Yer. 36:5 - Ebaibul

⁵ Tolimok Yeremia Baruk tema, “Nyakacamakinitae ayoŋ alomar Kai ka Akuj,

Yer. 36:5 Iomraidhean Croise

Neem. 6:10

Akoloŋit apei, apaki ŋina alositor ayoŋ kai a Semaia a lokoku a Delaia a ŋolo arae lokoku ka Meetabel, arae Semaia ŋolo agolokinitoe kai keŋ, abu iŋes okolimok ayoŋ tema, “Eryamunos kaapei tooma Kai ka Akuj, ido ogolokisi ŋikekya ŋulu ka Akai ka Akuj, anerae eponito ŋikemanitok kon akiar iyoŋ, kire jik akoloŋit na nakwaare epote ikes akiar iyoŋ.”

Ŋikiru. 88:8

Ikituruwo iyoŋ ayoŋ ŋolo akaŋerito ŋikonei kaŋ, ikituruwo iyoŋ ayoŋ ŋolo nyiburit ŋikonei kaŋ akiŋolikin; agolokino ayoŋ locan, emam epite ŋolo asiya;

Yer. 20:2

Abu Pasur kidic Yeremia, ido toen a ŋiriko alopuke a ŋolo ayai nenimukur, a ŋolo enyaritae epuke a Benjamin alo Kai a Ekapolon.

Yer. 32:12

abu ayoŋ oinak abaruwa ŋina ka acamunet ŋin neni a Baruk a lokoku a Neria a ŋolo arae lokoku a Mesaia, toyai nen lokaaya kaŋ Anamel ka ŋisuudae ŋulu apotu kiwuakis ŋakan kec nabaruwa ŋina ka acamunet kaŋ ka Anamel, aya daŋ nen Ŋiyudayan ŋulu eboiyete analapatu a ŋina a ŋasigarya a ŋuna iyokiyete akai ka apukan.

Yer. 32:2

Apaki ŋin, erikaunito ŋasigarya a erwosit a Babilon Yerusalem, ayai ekadwaran Yeremia nalapatu ŋina ayakasi ŋasigarya ŋuna eyokiyete akai a apukan a erwosit a Yudaya,

Yer. 33:1

Kirwor Ekapolon neni a Yeremia akirworikinet ŋina a ŋaarei, eriŋa iŋes egolokinitoe nalapatu ŋina eboiyoto ŋasigarya ŋuna iyokiyete akai ŋina ka apukan.

Yer. 37:15

Toŋoikis ŋikapolok Yeremia, kidica iŋes, tosodi toroca iŋes alokai a Yonasan a ekegirigiran, anerae aponi kituruworoe akai ŋin ejera.

Yer. 38:28

Torubak Yeremia iboi analapatu a ŋina a ŋasigarya a ŋuna eyokiyete akai a erwosit, akitodol akoloŋit ŋina ekamarere etaun.

Yer. 38:6

Aŋun, apotu ikes torikosi Yeremia kimasakis tooma akare a Milikia alokoku a erwosit, ŋina ayai nalapatu ŋina a ŋasigarya a ŋuna eyokiyete akai a erwosit, kiyoolikis ikes Yeremia tooma akare a ŋaunoi. Amam ŋakipi alokare, nai arae ecoto bon ayai, toloma Yeremia locoto.

Yer. 40:4

Topupok tokona, adau ayoŋ alacar nakoloŋit na ŋiriko ŋulu aya nakejen kon. Ani kicamit iyoŋ alosit ka ayoŋ Babilon, bua apena, ekericakini ayoŋ iyoŋ ejok, nai ani pa kicamit iyoŋ alosit ka ayoŋ Babilon, nyemaikina ibu, kiŋolik, eyai akwap ŋin daadaŋ kiŋaren kon, tolot neni itami iyoŋ ejok ka iyookino iyoŋ alosit.

2 Ŋikor. 11:23

Eraakasi ikes ŋiketiyak a Kristo a? Erworo ayoŋ ikwa ŋolo a ŋikerep--eloit ayoŋ ikes anaraakau eketiyan! -- Abu ayoŋ etiya nooi adepar, aponi ekewuakin mabus ŋarwa ŋakalalak, ekebuŋatae ŋakibuŋa ŋuna nyimarun, ŋapakio ŋuna alalak adikino atwani.

Ŋiep. 3:1

Aŋakiro a ŋun, elipit ayoŋ Akuj, ayoŋ Paulo ŋolo arae emabus aŋuna ejaanakinia Yesu Kristo aŋuna kus a ŋulu nyirae Ŋiyudayan.

Ŋiep. 6:20

Tari tokona kayai mabus, eriŋa arae ekiyakia aŋuna a Ŋakiro a ŋuna Ajokak. Kilipeneneete ikotere erwor Ŋakiro ŋuna Ajokak emam akuryanu, ikwapei itemokino erworya.

2 Tim. 2:9

Aŋuna alimonokinia ayoŋ Ŋakiro ŋuna Ajokak, aryamunit ŋican ka akaenitae a ŋiriko ikwa ekeworon. Nai nyeenitae akirot ŋina ka Akuj.

Ŋibur. 11:36

Aponi ŋice tojamuwarae ka kibuŋae, torocae a ŋiriko, yaarae mabus.