Yer. 37:18 - Ebaibul

¹⁸ Tolimok Yeremia daŋ erwosit Sedekia tema, “Anukiro ŋuna aronok ŋuna etiyat ayoŋ neni kon, kori neni a ŋiketiyak kon, kori neni a ŋituŋa a lu ŋuna ikiwuakinitor iyoŋ ayoŋ lojera?

Yer. 37:18 Iomraidhean Croise

Akisy. 31:36

Apaki ŋin, toŋo Yakob kitepegak Laban kiŋit tema, “Nyo asecit ayoŋ? Anisecit etiya ayoŋ ŋina ikiwuapya iyoŋ ayoŋ a aryenyeo?

Ŋakit. 17:13

Ani kitiyae ituŋanan aronis neni a ŋulu itiyaete ajokis neni keŋ, nyiyotokini aronis alotuŋa a ituŋanan a ŋin.

Ŋakit. 17:26

Nyiyookino areikin ituŋanan ŋini nyitiyat aronis akitac ibore ŋini nyelemarit iŋes, kori nyiyookino akibuŋa ekapolon aŋuna itiyaa ŋuna iyookino.

Yer. 26:19

Abu mono erwosit Esekia ŋolo a Yudaya ka ŋituŋa a Yudaya daadaŋ toara Mika a? Pa mono abu Esekia kitopoloo Ekapolon ka todyek Ekapolon kitiya ajokis neni keŋ, ido pa abu Ekapolon kilocok ŋatameta keŋ, kimyek akisican ikes a akisicanet a ŋina sek aris iŋes kelimu aŋuna kec a? Nai tokona, edikino iwon ikiyauni akisicanet ŋina apolon neni yok!”

Dan. 6:22

Abu Akuj kaŋ kiyaku emalaika keŋ ŋolo abu togol ŋakituka a ŋiŋatunyo, ikotere nyakanyama ikes ayoŋ, anerae abu Akuj kaŋ toryamu atemar mam asecit etiyat ayoŋ aneni keŋ ka aneni kon daŋ, okoe erwosit, mam aronis etiyat ayoŋ.”

Yoa. 10:32

Tolimok Yesu ikes tema, “Eketoodik ayoŋ iyes ŋiticisyo ŋulu alalak ŋulu ajokak, ŋulu eponito aneni a Papa. Ali aloticisyo a ŋul icamitotor iyes akimasya ayoŋ a ŋamoru?”

Ŋitic. 23:1

Kitek Paulo atukot, kirworik tema, “Ŋikaitotoi! Ecayete ŋatameta kaŋ anakiro a daadaŋ a ŋuna ikamunito akiyar kaŋ alokiŋaren Akuj akitodol akoloŋit napei na.”

Ŋitic. 24:16

Aŋun, emukekinit ayoŋ jwi jwi akitacaunit ŋatameta kaŋ alokiŋaren Akuj ka alokiŋaren ŋituŋa.

Ŋitic. 25:11

Ani nai ketiyat ayoŋ ŋuna aronok, ŋuna itemokino otwania, nyewarit ayoŋ abucar anatwanare. Nai ani pa kiyookino ŋakiro ŋuna ekesitakinitotor ikes ayoŋ, emam ituŋanan epedori akipotokin ayoŋ neni kec. Eŋita ayoŋ ayaaro neni ke ekepukan a Roma.”

Ŋitic. 25:25

Nai abu ayoŋ oryamu atemar emam ŋakiro itiyat iŋes ŋuna itemokino totubokinere iŋes atwanare. Ikwaŋinapei abunio iŋes elope kiŋitak alosit neni ke ekepukan a Roma, atyaku ayoŋ akiyakiyar iŋes.

Ŋitic. 25:8

Kirwor Paulo aŋuna keŋ tema, “Emam ibore ŋini aronon ŋini etiyak ayoŋ Lokisila a Ŋiyudayan kori Kai ka Akuj kori lokepukan a Roma.”

Ŋitic. 26:31

torotokis kirworikinos make temasi, “Emam ŋakiro itiyat ekile lo, ŋuna itemokino toarere kori kiwuakinere mabus.”

Ŋigal. 4:16

Aruwor mono tokona ayoŋ emoit kus aŋuna ka alimokin iyes ŋuna a kire a?