Yer. 37:21 - Ebaibul

²¹ Aŋun, abu erwosit Sedekia tolimu atemar yae Yeremia nalapatu ŋina eboiyoto ŋasigarya ŋuna iyokiyete akai a erwosit ka aponi a ŋinakoloŋit inakinae iŋes amugati ŋina ayaununuyo alorot a ŋolo aya ŋikepok ŋamugati, akitodol neni adaunotor ŋamugati alotaun. Aŋun, abu Yeremia kiboi analapatu a ŋina eboiyoto ŋiketeok akai a apukan.

Yer. 37:21 Iomraidhean Croise

2 Ŋirw. 25:3

Ani edoli ŋirwa ke elap ŋikanikaomwon, elap ŋolo a ŋiomwon, aris akoro kepuruu nooi alotaun, todaun ŋituŋa ibore ŋini imujete.

Yob 5:20

Ikilakuni Akuj anatwanare a ŋina ke eron, ikilakuni Akuj alojie a ŋolo earare.

Ŋikiru. 37:19

Nyeryamunete ikes ŋican alorwa a ŋulu aronok, eyakaunotor ikes akimuj ŋina alalan alorwa a ŋulu ke eron.

Ŋikiru. 37:3

Kikinyoma Ekapolon ka kitiyata ŋuna ajokak; ikotere iboiyete iyes anakwap ka emam ŋace.

Ŋakit. 16:7

Ani kitalakasi Ekapolon ŋuna itiyaete ŋituŋa, einakini Ekapolon tari ŋimoe kec akiboikin ka ikes isilito.

Ŋakit. 21:1

Erae Ekapolon itenit ŋatameta a erwosit, itenit iŋes ŋatameta a erwosit lopite ŋolo itenikinia ayonae ŋakipi toleleiya neni ecamit iŋes.

Isa. 33:16

Ŋituŋa ŋulu ikote nen ikes eyarete aneni emam ŋican, eiunosi ikes anataaba a ŋina esibit aduketait ŋinajiet, einanakinio ikes akimuj kec ka eyakaunotor ikes ŋakipi a ŋinapaki.

Yer. 20:2

Abu Pasur kidic Yeremia, ido toen a ŋiriko alopuke a ŋolo ayai nenimukur, a ŋolo enyaritae epuke a Benjamin alo Kai a Ekapolon.

Yer. 32:2

Apaki ŋin, erikaunito ŋasigarya a erwosit a Babilon Yerusalem, ayai ekadwaran Yeremia nalapatu ŋina ayakasi ŋasigarya ŋuna eyokiyete akai a apukan a erwosit a Yudaya,

Yer. 32:8

Abu nai lokaaya kaŋ Anamel bu neni kaŋ ayai ayoŋ nalapatu ŋina eboiyoto ŋasigarya ŋuna iyokiyete akai ka apukan, kitiyakin ŋun lopite ŋolo alimunitor Ekapolon. Tema Anamel neni kaŋ, ‘Togyel emanikor kaŋ ŋolo eyai Anasos nakwap ŋina a Benjamin, anerae iyakar iyoŋ apedor ŋinagyelet ka ŋina ituruworya iŋes emanikor kon, togyel iŋes aŋuna kon.’ Abu nai ayoŋ oyenu atemar erae ŋun ŋakiro ŋuna alimunit Ekapolon.

Yer. 33:1

Kirwor Ekapolon neni a Yeremia akirworikinet ŋina a ŋaarei, eriŋa iŋes egolokinitoe nalapatu ŋina eboiyoto ŋasigarya ŋuna iyokiyete akai ŋina ka apukan.

Yer. 38:13

Apotu nai ikes kiriut Yeremia alokare a ŋaunoi, torubak nai Yeremia iboi analapatu a ŋasigarya a ŋuna eteok akai a erwosit.

Yer. 38:28

Torubak Yeremia iboi analapatu a ŋina a ŋasigarya a ŋuna eyokiyete akai a erwosit, akitodol akoloŋit ŋina ekamarere etaun.

Yer. 38:6

Aŋun, apotu ikes torikosi Yeremia kimasakis tooma akare a Milikia alokoku a erwosit, ŋina ayai nalapatu ŋina a ŋasigarya a ŋuna eyokiyete akai a erwosit, kiyoolikis ikes Yeremia tooma akare a ŋaunoi. Amam ŋakipi alokare, nai arae ecoto bon ayai, toloma Yeremia locoto.

Yer. 38:9

“Ekapolon kaŋ erwosit, etiyata ŋituŋa lu ŋakiro ŋuna aronok nooi, emasakis ikes Yeremia tooma akare ikotere eari akoro iŋes a nen, anerae mam amugati idoŋit lotaun.”

Yer. 52:6

Ani edoli ŋirwa ke elap ŋikanikaomwon, elap ŋolo a ŋiomwon, tonyam akoro ŋituŋa nooi alotaun, todaun anakwap ibore ŋini imujete ŋituŋa.

Aum. 5:10

Etomwan pe akoro ŋawat kosi, ekokis emwaka ekeno, amwakut pe ŋamunyin a ŋawat kosi, ekokis emwaka ekitet.

Mat. 6:33

Nai kiwara mono Apukan ŋina anakuj ka akiyookino ŋina ka Akuj, toruworos nai ŋiboro ŋul daadaŋ ŋulu kus.

Ŋitic. 12:5

Aŋun, aponi togoloe Petero alomabus, nai elipete Ŋikristo nooi Akuj aŋuna keŋ.

Ŋitic. 24:27

Nai ani elunyarosi ŋikaru ŋiarei, kilunyokin ekepukan ece ŋolo anyaritae Porkias Pesto lorot a Pelekis. Aŋuna acamitor Pelekis akitiya ŋuna etalakarito Ŋiyudayan, abu kimyek Paulo alomabus.

Ŋitic. 28:16

Ani edolyo isua Roma, tocamakinae Paulo akiwarun akai keŋ bon, nai torukito ka esigarit ŋolo eten iŋes.

Ŋitic. 28:30

Kiboi Paulo ŋikaru ŋiarei alokai a ŋina atacenene iŋes, kijaununuye ŋulu daadaŋ aponeneete aanyunun iŋes.

Ŋiep. 4:1

Ekemaimai nai ayoŋ iyes--ayoŋ Paulo ŋolo arae emabus aŋuna ka akijaanakin Ekapolon Yesu: kiboiyoto lopite ŋolo itemokino iboiyoto ŋituŋa ŋulu enyarit Akuj aruwor ŋulu keŋ.

Ŋiep. 6:20

Tari tokona kayai mabus, eriŋa arae ekiyakia aŋuna a Ŋakiro a ŋuna Ajokak. Kilipeneneete ikotere erwor Ŋakiro ŋuna Ajokak emam akuryanu, ikwapei itemokino erworya.

2 Tim. 1:8

Kiurya nyikirumito ŋileec aŋuna ka akisera ŋakiro ŋuna ke Ekapolon yok kori aŋuna kaŋ, a ŋolo arae emabus aŋuna a Kristo. Nai todaŋ ŋican aŋuna a Ŋakiro a ŋuna Ajokak, lopite ŋolo ikiinakinitor Akuj iyoŋ agogoŋu akitiya ŋun.

2 Tim. 2:9

Aŋuna alimonokinia ayoŋ Ŋakiro ŋuna Ajokak, aryamunit ŋican ka akaenitae a ŋiriko ikwa ekeworon. Nai nyeenitae akirot ŋina ka Akuj.