriya ikisurumyata iyes ŋileec.

Yer. 2:37

Ipote iyes aina daŋ iwokito ŋakan, anerae aŋer Ekapolon ŋituŋa ŋulu ikinyomito iyes, ido nyibarete iyes aneni kec.”

Yer. 21:1

Erae nu ŋakiro ŋuna apote aneni a Ekapolon neni a Yeremia apaki ŋina eyakiunia erwosit Sedekia ŋituŋa lu: Pasur lokoku a Malakia ka esacaradoti Sepania lokoku a Maaseia ebala,

Yer. 21:2

“Ekelipit ayoŋ iyoŋ kiŋit Ekapolon aŋuna kosi, anerae ikirikau iwon erwosit Nebukadinesar ŋolo a Babilon, acepaki epedori Ekapolon akitiya aumokinet aŋuna yok lopite ŋolo sek etiyaenenia, ido inak Nebukadinesar toboŋo aneni yok.”

Yer. 37:3

Abu Sedekia kiyakiya Yeukal lokoku a Semaia ka esacaradoti Sepania lokoku a Mesaia neni a ekadwaran Yeremia tema, “Okoe, kilip kareca aŋuna kosi neni a Ekapolon Akuj yok.”

Yer. 37:5

Apaki ŋinapei, aris ŋasigarya a Parao kepotu alo Ijipit, ani iirarete Ŋibabiloniyae ŋulu aris kirikaut Yerusalem ŋakiro a ŋasigarya a Parao, apotu toboŋosi alo Yerusalem.

Yer. 37:6

Abu nai Ekapolon kirwor neni a Yeremia tema,

Aum. 1:7

Alorwa a ŋulu a ŋican ka akirimit, apotu ŋituŋa a Yerusalem totamut ŋiboro kec daadaŋ ŋulu apol egyelit ŋulu ayakatar ikes ekiŋaren. Ani eyakaun ŋituŋa a Yerusalem napedor a ŋimoe kec, abu todaun ituŋanan iŋarakini ikes. Apotu ŋimoe a Yerusalem kitekis Yerusalem, ido ekyenatar aŋuna ka akinyasuno keŋ.

Aum. 4:17

Aponi isua kidarae ikiŋarak akwap adio, nai mam akiŋarakinet aponi toryamunae anakwap ka adio.

Esek. 17:17

Nyepedorete Parao ka ŋasigarya keŋ ŋuna alalak ka ŋirukitos keŋ ŋulu alalak akiŋarakin iŋes alojie a ŋolo edukitotor Ŋibabiloniyae ŋakititisyo ka ŋarwatatain aŋuna ka amunyarya ŋikalalak.

Esek. 29:16

Nyeruwor nabo jik Ŋijipitian ŋituŋa ŋulu epedorete Ŋisirael akikinyom, nai eruwor ibore ŋini itatamununui Ŋisirael asecit apaki ŋina elosyoto ikes akiŋarakino neni a Ŋijipitian. Apaki nai ŋin eyenuniata Ŋijipitian atemar arae ayoŋ Ekapolon.’ ”

Esek. 30:22

Aŋun, alimu Ekapolon Akuj ŋakiro nu ebe, ‘Emanit ayoŋ Parao erwosit ŋolo a Ijipit. Alemari ayoŋ agogoŋu keŋ daadaŋ, ŋina sek eyakar ka ŋina iŋarakinit iŋes, ikotere tojoŋo ekileŋ keŋ akiar ŋituŋa.